Indigo Crisis : रद्द झालेल्या हजारो उड्डाणांचा अखेर निकाल; प्रवाशांना आज मिळणार इंडिगोच्या तिकिटांचा परतावा!

Indigo Ticket Refund : ६ डिसेंबर रोजी, केंद्र सरकारने इंडिगो एअरलाइन्सवर कडक कारवाई करत कंपनीला प्रवाशांचा परतवा परत करण्याचे निर्देश दिले आहेत. कधीपर्यंत हा परतवा दिला जाईल ते जाणून घ्या.

• मंत्रालयाने इंडिगोला ७ डिसेंबरपर्यंत तिकिट परतफेड पूर्ण करण्याचे निर्देश दिले.
• देशभरात ४०० हुन अधिक उड्डाणे रद्द झाली असून यामुळे प्रवाशांची मोठी गैरसोय झाली आहे.
• उड्डाण रद्द/विलंब झाल्यास प्रवाशांना पूर्ण परतावा किंवा तारीख बदल करण्याचा अधिकार आहे.

इंडिगोचे विमान उड्डाणे रद्द झाल्यामुळे हजारो प्रवाशांना गैरसोयीचा सामना करावा लागत आहे. दरम्यान, विमान वाहतूक मंत्रालयाने इंडिगोला शनिवारी संध्याकाळपर्यंत रद्द केलेल्या विमानांच्या तिकिटांचे पैसे परतफेडीची प्रक्रिया पूर्ण करण्याचे निर्देश दिले आहेत. याचाच अर्थ प्रवाशांना ७ डिसेंबरपर्यंत तिकिटांचे पैसे परत मिळतीत. नागरी विमान वाहतूक मंत्रालयाने इंडिगोला सोमवारी रात्री ८ वाजेपर्यंत विमानातील व्यत्ययांमुळे प्रभावित झालेल्या प्रवाशांसाठी तिकिट परतफेड प्रक्रिया पूर्ण करण्यास सांगितले आहे. तसेच विमान कंपनीने उड्डाण रद्द झाल्यामुळे राहिलेले सर्व सामान पुढील ४८ तासांच्या आत पोहोचवले जाईल याची खात्री करावी, असेही म्हटले आहे.

Indigo Crisis : इंडिगोच्या गोंधळाला कंटाळली आफ्रिकन महिला, काऊंटरवर चढत मुंबई एअरपोर्टवर घातला राडा; Video Viral

शनिवारी ४०० हून अधिक उड्डाणे रद्द

५ डिसेंबरला देशातील सर्वात मोठी विमान कंपनी इंडिगोच्या १,००० हून अधिक उड्डाणे रद्द करण्यात आली. त्यानंतर शनिवारी ६ डिसेंबरला ही हीच परिस्थिती कायम राहिली. शनिवारी, देशातील चार प्रमुख विमानतळांसह दिल्ली, मुंबई, चेन्नई आणि बेंगळुरू येथील अनेक शहरांमधील विमानतळांवर ४०० हून अधिक उढाणे रद्द करण्यात आली. परताव्याच्या प्रक्रियेत कोणताही विलंब किंवा पालन न केल्यास तात्काळ नियामक कारवाई केली जाईल, असे मंत्रालयाने म्हटले आहे.

Indigo Crisis : एकीच्या हातात पतीच्या मृत्यूचं कफिन तर दुसरीच्या हातात वडिलांच्या अस्थी… मन हेलवणारी दृश्ये अन् Video Viral

इंडिगोचे अधिकृत धोरण काय?

इंडिगोच्या अ धिकृत धोरणानुसार, जर उड्डाण रद्द झाले, प्रस्थान वेळ एक तास किंवा त्यापेक्षा जास्त पुढे ढकलली गेली किवा दोन तासांपेक्षा जास्त उशीर झाला, तर प्रवाशांना मोफत तारीख वेळ बदलता येईल किंवा पूर्ण पैसे परत मिळतील. ‘प्लॅन बी’ हा ऑनलाइन पर्याय वापरून प्रवासी स्वतः दुसरे उड्डाण निवडू शकतात किंवा परतफेड प्रक्रिया करू शकतात. ट्रॅव्हल एजंटकडून बुकिंग केले असेल व त्या एजंटशी संपर्क साधावा लागतो. डीजीसीएच नियमानुसार, जर विमान कंपनीने प्रस्थानाच किमान दोन आठवड्यांआधी उड्डाण रद्द झाल्या पूर्वसूचना दिली नाही किंवा कनेक्टि फ्लाइट चुकली, तर प्रवाशांना भरपा मिळण्याचा अधिकार आहे.