जपानी महिलांप्रमाणे गोरीपान त्वचा हवा आहे? मग 'या' पदार्थांचा वापर करून बनवा नॅचरल साबण, त्वचा होईल चमकदार
Homemade Soap: चेहऱ्यावरील चमक वाढवण्यासाठी महिला सतत काहींना काही करत असतात. नैसर्गिक तेज आणि नितळ त्वचेसाठी सतत काहींना काही केले जाते. महागड्या क्रीम, सीरम, फेसपॅक, क्लीनअप इत्यादी अनेक गोष्टींचा वापर केला जातो. पण चेहऱ्यावरील तेज वाढवण्यासाठी महागड्या स्किन केअरचा वापर करण्याऐवजी घरगुती उपाय करावेत. जपानी आणि कोरियन महिलांची त्वचा अतिशय तुकतुकीत आणि नितळ असते. अशा त्वचेसाठी सोशल मीडियावर दाखवले जाणारे प्रत्येक उपाय केले जातात. पण स्वयंपाक घरातील पदार्थांचा वापर करून तुम्ही नैसर्गिक साबण घरीच तयार करू शकता. हा साबण त्वचेवर वाढलेले टॅनिंग आणि डेड स्किन कमी करण्यास मदत करेल. चला तर जाणून घेऊया साबण बनवण्याची कृती.(फोटो सौजन्य – istock)
ग्लिसरीन
तांदूळ
बटाटा
कोरफड जेल
विटामिन ई कँप्सूल
साबण बनवण्यासाठी सर्वप्रथम, ४ ते ५ चमचा तांदूळ घेऊन पाण्याने स्वच्छ धुवून घ्या. त्यानंतर तांदूळ सुती कपड्यावर पसरवा आणि सुकण्यासाठी ठेवा. सुकवून घेतलेले तांदूळ मिक्सरच्या भांड्यात टाकून बारीक वाटून घ्या. बटाटा किसून ताजा रस काढा. वाटीमध्ये कोरफड जेल, बटाट्याचा रस, विटामिन ई कँप्सूल घालून व्यवस्थित मिक्स करा. डबल बॉयलर पद्धतीने साबणाचा बेस वाटीमध्ये घेऊन वितळवून घ्या. त्यानंतर त्यात कोरफड जेल आणि बटाट्याच्या पेस्टचे मिश्रण घालून मिक्स करा. त्यानंतर त्यात दोन मोठे चमचे भरून तांदळाचे मिश्रण घालून चमच्याने व्यवस्थित मिक्स करा. तयार केलेले मिश्रण प्लास्टिकच्या साबणाच्या मोल्डमध्ये ओतून सेट होण्यासाठी ठेवा. ३ ते ४ तासांसाठी मिश्रण फ्रिजमध्ये ठेवून द्या.
तयार केलेला साबण नियमित अंघोळ करताना वापरावा. यामुळे शरीरावर जमा झालेली घाण स्वच्छ होण्यासोबतच त्वचा उजळदार दिसेल. जपानी स्किन केअरमध्ये तांदळाचा वापर मोठ्या प्रमाणावर केला जातो. तांदळाच्या वापरामुळे त्वचेच्या समस्या कमी होतात आणि चेहऱ्यावरील तेज वाढते. त्वचेवरील मृत पेशी कमी करण्यासाठी आणि त्वचेचा रंग उजळदार करण्यासाठी बटाट्याचा रस वापरावा.
Ans: घरच्या घरी नैसर्गिक साबण बनवण्यासाठी कोरफड, हळद, चंदन, गुलाबपाणी आणि ग्लिसरीन बेस यांसारख्या घटकांचा वापर करता येतो. हे घटक त्वचेची स्वच्छता आणि निगा राखण्यास मदत करू शकतात.
Ans: जपानी स्किनकेअरमध्ये त्वचेची नियमित स्वच्छता, मॉइश्चरायझिंग, सनस्क्रीनचा वापर आणि त्वचेला अनुकूल घटकांचा समावेश केला जातो.
Ans: योग्य घटकांपासून तयार केलेला नैसर्गिक साबण त्वचेवरील धूळ आणि अतिरिक्त तेल स्वच्छ करण्यास मदत करू शकतो. मात्र, साबणाची निवड त्वचेच्या प्रकारानुसार करावी.






