Earthquake: UP – दिल्ली आणि हरयाणात भूकंपाचे तीव्र धक्के, 4.4 रिश्टर स्केलची तीव्रता

उत्तर प्रदेश, दिल्ली आणि हरियाणामध्ये भूकंपाचे जोरदार धक्के जाणवले. सकाळी ९.०४ वाजता लोकांना भूकंपाचे धक्के जाणवले. लोक घराबाहेर पडले. मात्र यामध्ये कोणतीही जीवितहानी झाल्याचे समोर आले नाही

गुरुवारी सकाळी दिल्ली-हरियाणा आणि उत्तर प्रदेशात भूकंपाचे जोरदार धक्के जाणवले. भूकंपाचे धक्के सुमारे १० सेकंद जाणवले. यादरम्यान लोक घरे आणि कार्यालयांमधून बाहेर पडले. गुरुवारी सकाळी ९.०४ वाजता भूकंपाचे जोरदार धक्के जाणवले. दिल्ली, नोएडा, गाझियाबाद, गुरुग्राम, फरीदाबाद, जिंद, रोहतक, भिवानी, झज्जर, बहादुरगडसह अनेक शहरांमध्ये भूकंपाचे धक्के जाणवले. भूकंपाचे केंद्र हरियाणातील झज्जर येथे असल्याचे सांगितले जात आहे.

राष्ट्रीय भूकंपशास्त्र केंद्राच्या म्हणण्यानुसार, आज भारतीय वेळेनुसार सकाळी ९:०४ वाजता हरियाणातील झज्जर येथे ४.४ रिश्टर स्केल तीव्रतेचा भूकंप झाला. त्याचे जोरदार धक्के दिल्ली-एनसीआरमध्येही जाणवले. मात्र यामध्ये कोणत्याही प्रकारची जीवितहानी झाल्याचे अजून समोर आलेले नाही.

विदर्भात पावसाचा हाहा:कार; गोंदिया, वर्धासह अनेक जिल्ह्यांतील जनजीवन विस्कळीत, डझनभर गावांचा संपर्क तुटला

झज्जरमध्ये दोनदा भूकंपाचे धक्के

झज्जरमध्ये दोन मिनिटांत दोन भूकंपाचे धक्के जाणवले. झज्जरमध्ये सकाळी ९:०७ वाजता पहिला भूकंपाचा धक्का जाणवला. त्यानंतर सकाळी ९:१० वाजता सौम्य धक्का जाणवला. अचानक आलेल्या भूकंपाच्या धक्क्याने लोक घाबरले. राष्ट्रीय भूकंप विज्ञान केंद्र (एनसीएस) नुसार, भूकंपाचे केंद्र झज्जरच्या उत्तरेस १० किमी अंतरावर होते आणि त्याची तीव्रता रिश्टर स्केलवर ४.४ इतकी होती.
झज्जरमध्ये भूकंपाचे धक्के जाणवताच लोक घरे आणि कार्यालयांमधून बाहेर पडले. स्थानिक रहिवासी रमेश कुमार म्हणाले की, सकाळी अचानक बेड थरथरायला लागला आणि दोन मिनिटांनी पुन्हा सौम्य धक्का बसला. आम्ही घाबरून बाहेर पडलो. तथापि, आतापर्यंत कोणतीही जीवित किंवा मालमत्तेचे नुकसान झालेले नाही. याबाबत ANI ने वृत्त दिले आहे.

ANI ने घेतल्या काही लोकांच्या मुलाखती 

See more

#WATCH | A 4.4 magnitude earthquake hit Jhajjar, Haryana at 9.04 am IST today. Strong tremors were felt in Delhi-NCR. A man in Jhajjar says, “I was working in my office when suddenly the computer systems and fans started shaking. So, it was quite scary. We rushed out…The… pic.twitter.com/hoIbAI6N71 — ANI (@ANI) July 10, 2025

बहादुरगडमध्येही घबराट

झज्जरला लागून असलेल्या बहादुरगडमध्येही भूकंपाचे धक्के जाणवले. स्थानिकांनी सांगितले की सकाळी ९ वाजण्याच्या सुमारास भूकंपानंतर लोक रस्त्यावर आले. त्याच वेळी प्रशासनाने लोकांना सतर्क राहण्याचे आवाहन केले आहे.
तर भिवानी जिल्ह्यातही भूकंपाचे धक्के जाणवले. भिवानीतही भूकंपाचे सौम्य धक्के जाणवल्याची पुष्टी एनसीएसने केली आहे, परंतु त्याची तीव्रता आणि केंद्राबद्दल अधिक माहिती गोळा केली जात आहे. दिल्लीतील एका व्यक्तीने सांगितले की, “मला भूकंपाचे धक्के जाणवले… ते थोडे भयावह होते. असे घडताना आपण सुरक्षिततेची काळजी घेतली पाहिजे…”

Indian Air Force: भारतीय वायूसेनेने ७ महिन्यांत गमावली तब्बल ‘इतकी’ फायटर जेट्स; जाणून घ्या

‘भूकंपाच्या धक्क्यांदरम्यान मेट्रो थांबली’

दिल्ली-एनसीआरमध्येही जोरदार भूकंपाचे धक्के जाणवले. मानक कार्यप्रणाली (एसओपी) नुसार, खबरदारीचा उपाय म्हणून दिल्ली मेट्रो गाड्या २-३ मिनिटे थांबवण्यात आल्या. अर्शद नावाच्या एका प्रवाशाने सांगितले की, “ट्रेन सकाळी ९.०४-९.०५ च्या सुमारास थांबली. आम्हाला भूकंपाचे धक्के जाणवले नाहीत.” मात्र दिल्लीतील अनेक लोकांना भूकंपाचे धक्के जाणवत असल्याचे ANI ने सांगितले आहे.