Video: नितीश कुमार वादाच्या भोवऱ्यात! सार्वजनिक कार्यक्रमात महिलेचा हिजाब काढला, विरोधक संतापले

Nitish Kumar Viral Video: बिहारचे मुख्यमंत्री नितीश कुमार यांचा एक व्हिडिओ सोशल मीडियावर व्हायरल होत आहे. व्हिडिओमध्ये नितीश कुमार सार्वजनिक व्यासपीठावरील एका मुस्लिम महिलेच्या चेहऱ्यावरून हिजाब काढताना दिसत आहेत.

 

 

• नितीश कुमारांच्या कृतीने नवा वाद!
• जाहीर मंचावर महिला डॉक्टरचा हिजाब काढला
• विरोधक संतापले

Nitish Kumar Hijab Viral Video: बिहारचे मुख्यमंत्री नितीश कुमार (Nitish Kumar) यांचा एक व्हिडिओ सध्या सोशल मीडियावर मोठ्या प्रमाणात व्हायरल होत आहे. या व्हिडिओमध्ये नितीश कुमार एका सार्वजनिक कार्यक्रमाच्या मंचावर एका मुस्लिम महिलेच्या चेहऱ्यावरून हिजाब काढताना दिसत आहेत. हा व्हिडिओ समोर आल्यानंतर अनेक स्तरांतून संताप व्यक्त केला जात आहे.

व्हिडिओ व्हायरल 

व्हायरल व्हिडिओमध्ये स्पष्टपणे दिसत आहे की, मुख्यमंत्री नितीश कुमार नियुक्ती पत्र (Appointment Letter) देत असताना एका मुस्लिम महिला डॉक्टरच्या चेहऱ्यावरून हिजाब काढत आहेत. मंचावर उपस्थित असलेले उपमुख्यमंत्री सम्राट चौधरी यांनी नितीश कुमार यांना थांबवण्याचा प्रयत्न केला, परंतु तोपर्यंत उशीर झाला होता आणि नितीश कुमार यांनी त्या महिला डॉक्टरच्या चेहऱ्यावरील हिजाब काढला होता.

कधी आणि कुठे घडली घटना?

ही घटना सोमवारची (१५ डिसेंबर २०२५) असून बिहारची राजधानी पाटणा येथे घडली. येथे मुख्यमंत्री नितीश कुमार १२८३ आयुष डॉक्टरांना (आयुर्वेदिक, होमिओपॅथिक आणि युनानी) नियुक्ती पत्र वितरित करत होते. या समारंभाला उपमुख्यमंत्री सम्राट चौधरी, विजय कुमार सिन्हा आणि आरोग्य मंत्री मंगल पांडे हे देखील उपस्थित होते.

See more

नीतीश कुमार की इस हरकत पर सभी को सांप सूँघ जाएगा। बिहार के मुख्यमंत्री पद पर बैठे व्यक्ति को ऐसा करना चाहिए? किसी विपक्षी नेता की ऐसी हरकत होती तो अबतक एंकर किला लाद लिए होते!! pic.twitter.com/kMKCPm6Wu1 — Govind Pratap Singh | GPS (@govindprataps12) December 15, 2025

हे देखील वाचा: Bihar oath taking ceremony : आमदारांना वाचताही येईना! नितीश कुमारांच्या महिला नेत्याची शपथ घेताना सभागृहात उडाली धांदल

व्हिडिओमध्ये काय दिसले?

समारंभादरम्यान नवनियुक्त आयुष डॉक्टरांना एकेक करून नियुक्ती पत्र दिले जात होते. याच क्रमाने डॉ. नुसरत परवीन यांची पाळी आली, ज्यांनी हिजाब परिधान केला होता. त्या मंचावर पोहोचल्यावर मुख्यमंत्री नितीश कुमार यांनी सर्वात आधी त्यांना नियुक्ती पत्र दिले. मात्र, त्यानंतर लगेचच नितीश कुमार यांनी नुसरत परवीन यांचा हिजाब ओढून काढला.

राजदची तीव्र टीका

लालू यादव यांच्या राष्ट्रीय जनता दलाने (RJD) या घटनेवर प्रश्नचिन्ह उपस्थित केले आहे. राजदने सोशल मीडिया प्लॅटफॉर्म ‘एक्स’ (पूर्वीचे ट्विटर) वर व्हिडिओ पोस्ट करत लिहिले, “नितीशजींना हे काय झाले आहे? त्यांची मानसिक स्थिती दयनीय झाली आहे की नितीश बाबू आता १००% संघी झाले आहेत?” हा व्हिडिओ सध्या सोशल मीडियावर वेगाने प्रसारित होत आहे आणि त्यामुळे मोठा राजकीय गदारोळ होण्याची शक्यता आहे.

See more

यह क्या हो गया है नीतीश जी को?
मानसिक स्थिति बिल्कुल ही अब दयनीय स्थिति में पहुंच चुकी है या नीतीश बाबू अब 100% संघी हो चुके हैं?@yadavtejashwi #RJD #bihar #TejashwiYadav pic.twitter.com/vRyqUaKhwm — Rashtriya Janata Dal (@RJDforIndia) December 15, 2025

यापूर्वीही झाला होता वाद

यापूर्वी निवडणुकीच्या वेळी, नोव्हेंबरमध्येही नितीश कुमार यांचा असाच एक व्हिडिओ व्हायरल झाला होता. त्यावेळी खगड़िया येथील एका जाहीर सभेला संबोधित करण्यासाठी ते पोहोचले होते. मंचावर स्वागत करण्यासाठी आलेल्या एका महिलेला नितीश कुमार यांनी जबरदस्तीने फुलांचा हार घातला होता. तेव्हा तत्कालीन बिहार भाजपचे अध्यक्ष दिलीप जयस्वाल यांनी त्यांना रोखण्याचा प्रयत्न केला होता.

हे देखील वाचा: UK Police : ब्रिटनने महिलांच्या सुरक्षेसाठी उचलले क्रांतिकारी पाऊल; ‘Magnetic Hijab’ बनणार सुरक्षाकवच, वाचा कसे ते?