जैन भक्तांवर शोककळा; जैन संत आचार्य विद्यासागर महाराज यांचं निर्वाण

जैन धर्मातील दिगंबर पंथांचे संत आचार्य विद्यासागर महाराज यांचे वृद्धापकाळाने दु:खद निधन झाले आहे. आज रात्री 2 वाजून 35 मिनिटांनी त्यांनी आपला देह ठेवला. छत्तीसगड येथील डोंगरगड या ठिकाणी त्यांनी अखेरचा श्वास घेतला.

छत्तीसगड- जैन धर्मातील दिगंबर पंथांचे संत आचार्य विद्यासागर महाराज यांचे वृद्धापकाळाने दु:खद निधन झाले आहे. आज रात्री 2 वाजून 35 मिनिटांनी त्यांनी आपला देह ठेवला. छत्तीसगड येथील डोंगरगड या ठिकाणी त्यांनी अखेरचा श्वास घेतला. तीन दिवसांच्या उपवासानंतर त्यांनी देह त्याग केला.

आचार्य विद्यासागरची महाराज यांचा जन्म 10 ऑक्टोबर 1946 ला कर्नाटकमध्ये झाला होता. दिगंबर जैन आचार्य विद्यासागर दार्शनिक साधू होते. ते ज्ञानसागर यांचे शिष्य होते. आचार्य ज्ञानसागर यांनी समाधी घेतल्यानंतर त्यांनी आपले आचार्यपद मुनी विद्यासागर यांच्याकडे सोपावले होते. शिष्यवृत्ती आणि तपस्यांसाठी त्यांची ओळख होती. आचार्य विद्यासागर यांनी आजन्म दीर्घकाळ ध्यानधारणा केली. त्यांनी राजस्थानमध्ये दीक्षा घेतली, मात्र त्यांचे जास्त काळ बुंदेलखंड भागामध्ये वास्तव्य केले. छत्तीसगडच्या डोंगरगड इथं त्यांच्या पार्थिवावर आज दुपारी एक वाजता अंत्यसंस्कार केले जाणार आहेत.

पंतप्रधान नरेंद्र मोदींनी वाहली श्रद्धांजली

पंतप्रधान नरेंद्र मोदी यांनीही आचार्य विद्यासागर यांच्या निर्वाणाची बातमी कळल्यानंतर आदरांजली वाहिली आहे. यामध्ये त्यांनी आचार्य विद्याचार्य यांच्यासोबतचे फोटो शेअर केले. आणि लिहिले आहे की, “येणाऱ्या पिढ्यांसाठी आचार्य विद्यासागर आणि त्यांनी केलेलं कार्य हे कायम लक्षात राहिल. लोकांमध्ये श्रद्धाभाव जागृत करण्यासाठी ते ओळखले जात. डोंगरगड या ठिकाणी मी याच वर्षी त्यांची भेट घेतली होती. त्यांची भेट विसरता येणं कठीण आहे. मी त्यांना आदरांजली वाहतो.” या आशयाची पोस्ट करत पंतप्रधान नरेंद्र मोदी यांनी शोक व्यक्त केला आहे.