देशाच्या 49 व्या सरन्यायाधीशपदी मराठमोळे न्या. उदय लळीत!

देशाचे 49 वे सरन्यायाधीश म्हणून न्या. उदय लळीत यांनी शपथ घेतली. राष्ट्रपती द्रौपदी मुर्मू यांनी त्यांना सरन्यायाधीशपदाची शपथ दिली.

नवी दिल्ली : भारताला 49 सरन्यायाधीश मिळाले आहे. मराठमोळे न्या. उदय लळीत (CJI Uday Lalit) यांनी सरन्यायाधीशपदाची शपथ घेतली. राष्ट्रपती द्रौपदी मुर्मू (President Draupadi Murmu) यांनी त्यांना सरन्यायाधीशपदाची शपथ दिली.
या शपथविधी सोहळ्याला पंतप्रधान नरेंद्र मोदी (PM Narendra Modi) यांच्यासह इतर मंत्रीदेखील उपस्थित होते.

[read_also content=”मुनव्वर फारुकीचा शो रद्द; विश्व हिंदू परिषदेची धमकी https://www.navarashtra.com/india/munawwar-farooquis-show-cancelled-threat-of-vishwa-hindu-parishad-nrgm-319749.html”]

नवे सरन्यायाधीश न्या. उदय लळीत यांचा कार्यकाळ हा तीन महिन्यांपेक्षाही कमी असणार आहे. ते 8 नोव्हेंबर रोजी निवृत्त होणार आहेत. या दरम्यान महाराष्ट्रातील सत्तासंघर्षासह इतर महत्त्वांच्या प्रकरणांवर निकाल येणार का, याकडे देशाचे लक्ष लागले आहे.

कोण आहेत न्यायमूर्ती लळीत?

• 49 व्या सरन्यायाधीश पदी विराजमान होणार्‍या न्यायमूर्ती लळीत यांचं नाव उदय उमेश लळीत आहे.
• उदय लळीत हे महाराष्ट्रातल्या सिंधुदुर्ग जिल्ह्यातील देवगड तालुक्यातील आहेत. गिर्ये-कोठारवाडी येथे त्यांचे मूळ घर आहे.
• उदय लळीत यांचे आजोबा, वडील दोघेही वकील होते. आजोबा वकीली साठी सोलापूरला आले आणि स्थायिक झाले.
• उमेश लळीत हे आगामी सरन्यायाधीशांचे वडील 1974-76 मध्ये हायकोर्टात न्यायमूर्ती होते.
• उदय लळीत यांचे शिक्षण मुंबई विद्यापीठातून झाले आहे.
• 1983 मध्ये वकील म्हणून वकिली क्षेत्रात सुरुवात केली. सर्वोच्च न्यायालयाच्या वेबसाइटवरील प्रोफाइलनुसार, 1985 च्या अखेरीपर्यंत मुंबई उच्च न्यायालयात कायद्याचा सराव केला.
• जानेवारी 1986 मध्ये लळीत यांनी आपली प्रॅक्टिस दिल्लीला सुरू केली आणि एप्रिल 2004 मध्ये सर्वोच्च न्यायालयाने त्यांना वरिष्ठ वकील म्हणून नियुक्त केले. ते सुप्रीम कोर्ट ऑफ इंडिया लीगल सर्व्हिसेस कमिटीचे सदस्य देखील होते.