India Oil Strategy : इंधन दर वाढीच्या संकटात भारताला दिलासा; रशियाकडून तेल खरेदी वाढली

India Oil Shift : मध्यपूर्वेतील युद्धामुळे जागतिक स्तरावर मोठे उर्जा संकट निर्माण झाले आहे. परंतु यातून भारताला काहीसा दिलासा मिळाला आहे. भारताने रशियाकडून तेल खरेदी पुन्हा वाढवली आहे.

• भारताने रशियाकडून तेलखरेदी वाढवली
• चीनकडे निघालेली जहाजे भारताकडे निघाली
• ७ जहाजे येणार भारतात

India Russian oil imports : नवी दिल्ली : रशियन तेल घेऊन चीनकडे जाणाऱ्या जहाजाने दक्षिण चीन समुद्रातून भारताच्या दिशेने यू-टर्न घेतला आहे. भारताने रशियाकडून तेल आयात वाढवण्यास सुरुवात केल्याने हे जहाज भारताकडे वळवण्यात आल्याचे सुत्रांनी सांगितले. ‘ॲक्वा टायटन’ हे जहाज आता २१ मार्च रोजी नवे मंगळुरू येथे पोहोचणार आहे. अमेरिकेला भारत रशियाकडून तेलखरेदी वाढवेल, अशी चिंता असतानाच भारताने हा निर्णय घेतला आहे.

Middle East Conflict : मध्यपूर्व हादरणार! इराणविरोधात हे १२ मुस्लिम देश एकटवले; विनाशाची उलची गिनती सुरु?

भारतीय तेल शुद्धीकरण कंपन्यांनी मोठ्या प्रमाणात रशियन तेल खरेदी केले आहे. इराण युद्धामुळे मध्य पूर्वेत निर्माण झालेल्या तेलाच्या तुटवड्याचा सामना करण्यास देशाला मदत करणे, हा यामागील उद्देश आहे. अनेक देशांना रशियाकडून तेल खरेदी पुन्हा सुरू करण्याची परवानगी देण्यात आली आहे. यामुळे चीनकडून अधिक तेल भारताकडे वळवण्याचा मार्ग मोकळा झाला आहे.

गेल्या काही महिन्यांत, भारताने रशियाकडून तेल खरेदी कमी केली होती, तेव्हा चीन हा रशियाचा सर्वांत मोठा खरेदीदार म्हणून उदयास आला होता. जपान आणि दक्षिण कोरियासह इतर देशांनी रशियाकडून खरेदी वाढवल्याने तेलाच्या किमती वाढण्याची शक्यता आहे. भारताने रशियाकडून तेल खरेदी अमेरिकेच्या दबावामुळे थांबवली होती. भारताला रशियाकडून सवलतीत तेल मिळत होते. त्यामुळे भारताला मोठा फायदा होत होता.

इराण युद्धामुळे भारताला अमेरिकेने पुन्हा रशियाकडून तेल खरेदीला मुभा दिल्याने आता भारताला रशियाकडून तेल खरेदीचा मार्ग मोकळा झाला आहे. याच निर्णयामुळे भारताने रशियाकडून तेल खरेदीचा निर्णय घेतल्याबरोबर रशियाने भारताला तेलाची खेप पाठवली आहे. पण, आता रशिया भारताला तेल सवलतीत देणार का? हा प्रश्न आहे.

रशियाची ७ जहाजे भारताकडे येणार

वॉर्टेक्सा लिमिटेडच्या मते, रशियन तेल वाहून नेणाऱ्या किमान सात टैंकरनी चीनकडून भारताच्या दिशेने यू-टर्न घेतला. आता, रशियन कच्चे तेल खरेदी करण्यासाठी सर्व प्रमुख भारतीय कंपन्या सक्रिय झाल्या आहेत. केप्लरच्या मते, हा टैंकर कझाक सीपीसी ब्लॅड कच्चे तेल वाहून नेत आहे. हे जहाज रशियाच्या नोव्होरोसिस्क या काळ्या समुद्रातील बंदरातून निघाले आणि रिझाओला पोहोचले, परंतु मार्चच्या सुरुवातीला ते परत फिरले आणि भारताकडे निघाले.

Middle East War : अमेरिकेचा रिमोट कंट्रोल इस्रायलच्या हातात? इराणवर हल्ल्याबाबात ‘या’ बड्या अधिकाऱ्यांनी केली ट्रम्प यांची पोलखोल

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.