22 जानेवारी रोजी उत्तर प्रदेशातील अयोध्या येथील श्री रामजन्मभूमी मंदिरात प्राणप्रतिष्ठेचा कार्यक्रम आयोजित केला जाणार आहे. त्यामुळे जगभरातील राम भक्तांमध्ये उत्साहाचे वातावरण आहे. आजपासून अयोध्येत सात दिवसीय धार्मिक विधी सुरू झाला असून कार्यक्रमाची तयारी जवळपास पूर्ण झाली आहे. दरम्यान, राम मंदिराबाबत सोशल मीडियावर मोठे दावे केले जात आहेत. एक बातमी व्हायरल होत आहे ज्यामध्ये बाबरी मशिदीपासून तीन किलोमीटर अंतरावर राम मंदिर बांधले जात असल्याचे म्हटले आहे.
सोशल मीडियावर एका यूजरकर्त्याने गुगल मॅपचा स्क्रीनशॉट शेअर केला असून गुगल मॅपमध्ये राम मंदिर आणि बाबरी मशीद या दोन वेगवेगळ्या जागा दाखवल्या जात आहेत. एक जागा जिथे बाबरी मशीद अस्तित्वात होती आणि दुसरी जागा जिथे राम मंदिर बांधले जात आहे. याचा अर्थ बाबरी आहे तिथे मंदिर बांधले जात नाही, असे म्हटले आहे.
मंदिर वहीं बनायेंगें..
अगर ये ख़बर सही है, तो बताओ तुम्हें क्या मीला ?
देश की एक इतिहासिक धरोहर ख़त्म कर के..? pic.twitter.com/wMTLNJ3Dhw — ?????? (@khan_00555) January 15, 2024
संजय राऊत यांचे वक्तव्यही चर्चेत!
ही बातमी व्हायरल झाल्यानंतर शिवसेनेचे (उद्धव ठाकरे गट) खासदार संजय राऊत यांनीही निवेदन दिले. ते म्हणाले की, फक्त 3 किलोमीटर अंतरावर मंदिर बांधायचे होते तर मशीद का पाडली? हिंदू-मुस्लिम यांच्यात द्वेष का पसरवला गेला? यामागे केवळ राजकारण असल्याचे आता स्पष्ट झाले आहे. या बातमीची सत्यता जाणून घेण्यासाठी Alt News ने तथ्य तपासणी केली आणि ही बातमी खोटी असल्याचे आढळून आले.
बाबरी मशीद आहे त्याच ठिकाणी मंदिर बांधले जात आहे
बाबरी मशिदीच्या वादग्रस्त जागेपासून 3 किलोमीटर अंतरावर अयोध्येतील राम मंदिर बांधण्यात आल्याचा दावा करत सोशल मीडिया वापरकर्ते गुगल मॅपचा स्क्रीनशॉट शेअर करत असल्याचे तथ्य तपासण्यात आले आहे. हा दावा चुकीचा आहे. ज्या ठिकाणी बाबरी मशीद पाडली गेली त्याच ठिकाणी राम मंदिर बांधले जात आहे. बाबरी मशिदीपासून तीन किलोमीटर अंतरावर राम मंदिर बांधल्याची बातमी पूर्णपणे खोटी आहे.
