जम्मू काश्मीरमध्ये लष्कराच्या ताफ्यावर मोठा दहशदवादी हल्ला करण्यात आला आहे. या हल्ल्यात ५ जवान गंभीर जखमी झाले आहेत.
जम्मू-कश्मीरच्या गुलमर्गजवळ सैन्याच्या वाहनावर दहशतवाद्यांनी हल्ला केला. या हल्ल्यात 5 जवान आणि एक पोर्टर जखमी झाले आहेत. दहशतवादी हल्ला गुलमर्गच्या नागिन भागात 18 राष्ट्रीय रायफल्सच्या ताफ्यातीव वाहन बोटपाथरीकडून येत होतं. नियंत्रण रेखेपासून (LoC) ५ किलोमीटर अंतरावर असताना हा हल्ला करण्यात आला. भारतीय जवानांनीही दहशदवाद्यांना चोख प्रत्युत्तर दिलं आहे.
हल्ल्यानंतर सैन्य आणि जलद कृती दलाच्या टीम्स घटनास्थळी पोहोचल्या आहेत.गेल्या काही दिवसांत कश्मीरमध्ये बाहेरील कामगारांवर हल्ल्यांच्या घटनांमध्ये वाढ झाली आहे. आज सकाळी पुलवामा जिल्ह्यातील त्राल क्षेत्रात दहशतवाद्यांनी उत्तर प्रदेशातील एका कामगारावर गोळीबार केला होता. त्यात कामगार गंभीर जखमी झाला आहे. गेल्या रविवारी गांदरबल जिल्ह्यात एक बांधकाम स्थळावर दहशतवादी हल्ला झाला होता. यात 6 बाहेरील कामगार आणि एक स्थानिक डॉक्टरचा मृत्यू झाला होता. तर 18 ऑक्टोबरला शोपियन जिल्ह्यात दहशतवाद्यांनी बिहारच्या एका कामगारावर गोळ्या झाडून हत्या केली होती.
याआधी गेल्या रविवारी गांदरबल जिल्ह्यात एका बांधकाम साइटवर दहशतवादी हल्ला झाला होता. यामध्ये 6 बाहेरील मजूर आणि एका स्थानिक डॉक्टरचा मृत्यू झाला होता, तर 18 ऑक्टोबरला शोपियान जिल्ह्यात बिहारमधील एका मजुराची दहशतवाद्यांनी गोळ्या झाडून हत्या केली होती. त्यामुळे जम्मू काश्मीरमध्ये बाहेरील राज्यांमधून येणाऱ्या कामगारांमध्ये दहशतीचं वातवारण आहे.
गुंड, गंदरबल येथील झेड मोड बोगदा प्रकल्पावर काम करणारे मजूर आणि इतर कर्मचारी संध्याकाळी उशिरा त्यांच्या छावणीत परतले असताना दहशतवाद्यांनी हा हल्ला केला होता. खोऱ्यातील मोठ्या पायाभूत सुविधा प्रकल्पातील बांधकाम कामगारांवर झालेला हा पहिलाच मोठा हल्ला होता. हा हल्ला अशा भागात झाला आहे जिथे गेल्या दशकात दहशतवाद्यांची उपस्थिती खूपच कमी आहे.
रविवारी रात्री 8.30 वाजता दहशतवाद्यांनी हा हल्ला केला. त्यानंतर सर्व कर्मचारी जेवणासाठी मेसमध्ये जमले होते. कर्मचारी मेसमध्ये जेवण करत असताना तीन दहशतवादी तेथे पोहोचले आणि त्यांनी अंदाधुंद गोळीबार सुरू केला. कोणाला काही समजण्यापूर्वीच दहशतवाद्यांनी गुन्हा करून तेथून पळ काढला. दहशतवाद्यांच्या गोळीबारात दोन वाहनेही जळून खाक झाली.
.png "Videos"){kind=small}
