प्रतिकात्मक फोटो
केंद्रीय मंत्री जितेंद्र सिंह यांनी घोषणा केली आहे की, आगामी काळात कर्मचारी निवड परीक्षा हिंदी आणि इंग्रजीसह 23 भाषांमध्ये घेतल्या जातील. यापूर्वी ही परीक्षा फक्त हिंदी आणि इंग्रजी भाषेत घेतली जात होती. यामुळे केवळ प्रादेशिक भाषा जाणणारे व समजणारे विद्यार्थी मागे राहिले. यानंतर, ही परीक्षा 13 भाषांमध्ये घेतली जाऊ लागली आणि आता ती 23 भाषांमध्ये वाढवली जाईल.( SSC exam will be held in 23 languages)
त्यानंतर प्रादेशिक भाषा जाणणारे विद्यार्थीही यामध्ये सहभागी होऊ शकतील आणि त्यामुळे स्पर्धा वाढण्याची शक्यता आहे. मात्र, याबाबत अधिकृत निर्णय अद्याप झालेला नाही. त्यामुळे त्याची अंमलबजावणी कधी होईल, हे सांगता येत नाही.
राष्ट्रीय शैक्षणिक धोरण म्हणजेच NEP अंतर्गत हा निर्णय घेण्यात आला आहे. वास्तविक, NEP मध्ये प्रादेशिक भाषांमध्ये अभ्यास आणि परीक्षा घेण्यावर भर देण्यात आला आहे.
