Cloudburst in Kishtwar: किश्तवाडमध्ये आभाळ फाटलं; आतापर्यंत ४जणांचा मृत्यूची नोंद, आकडा वाढण्याची शक्यता

किश्तवार आपत्तीत गंभीर जखमी झालेल्या २५ जणांवर जम्मू आणि काश्मीरच्या सरकारी वैद्यकीय महाविद्यालय (जीएमसी) आणि रुग्णालयात मोठी शस्त्रक्रिया करण्यात आली आणि त्यांचे प्राण वाचविण्यात आले

Jammu-Kashmir News : किश्तवाडमध्ये ढगफुटीमुळे झालेल्या आपत्तीनंतर काही दिवसांनीच कठुआमध्ये देखील ढगफुटीची घटना घडली आहे. रविवारी (१७ ऑगस्ट) जिल्ह्यातील जोड भागात झालेल्या या ढगफुटीमुळे मोठ्या प्रमाणात नुकसान होण्याची शक्यता आहे. आतापर्यंत ४ लोकांचा मृत्यू झाल्याची माहिती समोर आली आहे.

केंद्रीय मंत्री डॉ. जितेंद्र सिंह म्हणाले की, जंगलोट परिसरात ढगफुटीची माहिती मिळताच त्यांनी कठुआचे एसएसपी शोभित सक्सेना यांच्याशी संपर्क साधला. या आपत्तीत मृत व्यक्तींचा समावेश आहे. रेल्वे ट्रॅक, राष्ट्रीय महामार्ग आणि कठुआ पोलिस स्टेशन देखील प्रभावित झाले आहेत. यापूर्वी जम्मू-काश्मीरच्या किश्तवाडमध्येही ढगफुटीची घटना घडली होती, त्या दुर्घटनेत आतापर्यंत 60 हून अधिक लोकांचा मृत्यू झाला आहे आणि मृतांचा आकडा सतत वाढत आहे.

पंतप्रधान मोदींकडून ‘RSS’ चं कौतुक! त्रास मात्र काँग्रेसला; खासदाराने संघाला दिली ‘तालिबान’ची उपमा

नागरी प्रशासन, सैन्य आणि निमलष्करी दलांनी तातडीने बचाव कार्य सुरू केले असून परिस्थितीवर सतत लक्ष ठेवले जात आहे. ढगफुटीमुळे जम्मू-पठाणकोट राष्ट्रीय महामार्गाचा एक भाग ढिगाऱ्याखाली आला आहे. या महामार्गाचा एक पाईप बंद करण्यात आला आहे, तर नुकसानीचा अंदाज लावणे सध्या कठीण आहे. मदत आणि बचाव कार्यासाठी बचाव पथके घटनास्थळी पोहोचली असून, प्रशासन आणि सुरक्षा यंत्रणा परिस्थितीवर लक्ष ठेवत आहेत.

किश्तवार आपत्तीत आतापर्यंत ६५ जणांचा मृत्यू

किश्तवार आपत्तीत गंभीर जखमी झालेल्या २५ जणांवर जम्मू आणि काश्मीरच्या सरकारी वैद्यकीय महाविद्यालय (जीएमसी) आणि रुग्णालयात मोठी शस्त्रक्रिया करण्यात आली आणि त्यांचे प्राण वाचविण्यात आले. १४ ऑगस्टच्या रात्री ६६ गंभीर जखमी रुग्णांना जीएमसी जम्मू येथे आणण्यात आले. त्या रात्री लोकांचे प्राण वाचवण्यासाठी सुमारे २५ मोठ्या शस्त्रक्रिया करण्यात आल्या.

जम्मू आणि काश्मीरचे मुख्यमंत्री ओमर अब्दुल्ला यांनी किश्तवारच्या चाशोटी गावात ढगफुटीमुळे बाधित झालेल्या लोकांसाठी सानुग्रह अनुदान जाहीर केले. आपत्तीग्रस्त गावाच्या भेटीदरम्यान त्यांनी बाधित लोकांना ‘एकता आणि तात्काळ मदत’ म्हणून मुख्यमंत्री मदत निधीतून आर्थिक मदत जाहीर केली आणि त्यांना दीर्घकालीन मदतीचे आश्वासनही दिले.

परभणीच्या येलदरी धरणासाठी पाऊस ठरला फायद्याचा; धरणात तब्बल 95 टक्के जलसाठा

मुख्यमंत्री उमास अब्दुल्ला यांनी शनिवारी सांगितले की,  ६० हून अधिक लोकांचा मृत्यू झाला आहे, तर १०० हून अधिक जखमी झाले आहेत आणि ८२ जण बेपत्ता आहेत. आपत्तीत मृत्युमुखी पडलेल्यांच्या कुटुंबियांना प्रत्येकी २ लाख रुपये, गंभीर जखमींना १ लाख रुपये आणि किरकोळ जखमींना ५०,००० रुपये देण्यात येतील. मुख्यमंत्र्यांनी संपूर्ण नुकसान झालेल्या घरांसाठी १ लाख रुपये, गंभीर नुकसान झालेल्या घरांसाठी ५०,००० रुपये आणि अंशतः नुकसान झालेल्या इमारतींसाठी २५,००० रुपये देण्याची घोषणा केली.