चांद्रयान-3 मोहिमेच्या यशावर आम्ही जे मिळवले ते अविश्वसनीय आहे, इस्रोचे माजी शास्त्रज्ञ नंबी नारायण यांच्याकडून गौरव

चांद्रयान-3 मिशनवर अभूतपूर्व यश मिळवल्याने भारतात सर्व क्षेत्रातून या मोहिमेचे कौतुक केले जात आहे. आज संध्याकाळी 6.10 मिनिटांनी जेव्हा चांद्रयानचे चंद्रावर यशस्वी लॅंडींग झाले, तेव्हा हा भारतासाठी मोठा अभिमानाच क्षण होता.

इस्रोचे माजी शास्त्रज्ञ नंबी नारायण यांनी या मोहिमेचे कौतुक केले आहे. चांद्रयान-३ मिशनसह चंद्राच्या दक्षिण ध्रुवावर उतरणारा भारत हा पहिला देश ठरला आहे. यावेळी त्यांनी वैज्ञानिकांचे कौतुक करताना म्हटले की, आम्ही जे मिळवले ते अविश्वसनीय आहे. चांद्रयान-2 च्या प्रत्येक अपयशाची दखल घेतली गेली आणि ती सुधारली गेली. आम्ही या अपयशालासुद्धा यशाच्या बाजूने वळवले आहे.

संपूर्ण जगाचे लक्ष असलेल्या चांद्रयान 3 मोहिमेचा अखेरचा टप्पा सुरू झाला आहे. सर्व भारतीयांसाठी हा अभिमानाचा क्षण असणार आहे. आज केवळ भारतच नाही तर जगभरात चांद्रयान 3 ची चर्चा होत आहे. काही दिवसांपूर्वीच रशियाची चंद्र मोहीम अयशस्वी झाली. आता सर्वांच्या नजरा चांद्रयान 3 वर लागल्या आहेत आणि संपूर्ण जग यासाठी प्रार्थना करीत आहे.