आगरतळा : त्रिपुरा सरकारने राज्याचे प्रधान मुख्य वनसंरक्षक (वन्यजीव आणि निसर्ग पर्यटन) प्रबिन लाल अगरवाल यांना निलंबित केले. प्राणिसंग्रहालयातील सिंह-सिंहिणीची नावे अकबर आणि सीता ठेवल्याने निर्माण झालेल्या वादानंतर हा निर्णय घेण्यात आला. विश्व हिंदू परिषदेच्या वतीने धार्मिक भावना दुखावल्याचा आरोप करत कोलकाता उच्च न्यायालयात तक्रार करण्यात करण्यात आली होती. यानंतर त्रिपुरा सरकारने वनविभागाच्या अधिकाऱ्यांना निलंबित करण्याचा निर्णय घेतला.
सिलीगुडी प्राणिसंग्रहालयातील प्रकरण
सिंह आणि सिंहिणीच्या जोडीला त्रिपुरामधील सेपाहीजला प्राणिसंग्रहालयातून उत्तर बंगाल वन्यजीव पार्कमध्ये 12 फेब्रुवारीमध्ये स्थलांतरित करण्यात आले होते. प्रबिण पाल अगरवाल हे 1994 च्या बॅचचे आयएफएस अधिकारी आहेत.
विहिंपचा आक्षेप
विश्व हिंदू परिषदेच्या बंगाल विभागानं कोलकाता उच्च न्यायालयाच्या जलपैगुरी खंडपीठात याचिका दाखल करण्यात आली होती. हायकोर्टानं सिंहांच्या नावांमध्ये बदल करण्याचे आदेश दिले होते. बंगाल वन विभागानं ही नावं त्रिपुरा राज्यात दिली गेली असल्याचे सांगितले होते. यामध्ये काय बदल करायचे असल्यास त्रिपुराच्या वन विभागाच्या प्रशासनाकडून केले जाऊ शकतात, अस म्हटले होते.
.png "Videos"){kind=small}
