वडनगर ते वाराणसी ‘सेवा संकल्प यात्रा’ अमरावतीत; राष्ट्रसंत तुकडोजी महाराज यांच्या पुण्यभूमीत यात्रेचे स्वागत

वडनगर ते वाराणसी ‘सेवा संकल्प यात्रा’ शनिवारी अमरावती जिल्ह्यातील मोझरी येथे पोहोचली. गुरुकुंज आश्रमात यात्रेचे स्वागत करताना वृक्षारोपण, सफाई कर्मचाऱ्यांचा सत्कार आणि विद्यार्थ्यांना शालेय साहित्याचे वाटप करण्यात आले.

• मोझरीतील गुरुकुंज आश्रमात ‘सेवा संकल्प यात्रे’चे स्वागत
• रविंद्र चव्हाण यांच्या उपस्थितीत वृक्षारोपण आणि विविध सेवा उपक्रम
• विद्यार्थ्यांना शालेय साहित्य वाटप; सफाई कर्मचाऱ्यांचा सत्कार

 

वडनगर ते वाराणसी ‘सेवा संकल्प यात्रा’ शनिवारी अमरावती जिल्ह्यातील मोझरी येथे दाखल झाली. भाजयुमोच्या वतीने आयोजित करण्यात आलेल्या या यात्रेचं राष्ट्रसंत तुकडोजी महाराज यांच्या गुरुकुंज आश्रमात स्वागत करण्यात आलं. भाजपा महाराष्ट्र प्रदेशाध्यक्ष रविंद्र चव्हाण यांच्या प्रमुख उपस्थितीत हा कार्यक्रम पार पडला.

मोझरीतील गुरुकुंज आश्रमात पोहोचल्यानंतर रविंद्र चव्हाण यांनी राष्ट्रसंत तुकडोजी महाराज यांच्या समाधी आणि गादीचं दर्शन घेतलं. यावेळी यात्रेत सहभागी पदाधिकारी आणि कार्यकर्त्यांचंही स्वागत करण्यात आलं.

रविंद्र चव्हाण यांच्या उपस्थितीत वृक्षारोपण आणि विविध सेवा उपक्रम

यात्रेनिमित्त गुरुकुंज आश्रमात विविध सेवा उपक्रमांचं आयोजन करण्यात आलं होतं. कार्यक्रमाची सुरुवात वृक्षारोपणाने करण्यात आली. त्यानंतर सफाई कर्मचाऱ्यांचा सत्कार करण्यात आला, तर विद्यार्थ्यांना शालेय साहित्याचं वाटप करण्यात आलं. सेवा, समाजहित आणि ग्रामविकासाचा संदेश प्रत्यक्ष कृतीतून देण्याचा प्रयत्न या उपक्रमांच्या माध्यमातून करण्यात आला.

CM Devendra Fadnavis : कोणतीच वोट चोरी नाही, त्यांचा मेंदू चोरीला गेलाय; मुख्यमंत्री फडणवीसांचा राहुल गांधींना टोला

यावेळी बोलताना रविंद्र चव्हाण यांनी राष्ट्रसंत तुकडोजी महाराज यांच्या ग्रामविकासाच्या विचारांचा उल्लेख केला. राष्ट्रसंत तुकडोजी महाराज यांनी लेखन आणि कार्यातून जनसहभागातून ग्रामोन्नतीचा विचार मांडला असून हाच विचार पंतप्रधान नरेंद्र मोदी पुढे नेत आहेत, असं त्यांनी म्हटलं. समाजातील शेवटच्या घटकापर्यंत लोककल्याणकारी योजनांचा लाभ पोहोचवण्यासाठी कार्यरत राहण्याचं आवाहनही चव्हाण यांनी यावेळी केलं.

वडनगर ते वाराणसी सेवा संकल्प अभियानाचा हा प्रवास सेवा, सामाजिक उपक्रम आणि जनसंपर्काशी जोडण्यात आला आहे. या अभियानात सेवा, स्वच्छता, वृक्षारोपण आणि सामाजिक जनजागृतीसारख्या उपक्रमांवर भर देण्यात आला आहे.

भाजपा, भाजयुमोचे पदाधिकारी, कार्यकर्ते मोठ्या संख्येने उपस्थित

मोझरीतील कार्यक्रमाला भाजपा आणि भाजयुमोचे विविध पदाधिकारी तसेच कार्यकर्ते मोठ्या संख्येने उपस्थित होते. प्रदेश सरचिटणीस डॉ. संजय कुटे, खासदार डॉ. अनिल बोंडे, भाजयुमो अध्यक्ष कृष्णराज महाडिक यांच्यासह अमरावती विभागातील पदाधिकारी आणि कार्यकर्त्यांनी यात्रेच्या स्वागतासाठी उपस्थिती लावली.

सेवा उपक्रम, वृक्षारोपण, स्वच्छता कर्मचाऱ्यांचा सन्मान आणि विद्यार्थ्यांना शालेय साहित्य वाटप अशा कार्यक्रमांमधून यात्रेचा सामाजिक संदेश पुढे नेण्याचा प्रयत्न करण्यात आला.

SIR ही मतदार यादी शुद्धीकरणाची प्रक्रिया; शिवसेना प्रवक्ते संजय निरुपम यांचं विधान