अवधेश राय हत्या प्रकरणात गँगस्टर मुख्तार अन्सारी दोषी, आज दुपारी जाहीर होणार शिक्षा

काँग्रेस नेते अवधेश राय यांची हत्या वारणसीच्या चेतगंज पोलिस ठाण्याच्या परिसरात झाली. व्हॅनमधून आलेल्या लोकांनी अवधेश राय यांच्यावर गोळ्या झाडल्या. त्यानंतर त्यांना उपचारासाठी जवळील रुग्णालयात दाखल करण्यात आले.मात्र उपचारादरम्यान त्यांचा मृत्यू झाला.

Follow Us:

Follow Us:

वाराणसी: गँगस्टर मुख्तार अन्सारीच्या (Mukhtar Ansari) अडचणीत वाढ होणार आहे. वाराणसीत 32 वर्षांपूर्वी झालेल्या अवधेश राय हत्याकांडात (Awadhesh Rai Murder Case) विशेष न्यायाधीश( एमपी- एलएलए कोर्ट) अवनीश गौतम यांनी माफिया मुख्तार अन्सारीला दोषी ठरवलं आहे. आज दुपारी त्याची शिक्षा जाहीर करण्यात येईल. या प्रकरणात मुख्तार अन्सारीसह पाच जण आरोपी आहेत. अवधेश राय हे काँग्रेस नेते अजय राय यांचे भाऊ होते. कोर्टाचा निर्णय येण्यापूर्वी अजय राय म्हणाले, 32 वर्षानंतर आज त्यांची प्रतीक्षा संपणार आहे. न्यायव्यवस्थेवर पूर्ण विश्वास असून आम्हाला न्याय मिळणार याची खात्री असल्याचंही राय म्हणाले. (Crime News)

Uttar Pradesh | Varanasi’s MP MLA court convicts jailed mafia Mukhtar Ansari in Awadhesh Rai murder case.

On August 3, 1991, Congress leader and brother of former MLA Ajay Rai, Awadhesh Rai, was shot dead outside Ajay Rai’s house in Varanasi. pic.twitter.com/yQXvkHWT1s

— ANI (@ANI) June 5, 2023

पोलिसांचा तगडा बंदोबस्त
आज सुनावणीच्या पार्श्वभूमीवर वाराणसी कोर्टाला छावणीचे रूप आले आहे. यावेळी पोलिसांचा तगडा बंदोबस्त तैनात करण्यात आला आहे. अवधेश राय यांची हत्या 3 ऑगस्ट 1991 साली करण्यात आली होती. अवधेश राय आपला छोटा भाऊ काँग्रेस नेते अजय राय यांच्या घराबाहेर उभे होते. त्याचवेळी अचानक एक व्हॅन आली. व्हॅनमधून काही लोक खाली उतरले आणि त्यांनी गोळीबार केला. गोळीबाराच्या आवाजाने संपूर्ण परिसर हादरला होता.

नक्की काय आहे प्रकरण?
काँग्रेस नेते अवधेश राय यांची हत्या वारणसीच्या चेतगंज पोलिस ठाण्याच्या परिसरात झाली. हत्येच्या दिवशी प्रचंड पाऊस होता. व्हॅनमधून आलेल्या लोकांनी अवधेश राय यांच्यावर गोळ्या झाडल्या. त्यानंतर त्यांना उपचारासाठी जवळील रुग्णालयात दाखल करण्यात आले.मात्र उपचारादरम्यान त्यांचा मृत्यू झाला. या हत्याकांडानंतर माजी खासदार अजय राय यांनी चेतगंज पोलीस स्थानकात मुख्तार अन्सारी, भीम सिंह, कमलेश सिंह, राकेश यांच्यासह माजी आमदार अब्दुल कलाम यांच्याविरोधात एफआयआर दाखल केली. दरम्यान या प्रकरणातील पाच आरोपींपैकी अब्दुल आणि कमलेश यांचा मृत्यू झाला आहे.

Web Title: Mukhtar ansari guilty in awadhesh rai murder case nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com