मुसळधार पावसाचा ‘ताजमहल’ला फटका; इमारतींच्या भिंतींमध्ये क्रॅक, दरवाज्यावर कोरलेले श्लोक फिकट

काही दिवसांपूर्वी मुसळधार पावसामुळे जगातील आठ आश्चर्यांपैकी एक म्हणजे ताजमहालच्या परिसरात पाणी साचले होते. आता ताजमहालच्या भिंती आणि मजल्यांवर भेगा पडल्याचे दिसून आले आहे. यामुळे ताजमहालच्या देखभालीबाबत चिंता वाढली आहे.

फोटो सौजन्य: इन्स्टाग्राम

Follow Us:

Follow Us:

आग्रा: सध्या दिल्ली आणि आग्रा परिसरात मुसळधार पावसामुळे जनजीवन विस्कळीत झाले आहे. याचा जगातील आठ आश्चर्यांपैकी एक ताजमहालवर देखील परिणाम झाला आहे. काही दिवसांपूर्वी तुफान पावसामुळे ताजमहाल परिसरात पाणी साचले होते. ताजमहालच्या मुख्य घुमटातून पाणीगळती होत असल्याची माहिती भारतीय पुरातत्व विभागाच्या अधिकाऱ्यांनी दिली होती. याचे व्हिडिओ देखील सोशल मीडियावर व्हायरल झाले आहेत.

ताजमहालच्या देखभालीबाबत चिंता वाढली

मीडिया रिपोर्टनुसार, मुसळधार पावसामुळे ताजमहालच्या भिंती आणि मजल्यांवर भेगा पडल्याचे दिसून आले आहे. यामुळे ताजमहालच्या देखभालीबाबत चिंता वाढली आहे. टुरिस्ट गाईड फेडरेशन ऑफ इंडियाचे राष्ट्रीय सरचिटणीस शकील चौहान यांनी दिलेल्या माहितीनुसार , मुख्य घुमटाच्या दरवाज्यांवर कोरलेल्या कुराणातील श्लोक फिकट झाले आहेत. याशिवाय अर्ध-मौल्यवान दगडांची झीज होत असल्याची चिन्हे दिसत आहेत. त्यांनी पश्चिम विभागातील शाही मशिदीसमोरील मजल्यावरील दगडही तुटल्याचे निदर्शनास आणून दिले आहे.

हे देखील वाचा – मुसळधार पावसाचा वारसास्थळ ‘ताजमहाल’ला फटका; मुख्य घुमटातून होतीये पाणीगळती

ताजमहालची देखभाल करण्यात भाजप सरकार अपयशी

ताजमहालची देखभाल व्यवस्थित होत नसल्याबद्दल समाजवादी पक्षाचे नेते अखिलेश यादव यांनी योगी आदित्यनाथ सरकारवर टीका केली आहे. त्यांनी ताजमहाल हे केवळ स्मारक न राहता, वारशाचे “जिवंत आणि सक्रिय” प्रतीक असावे, अशी अपेक्षा व्यक्त केली आहे. त्यांनी घुमटातून वनस्पती उगवत असल्याचा व्हिडिओ शेअर केला, ज्यामुळे संरचनेत तडे जाऊ शकतात, असा इशाराही दिला. तसेच, त्यांनी घुमटावरील धातूच्या कलशात गंज येण्याच्या आणि मुख्य घुमटातून पाण्याची गळती होण्याच्या शक्यतेबद्दल चिंता व्यक्त केली आणि जगभरातील पर्यटकांना आकर्षित करणाऱ्या ताजमहालची योग्य देखभाल करण्यात भाजप सरकार अपयशी ठरले आहे, असे म्हटले.

ताजमहलच्या परिसरात पाणी साचल्याचा व्हिडिओ

🚨🇮🇳 | The symbol of love, Taj Mahal, is flooded. The garden situated in the premises of this beautiful building is submerged. It has been raining continuously for the last 24 hours in Agra. Efforts are on to drain out the water.
📌 #Agra | #UttarPradesh | #india#tajmahal… https://t.co/V3YoVyg79y pic.twitter.com/iMTMWxdPv6

— Weather monitor (@Weathermonitors) September 12, 2024

तथापि, भारतीय पुरातत्व सर्वेक्षण (ASI) ने या बाबतीत स्पष्ट केले आहे की ताजमहालच्या संरचनात्मक अखंडतेवर कोणताही गंभीर धोका नाही. ASI च्या मते, ताजमहालची देखभाल योग्य प्रकारे केली जात असून, नियमितपणे ऑडिट देखील होत आहे. नुकत्याच झालेल्या पावसामुळे काही प्रमाणात पाणी साचले असले तरी कमानीच्या छताला कोणतेही नुकसान झालेले नाही, असे अधिकाऱ्यांनी सांगितले आहे.

Web Title: Heavy rain hits taj mahal cracks in the walls nrss

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com