Delhi Bomb Blastसाठी सिग्नल अॅपचा वापर आणि आय-२० कार खरेदी; चौकशीदरम्यान आरोपी डॉक्टरांनी सगळं सांगितलं

खरेदी केलेल्या स्फोटकांचा साठा सुरक्षित ठेवण्याची जबाबदारी डॉ. मुझम्मिल यांच्यावर होती. जेव्हा जेव्हा स्फोटके आणि रसायनांचा साठा त्यांच्या भाड्याच्या घरात हलवला जात असे,

• दिल्लीतील स्फोटासाठी सिग्नल अॅपचा वापर आणि आय-२० कार खरेदी
• स्फोटके खरेदीसाठी आणि तिच्या वापराची तपशीलवार माहिती
• मुझम्मिलवर स्फोटकांच्या सुरक्षिततेची जबाबदारी

Delhi Bomb Blast Latest News: दिल्लीतील लाल किल्ल्याजवळ झालेल्या बॉम्बस्फोट प्रकरणात एक महत्त्वाची अपडेट समोर आली आहे. जैश-ए-मोहम्मद च्या मॉड्यूलशी आणि त्यांच्याशी संबंधित अटक करणयात आलेल्या डॉक्टरांच्या चौकशीतून तपास यंत्रणांना महत्त्वाचे आणि धक्कादायक पुरावे मिळाले आहेत. आरोपींच्या मोबाईल फोनच्या फॉरेन्सिक तपासणीत सिग्नल अॅपवर एक ग्रुप आढळून आला आहे. या ग्रुपचा प्रमुख (अॅडमिन) डॉ. मुझफ्फर होता. या ग्रुपमध्ये डॉ. उमर, डॉ. मुझम्मिल, डॉ. आदिल आणि डॉ. शाहीन यांचाही समावेश असल्याचे आढळून आले आहे.

लाल किल्ला बॉम्बस्फोटांनंतर दिल्लीत पुन्हा खळबळ! 2 सीआरपीएफ शाळांना, 4 जिल्हा न्यायालयांना बॉम्बस्फोटाची धमकी

तपासात उघड झालेले मोठे खुलासे

तपास अधिकाऱ्यांच्या मते, या मॉड्यूलमध्ये डॉ. उमरची भूमिका महत्त्वाची होती. डॉ. उमरने अमोनियम नायट्रेट, ट्रायएसीटोन ट्रायपेरोक्साइड (टीएटीपी) किंवा इतर कोणतेही रसायन खरेदी करायचा तेव्हा ते खरेदी केलेले प्रमाण, स्रोत आणि ते कसे तयार केले जाईल यासह तपशीलवार माहिती गटात पोस्ट केली जात असे. डिजिटल फूटप्रिंट्सवरून असे दिसून आले आहे की उमरने अमोनियम नायट्रेट, टीएटीपी, सल्फर डायऑक्साइडसह बहुतेक स्फोटक रसायने आणि टायमर आणि वायर्ससारखी उपकरणे खरेदी करण्यात आली होती.

मुझम्मिलवर स्फोटकांच्या सुरक्षिततेची जबाबदारी

खरेदी केलेल्या स्फोटकांचा साठा सुरक्षित ठेवण्याची जबाबदारी डॉ. मुझम्मिल यांच्यावर होती. जेव्हा जेव्हा स्फोटके आणि रसायनांचा साठा त्यांच्या भाड्याच्या घरात हलवला जात असे, तेव्हा मुझम्मिल त्या सर्व वस्तूंचे फोटो काढून मॉड्यूलला पाठवत असे. यामागचा उद्देश स्फोटके सुरक्षितरीत्या साठवली गेल्याची खात्री करून देणे हा होता. शिवाय, डॉ. उमर मॉड्यूलकडून वापरल्या जाणाऱ्या आय20 कारच्या खरेदीसंदर्भातील माहितीही तो नियमितपणे शेअर करत असे.

Naxalite Hidma Killed : टॉप नक्षल कमांडर हिडमा ठार, ४५ लाखांचे बक्षीस, सुकमा चकमकीत सहा नक्षलवादी ठार

फैसल इशाक भट्ट यांचे नाव तपासात समोर

तपासादरम्यान समोर आलेले महत्त्वाचे नाव म्हणजे फैसल इशाक भट्ट. तो जैश-ए-मोहम्मदशी संबंधित या मॉड्यूलचा हँडलर असल्याचा संशय आहे.   डॉ. उमर स्फोटके गोळा करणे, त्यांची तयारी करणे, चाचण्या घेणे आणि इतर संबंधित माहिती दररोज या हँडलरला पाठवत असल्याची माहिती आरोपींनी दिली आहे.   अटक केलेल्या आरोपींना अजूनही या हँडलरची खरी ओळख पटलेली नाही. असेही

चार पाकिस्तानी हँडलर्सची नावे उघड

एजन्सींच्या माहितीनुसार, फरार मुझफ्फर अफगाणिस्तानात पळून गेल्यानंतर मॉड्यूलच्या संपूर्ण ऑपरेशन व रिपोर्टिंगची जबाबदारी हा हँडलर सांभाळत होता. तपासात असेही आढळले की हा हँडलर +966 कोड असलेला सौदी अरेबियाचा व्हर्च्युअल नंबर वापरत होता. त्याची खरी ओळख शोधण्याचे काम सध्या गुप्तचर यंत्रणा करत आहेत.

प्राथमिक तपासानुसार ‘फैसल इशाक भट’ हे नाव टोपणनाव असण्याची शक्यता आहे. पाकिस्तानातील जैश नेटवर्कने संपूर्ण कटाचे स्थानिकीकरण दाखवण्यासाठी आणि पाकिस्तानी हात झाकण्यासाठी जाणूनबुजून काश्मिरी नावाचा वापर केल्याचा संशय व्यक्त केला जात आहे. आतापर्यंतच्या तपासात जैश-ए-मोहम्मदच्या चार पाकिस्तानी हँडलर्सची नावे समोर आली असून त्यात अबू उकाशा, हंजुल्लाह, निसार आणि फैसल इशाक भट यांचा समावेश आहे.