Delhi bomb Blastचा मोठा पुरावा पोलिसांच्या हाती? साडेतीन वाजल्यापासून सात वाजेपर्यंत काय काय झालं?

संध्याकाळी ६:४८: सीसीटीव्ही फुटेजमध्ये कार पार्किंगमधून बाहेर पडताना दिसून आली. काही मिनिटांनंतर, ती सुभाषर ट्रॅफिक सिग्नलवर (गेट क्रमांक १ जवळ) आली.

संध्याकाळी ६:५०: लाल दिव्यावर गाडी हळूहळू पुढे जात असताना मोठा स्फोट झाला. स्फोट इतका शक्तिशाली होता की जवळच उभ्या असलेल्या किमान सहा कार आणि तीन ऑटोरिक्षा जळून खाक झाल्या. यात नऊ जणांचा मृत्यू झाला आणि अनेक जण गंभीर जखमी झाले.

सायंकाळी ७:०० वाजता: दिल्ली अग्निशमन सेवेच्या सात अग्निशमन गाड्या घटनास्थळी रवाना करण्यात आल्या. आजूबाजूचा परिसर सील करण्यात आला.

सायंकाळी ७:०२ वाजता: दिल्ली पोलिसांच्या गुन्हे शाखा आणि विशेष कक्षाच्या पथके घटनास्थळी तपास करण्यासाठी पोहोचली.

सायंकाळी ७:२९ वाजता: सुमारे ३७ मिनिटांच्या प्रयत्नांनंतर आग आटोक्यात आणण्यात आली. तपास आणि सुगावा गोळा करण्याचे काम तीव्र करण्यात आले.

National Education Day : कोण होते मौलाना अबुल कलाम आझाद? ज्यांच्या जयंतीला साजरा केला जातो राष्ट्रीय

सायंकाळी ७:३० नंतर: दिल्ली पोलिसांनी बदरपूर सीमेपासून लाल किल्ला परिसरापर्यंतच्या सीसीटीव्ही फुटेजची तपासणी सुरू केली. सुमारे २०० पोलिस अधिकाऱ्यांनी फुटेजची तपासणी केली. १०० सीसीटीव्ही फुटेजची सध्या तपासणी सुरू आहे. फुटेजमधून असे दिसून आले की कार गोल्डन मस्जिद पार्किंगमध्ये तीन तास उभी होती, नंतर ६:४८ वाजता सोडण्यात आली आणि काही मिनिटांतच स्फोट झाला.

दिल्ली स्फोट प्रकरण: अमोनियम नायट्रेटचा वापर, जम्मू-काश्मीरमध्ये छापे

तपास संस्थांकडून मिळालेल्या प्राथमिक अहवालानुसार, स्फोट झालेल्या कारमध्ये अमोनियम नायट्रेटसारखे स्फोटक पदार्थ आढळले. फरिदाबादमधूनही काही संशयास्पद स्फोटके जप्त करण्यात आली आहेत. दिल्ली पोलिसांच्या विशेष कक्षाने फरिदाबाद गुन्हे शाखा आणि जम्मू-काश्मीर पोलिसांकडून अहवाल मागवले आहेत.

संभाव्य दहशतवादी नेटवर्कचा शोध घेण्यासाठी जम्मू आणि काश्मीरमध्ये अनेक ठिकाणी छापे टाकण्यात आले. पुलवामा येथील टिप्पर चालक तारिक अहमद दार (३८) याला अटक करण्यात आली असून त्याचा सहकारी इम्रान उर्फ मौलवी (शोपियां) याच्या लपण्याच्या ठिकाणावरही छापे टाकले गेले. सीसीटीव्ही फुटेज आणि गुप्तचर माहितीद्वारे आतापर्यंत सुमारे १३ संशयितांची चौकशी करण्यात आली आहे.

या प्रकरणी दिल्ली पोलिसांनी युएपीए अंतर्गत गुन्हा नोंदवला असून खून आणि खुनाचा प्रयत्न या कलमांचाही समावेश करण्यात आला आहे. स्फोटानंतर दिल्लीसह देशभरातील प्रमुख शहरांमध्ये हाय अलर्ट जाहीर करण्यात आला आहे. एनआयए, एनएसजी आणि दिल्ली पोलिसांचे विशेष पथक संयुक्तपणे तपास करत असून सुरुवातीच्या अहवालानुसार हा हल्ला संघटित दहशतवादी मॉड्यूलचा भाग असल्याची शक्यता व्यक्त केली जात आहे.

संबंधित बातम्या