Raghav Chadha News : राघव चड्ढांनी मोदींविरोधी सर्व पोस्ट केल्या डिलीट; सौरभ भारद्वाज यांनी स्क्रीनशॉटसह केली पोलखोल

खासदार राघव चड्ढा यांचा आम आदमी पक्षासोबत वाद निर्माण झाला असून त्यांनी मोदींविरोधात पोस्ट डिलीट केल्या आहेत. ल्ली प्रदेशाध्यक्ष सौरभ भारद्वाज यांनी राघव चड्ढांची स्क्रीनशॉटसह पोलखोल केली आहे.

• राघव चड्ढा आणि आप पक्षामध्ये वाढला संघर्ष
• चड्ढांनी डिलीट केल्या मोदींविरोधात सर्व पोस्ट
• सौरभ भारद्वाज यांनी स्क्रीनशॉटसह पोलखोल केली

Raghav Chadha News : नवी दिल्ली : आम आदमी पक्षामध्ये अंतर्गत वाद आता चव्हाट्यावर आला आहे. पक्षामध्ये राज्यसभा खासदार राघव चड्ढा यांच्याविरोधात वातावरण निर्माण झाले असून सर्व नेत्यांनी त्यांना निशाण्यावर धरले आहे. राघव चड्ढा यांच्यावर पक्षाने कारवाई देखील केली. त्यांना राज्यसभा उपनेते पदावरुन हटवण्यात आले आहे. तसेच त्यांना राज्यसभेमध्ये बोलण्यास वेळ देऊ नये असे देखील आपकडून सांगण्यात आले आहे. यानंतर आम आदमी पक्षाचे नेते आणि राघव यांच्यावर राजकीय वादंग निर्माण झाला आहे. दरम्यान, आप (AAP) दिल्ली प्रदेशाध्यक्ष सौरभ भारद्वाज यांनी राघव चड्ढांची स्क्रीनशॉटसह पोलखोल केली आहे.

सौरभ भारद्वाज यांनी राज्यसभा खासदार राघव चड्ढा यांच्यावर एक गंभीर आरोप केले आहेत. त्यांनी दावा केला आहे की, चड्ढा यांनी त्यांच्या ‘X’ नावाच्या सोशल मीडिया प्रोफाइलवरून त्या सर्व जुन्या पोस्ट डिलीट केल्या आहेत, ज्यामध्ये त्यांनी पंतप्रधान नरेंद्र मोदी आणि भाजपवर टीका केली होती. सौरभ भारद्वाज यांनी असेही सांगितले की, ‘आप’च्या नेत्यांनी शेअर केलेले राघव चड्ढा यांचे अनेक ट्वीट्स आता त्यांच्या अकाऊंटवरून गायब झाले आहेत. सौरभ यांनी त्यांच्या पूर्वीच्या अकाऊंटवरील राघव चड्ढा यांच्या नावावर असलेल्या काही पोस्ट्सचे स्क्रीनशॉट्स देखील शेअर केले आहेत.

हे देखील वाचा : Raghav Chadha: “मी संसदेत ओरडण्यासाठी आणि शिवीगाळ…,” राघव चड्ढा यांचा ‘आप’वर पलटवार

सौरभ भारद्वाज यांनी सोशल मीडियावर लिहिले आहे की, ‘राघव चड्ढाने आपली एक्स टाइमलाइन पूर्णपणे पुसून टाकली आहे, मोदी किंवा भाजपविरोधी सर्व जुन्या टीकात्मक पोस्ट्स गायब झाल्या आहेत! मी “भाजप” आणि “मोदी” हे शब्द वापरून त्याचे संपूर्ण अकाउंट तपासले. निकाल धक्कादायक आहेत: पूर्वीची कोणतीही टीका दिसत नाही. “मोदी” हा शब्द असलेल्या फक्त दोन पोस्ट्स शिल्लक आहेत, आणि त्या दोन्ही मोदींची प्रशंसा करणाऱ्या आहेत. आपच्या नेत्यांनी कोट केलेले ट्वीट्ससुद्धा गायब झाले आहेत,” असा दावा सौरभ भारद्वाज यांनी केला आहे.

See more

राघव चड्ढा ने अपने X टाइमलाइन को पूरी तरह साफ कर दिया है , मोदी या भाजपा के खिलाफ जितनी भी पुरानी आलोचनात्मक पोस्ट्स थीं, वे सब गायब! मैंने उनके पूरे अकाउंट को “BJP” और “Modi” शब्दों से गहराई से सर्च किया। नतीजा चौंकाने वाला है , कोई भी पुरानी आलोचना अब दिखाई नहीं देती। “Modi”… pic.twitter.com/sTodxW8YHd — Saurabh Bharadwaj (@Saurabh_MLAgk) April 4, 2026

हे देखील वाचा : “राघव, तुम्ही घाबरलेले..PM मोदींच्या विरोधात बोलायला घाबरता; AAP नेत्याने सगळंच काढलं बाहेर

पुढे त्यांनी लिहिले आहे की,  “ही केवळ एक साधी साफसफाई नाही, तर त्याच्या संपूर्ण डिजिटल इतिहासाची शस्त्रक्रियेने केलेली पुसून टाकण्याची कारवाई आहे. एकेकाळी मोदी आणि भाजपचे कडवे टीकाकार असलेल्या राघव चड्ढाने आपली जुनी प्रतिमा पूर्णपणे पुसून टाकली आहे आणि एक नवीन, चकचकीत वॉशिंग मशीन सादर केली आहे. ज्या व्यक्तीची टाइमलाइन इतक्या पद्धतशीरपणे बदलली गेली आहे, त्याला किती तयारी करावी लागली असेल याची तुम्ही कल्पना करू शकता,” असे सूचक वक्तव्य आप नेते सौरभ भारद्वाज यांनी केले आहे. त्यांनी राज्यसभा खासदार राघव चड्ढा यांच्यावर निशाणा साधला आहे.