नवीन संसद भवनात सभापतींच्या खुर्चीजवळ ठेवण्यात येणार सेंगोल; जाणून घ्या सेंगोल म्हणजे काय? का आलयं चर्चेत

अमित शाह म्हणाले की, देशाचे पहिले पंतप्रधान पंडित जवाहरलाल नेहरू यांनी सेंगोल स्वीकारले होते. आपल्या इतिहासात त्याचे मोठे योगदान आहे. ते नवीन संसद भवनात अध्यक्षांच्या खुर्चीशेजारी ठेवण्यात येणार आहे.

देशाच्या नव्या संसद बिल्डिंगचं (New Parliament Building) उद्घाटन २८ मे रोजी होणार आहे. पंतप्रधान नरेंद्र मोदी (Narendra modi) यांच्या हस्ते हा उद्घाटन सोहळा पार पडणार आहे.  या निमित्ताने एका ऐतिहासिक परंपरेचे पुनरुज्जीवन होत आहे. नवीन संसद भवनात सेंगोल बसवण्यात येणार असल्याची घोषणा गृहमंत्री अमित शहा यांनी केली आहे. सेंगोल म्हणजे काय आहे आणि त्याच्या संसद भवनाशी काय संबध काय आहे, हे जाणून घेऊया.

[read_also content=”ग्राहकांना दिलासा! आता बिलासाठी दुकानदाराला मोबाईल नंबर देण्याची गरज नाही, केंद्र सरकारचा नवी नियम https://www.navarashtra.com/india/new-rule-of-the-central-government-said-now-there-is-no-need-to-give-the-mobile-number-to-the-shopkeeper-for-the-bill-nrps-403527.html”]

भारताच्या बहुप्रतिक्षित नवीन संसद भवनाचे उद्घाटनाच्या पार्श्वभुमीवर गृहमंत्री अमित शहा यांनी बुधवारी सकाळी पत्रकार परिषद घेतली. ते म्हणाले की, नवीन संसद भवन हा आपला इतिहास, सांस्कृतिक वारसा, परंपरा आणि सभ्यता यांना आधुनिकतेशी जोडण्याचा एक सुंदर प्रयत्न असल्याचे ते म्हणाले.  सेंगोल म्हणजे देशाचे पहिले पंतप्रधान पंडित जवाहरलाल नेहरू यांनी सेंगोल स्वीकारले होते. आपल्या इतिहासात त्याचे मोठे योगदान आहे. ते नवीन संसद भवनात अध्यक्षांच्या खुर्चीशेजारी ठेवण्यात येणार आहे. 

सेंगोल म्हणजे काय?

सेंगोल म्हणजे एक प्रकारचं राजदंड आहे. जे  भारतीय सम्राटाच्या सामर्थ्याचे आणि अधिकाराचे प्रतीक होते. सेंगोलच्या इतिहासाविषयी माहिती देताना शाह म्हणाले की, 14 ऑगस्ट 1947 रोजी रात्री 10.45 च्या सुमारास जवाहरलाल नेहरूंनी हे सेंगोल तामिळनाडूच्या जनतेकडून स्वीकारले होते. इंग्रजांकडून या देशातील जनतेकडे सत्ता हस्तांतरित होण्याचे ते लक्षण होते. ते अलाहाबाद येथील संग्रहालयात ठेवण्यात आले आहे मात्र, ते  संग्रहालयात ठेवणे योग्य नाही. ब्रिटीशांकडून सत्तेच्या हस्तांतरणाचे प्रतीक आहे. हे अमृतकालचे प्रतिबिंब असेल. म्हणून ते आता ते नवीन संसद भवनात ठेवण्यात येणार आहे. तसेच, अमित शाह म्हणाले की ज्याला सेंगोल दिले जाईल त्याने न्याय्य आणि न्याय्य शासन सादर करणे अपेक्षित आहे.

सेंगोलचा इतिहास

मिळालेल्या माहितीनुसार,  सेंगोलचा इतिहास खूप जुना आहे. स्वतंत्र भारतात याला खूप महत्त्व आहे. 14 ऑगस्ट 1947 रोजी जेव्हा भारताकडे सत्ता हस्तांतरित झाली तेव्हा ती या सेंगोलच्या माध्यमातून करण्यात आली.  एक प्रकारे सेंगोल हे भारताच्या स्वातंत्र्याचे प्रतीक आहे. त्यावेळी सेंगोल हे सत्ता हस्तांतरणाचे प्रतीक बनले. 1947 मध्ये जेव्हा लॉर्ड माउंटबॅटन यांनी पंडित नेहरूंना विचारले की सत्ता हस्तांतरित कशी करावी. त्यामुळे पंडित नेहरूंनी यासाठी सी राजा गोपालाचारी यांचा सल्ला घेतला. सेंगोल प्रक्रियेबद्दल त्यांनी माहिती दिली. यानंतर ते तामिळनाडूहून आणण्यात आले आणि मध्यरात्री पंडित नेहरूंनी ते स्वीकारले. दरम्यान, याबाबतची माहिती पंतप्रधान मोदींना मिळताच त्याची कसून चौकशी करण्यात आली. मग ते देशासमोर ठेवायचे ठरले. त्यासाठी नवीन संसद भवनाच्या उद्घाटनाचा दिवस निवडण्यात आला.