सौजन्य फोटो - सोशल मिडीया
पोलिसांनी दिलेल्या माहितीनुसार, छत्रपती संभाजीनगरमधील रेल्वे स्टेशन परिसरातील हमालवाडा येथे साहेबराव म्हस्के हे आपल्या कुटुंबासह राहत होते. शनिवारी रात्री सव्वानऊच्या सुमारास साहेबराव आणि त्यांचा ३३ वर्षीय मुलगा कैलास यांच्यामध्ये काही घरगुती कारणावरून वाद झाला. हा वाद इतка विकोपाला गेला की, संतापाच्या भरात कैलासने वडिलांचे डोके भिंतीवर आदळले आणि त्यांचा गळा आवळला. या भीषण हल्ल्यात साहेबराव गंभीर जखमी होऊन खाली कोसळले.
घटनेनंतर आरोपी कैलासने तत्काळ घटनास्थळावरून काढता पाय घेतला आणि आपल्या भावाला येऊन वडिलांसोबत झटापट झाल्याचे सांगितले. त्यानंतर कुटुंबीयांनी आणि नातेवाईकांनी तातडीने जखमी साहेबराव यांना उपचारासाठी रुग्णालयात दाखल केले. मात्र, तोपर्यंत फार उशीर झाला होता, रुग्णालयातील डॉक्टरांनी तपासणी केल्यानंतर साहेबराव यांना मृत घोषित केले.
मुलाच्या हातानेच वडिलांचा अंत झाल्याने हमालवाडा आणि परिसरात एकच खळबळ उडाली आहे. घटनेची माहिती मिळताच सातारा पोलीस ठाण्याचे पथक तातडीने घटनास्थळी दाखल झाले. पोलिसांनी मृतदेह शवविच्छेदनासाठी पाठवला असून, या प्रकरणी खुनाचा गुन्हा दाखल करण्याची प्रक्रिया सुरू आहे. पोलिसांनी अवघ्या काही वेळातच आरोपी मुलगा कैलास याला ताब्यात घेतले असून, नेमका वाद कशावरून झाला होता, याचा सखोल तपास पोलिसांकडून सुरू आहे.
Ans: रेल्वे स्टेशन परिसरातील हमालवाडा येथे ही घटना घडली
Ans: सातारा पोलीस ठाण्याच्या पथकाने या प्रकरणी कारवाई करत आरोपीला ताब्यात घेतले आहे
Ans: घरगुती वादातून संतापाच्या भरात आरोपीने वडिलांचे डोके भिंतीवर आदळले आणि त्यांचा गळा आवळला






