केरळ : मागील दोन वर्षांपासून भारताने अंतराळ मोहिमेकडे अधिक लक्ष दिले असून नवनवीन मोहिमा आखल्या जात आहेत. भारतीय अंतराळ संशोधन संस्था म्हणजेच इस्रोने आणखी एका महत्त्वकांशी मोहिमेची घोषणा केली आहे. केरळमध्ये पार पडलेल्या या कार्यक्रमावेळी पंतप्रधान नरेंद्र मोदी यांनी याबाबत घोषणा केली असून तब्बल 40 वर्षांनंतर अंतराळामध्ये जाणाऱ्या अंतराळवीरांची नावे घोषित केली आहेत.
इस्रोकडून गगनयान मिशनची घोषणा करण्यात आली आहे. यामध्ये सुमारे सहा टन वजानाची अवकाश यान अवकाशात पाठवले जाणार आहे. तसेच स्वबळावर भारतीय अंतराळवीर देखील पाठवले जाणार आहेत. गगनयान मोहीमेमध्ये अवकाश यान पृथ्वीपासून सुमारे 400 किलोमीटर अंतरावर तीन दिवस प्रदक्षिणा घालणार आहे. या समानवी मोहीमेबाबत पंतप्रधान नरेंद्र मोदी यांनी अधिकची माहिती दिली आहे. सोशल मीडियावर पोस्ट शेअर करताना पंतप्रधान म्हणाले, देशातील 4 गगनयान प्रवासी ही चार शक्ती आहेत जी माझ्या 140 कोटी कुटुंबातील सदस्यांच्या आकांक्षा अंतराळात घेऊन जाणार आहेत. अशी भावना पंतप्रधान नरेंद्र मोदी यांनी व्यक्त केली.
देश के 4 गगनयान यात्री मेरे 140 करोड़ परिवारजनों की Aspirations को Space में ले जाने वाली 4 शक्तियां हैं। pic.twitter.com/n1yMWnjOwp — Narendra Modi (@narendramodi) February 27, 2024
यावेळी केरळ मधील कार्यक्रमामध्ये गगनयान मोहीमेमधून अवकाशागमन करणाऱ्या चार अंतराळवीरांची नावे जाहीर करण्यात आलेली आहे. यामध्ये प्रशांत बाळकृष्ण नायर, अंगद प्रताप, अजित कृष्णन आणि शुभांशु शुक्ला अशी ही चार नावे आहेत. हे चारही भारतीय वायू दलाचे अधिकारी आहेत. बंगळूरु इथे अंतराळवीरांच्या प्रशिक्षणासाठी खास सुविधा तयार करण्यात आल्या आहे. एवढंच नाही तर रशियामध्येही या चार जणांनी काही काळ अंतराळवीरासाठी आणि अवकाश प्रवासासाठी आवश्यक ते प्राथमिक प्रशिक्षण घेतले आहे. पंतप्रधान नरेंद्र मोदी यांनी या चार अंतराळवीरांची नावे जाहीर करत त्यांना अंतिम तयारीसाठी शुभेच्छा दिल्या आहेत.
.png "Videos"){kind=small}
