air india emergency landing
समोर आलेल्या माहितीनुसार, बॉम्ब असल्याची धमकी मिळाल्यावर फ्लाइटचे लॅंडींग अहमदाबाद इथे करण्यात आले आहे. विमानातील एका क्रू मेंबरला टॉयलेटमध्ये बॉम्ब असे लिहिलेले आढळले. या फ्लाइटमधून 32 प्रवासी प्रवास करत होते. मात्र हे विमान अहमदाबादच्या एअरपोर्टवर सुरक्षितरीत्या लॅंडींग करण्यात आले आहे. सध्या याची तपासणी केली जात आहे. सर्व प्रवासी सुरक्षित असल्याचे समोर आले आहे.
विमानाच्या टॉयलेटमध्ये एका टिशू पेपरवर “विमानात बॉम्ब ठेवला आहे” असा संदेश लिहिल्याचे क्रू मेंबर्सला आढळून आले. क्रू मेंबर्सनी तत्काळ या घटनेची माहिती विमानाचा पायलट आणि एअर ट्रॅफिक कंट्रोल (ATC) ला दिली.धमकीचे गांभीर्य लक्षात घेऊन एटीसीने क्षणाचाही विलंब न लावता विमानाचा मार्ग बदलण्याचा निर्णय घेण्यात आला. विमान लँड होण्यापूर्वीच विमानतळावर बॉम्ब शोधक व नाशक पथक (BDDS), केंद्रीय औद्योगिक सुरक्षा बल (CISF), रुग्णवाहिका आणि अग्निशामक दल सज्ज ठेवण्यात आले होते. विमान लँड होताच प्रवाशांना सुखरूप बाहेर काढण्यात आले. त्यानंतर सुरक्षा यंत्रणेने विमानाचा ताबा घेतला आहे. पुढील तपासणी केली जात आहे.
बातमी अपडेट होत आहे…
.png "Videos"){kind=small}
