Manipur Monsoon Update: मणिपूरमध्ये वरूणराजा कोपला; 19,000 नागरिक बेघर तर 3 हजार…

देशातील अनेक राज्यांमध्ये मान्सून दाखल झाला आहे. दरम्यान वेलेआधीच दाखल झालेल्या पावसाने  उत्तर भारत, ईशान्य भारतात जोरदार बॅटिंग करण्यास सुरुवात केली आहे.

इम्फाळ: देशातील अनेक राज्यांमध्ये मान्सून दाखल झाला आहे. दरम्यान वेलेआधीच दाखल झालेल्या पावसाने  उत्तर भारत, ईशान्य भारतात जोरदार बॅटिंग करण्यास सुरुवात केली आहे. माणिपूर राज्यात मुसळधार पाऊस सुरू आहे. मुसळधार पावसाने माणिपूरमध्ये पूरस्थिती निर्माण झाली आहे. अनेक बंधारे ओसंडून वाहू लागले आहेत. यामुळे 19 हजारांपेक्षा जास्त नागरिक बेघर झाले आहेत.

पावसाने पूरस्थिती निर्माण झाल्यामुळे अनेक भागात पानी साचले आहे. पुराच्या पाण्यामुळे परभवित झालेल्या भागातील कुटुंबांना सुरक्षित स्थळी हटविण्याचे कार्य सुरू आहे. उत्तर इम्फाळमध्ये हे सुरक्षा कॅम्प उभारण्यात आले आहेत. माणिपूरमध्ये गेलया 4 दिवसांमध्ये राज्याच्या विविध भागात 40 पेक्षा अधिक भूस्खलनाच्या घटना घडल्या आहेत.

चेकान परिसरात नदी दुथडी भरून वाहू लागल्याने परिसरात पाणी साचले आहे. दरम्यान राज्यात पावसाने धुमाकूळ घातल्यावर राज्यपाल अजय भल्ला यांनी पूर आलेल्या भागांचा दौरा केला. भारतीय सेना आणि आसाम रायफल्सच्या जवानांनी 800 पेक्षा जास्त लोकांचे रेस्क्यू केले आहे.

ईशान्य भारतात हाहाःकार

ईशान्य भारतातील अनेक राज्यात मुसळधार पाऊस सुरू असल्याने दरड कोसळणे आशा घटना घडत आहेत. मुसळधार पावसाने पूरस्थिती निर्माण झाली आहे. आसाम, मेघालय, त्रिपुरा, अरुणाचल प्रदेश, मिजोराम या राज्यात जनजीवन विस्कळीत झाले आहे. तीन राज्यात दोन दिवसांत २० पेक्षा जास्त नागरिकांनी आपले प्राण गमावले आहेत.