फोटो सौजन्य - IPL सोशल मीडिया
आयपीएल २०२५ मेगा ऑक्शन : कालपासून आयपीएल २०२५ च्या मेगा ऑक्शन सुरु झाले आहे. यामध्ये काल फ्रॅन्चायझींनी खेळाडूंवर मोठ्या प्रमाणात पैशांची उधळण केली. आयपीएलचा मेगा लिलाव सौदी अरेबियाच्या जेद्दाह शहरात होत आहे. 24 आणि 25 नोव्हेंबर असे दोन दिवस हा लिलाव होणार आहे. पहिल्या दिवशी म्हणजे 24 नोव्हेंबर रोजी एकूण 72 खेळाडूंनी बोली लावली, ज्यावर एकूण 467.95 रुपये खर्च झाले आहेत. पहिल्या दिवशी एकूण तीन खेळाडूंनी 20 कोटींहून अधिक कमाई केली. चला तर मग जाणून घेऊया की दुसऱ्या दिवशी कोणते खेळाडू २५ कोटींहून अधिक कमाई करू शकतात.
क्रीडा संबंधित बातमीसाठी येथे क्लिक करा
लिलावाचा पहिला दिवस संपल्यानंतर दुसऱ्या दिवसासाठी एकूण 132 स्लॉट शिल्लक आहेत. हे स्लॉट भरण्यासाठी सर्व संघांकडे 173.55 कोटी रुपये शिल्लक आहेत, ज्यामुळे पंतचा विक्रमही मोडला जाऊ शकतो. दुसऱ्या दिवशी, RCB 30.65 या सर्वोच्च पर्स मूल्यासह मैदानात उतरेल. सनरायझर्स हैदराबादकडे सर्वात कमी पर्स मूल्य (5.15 कोटी) आहे. अशा परिस्थितीत पंतचा विक्रम मोडून सर्वात महागडा खेळाडू विकत घेण्याची केवळ आरसीबीकडूनच अपेक्षा केली जाऊ शकते.
टीम इंडियाचा स्टार वेगवान गोलंदाज शार्दुल ठाकूर आज लिलावाच्या मैदानात उतरणार आहे. गोलंदाजीसोबतच शार्दुलकडे फलंदाजीतही उत्तम क्षमता आहे. भारतीय खेळाडू असल्याने संघ शार्दुलवर मोठी बोली लावू शकतात.
भुवनेश्वर कुमार टीम इंडियापासून दूर जात असला तरी त्याचा अनुभव लक्षात घेता संघ मोठी बोली लावण्यापासून मागे हटणार नाहीत. लिलावाच्या दुसऱ्या दिवशी आज भुवीला चांगली रक्कम मिळू शकते.
क्रीडा संबंधित बातमीसाठी येथे क्लिक करा
इंग्लंडचा वेगवान गोलंदाज अष्टपैलू सॅम करनवरही संघांची नजर असणार आहे. सॅम करनला आयपीएल 2023 मध्ये पंजाब किंग्जने 18.50 कोटी रुपयांना विकत घेतले होते. अशा परिस्थितीत सॅम करनवर पुन्हा एकदा मोठी बोली लावली जाऊ शकते.
भारतीय स्टार अष्टपैलू वॉशिंग्टन सुंदरला विकत घेण्यासाठी संघांना शक्य तितके पैसे खर्च करायचे आहेत. सध्या सुंदर भारत आणि ऑस्ट्रेलिया यांच्यात पर्थ येथे खेळल्या जात असलेल्या पहिल्या कसोटीत खेळत आहे.
वेगवान गोलंदाज आकाश दीपने या वर्षी आंतरराष्ट्रीय पदार्पण केले. तो भारताकडून कसोटी क्रिकेट खेळत आहे. आकाशने आतापर्यंत खेळल्या गेलेल्या कसोटींमध्ये चमकदार कामगिरी केली आहे. अशा परिस्थितीत संघ आकाश दीपवर मोठी रक्कम खर्च करू शकतात. आता लिलावाच्या दुसऱ्या दिवशी या सर्व खेळाडूंना कोणत्या किमतीत खरेदी केले जाते हे पाहणे उत्सुकतेचे ठरणार आहे.
.png "Videos"){kind=small}
