कर्नाटकच्या नव्या मुख्यमंत्र्यांच्या घोषणेबाबत मोठी अपडेट समोर ; गुरुवारी होणार शपथविधी

कर्नाटकचा पुढचा मुख्यमंत्री कोण असेल यावर निर्णय घेण्यासाठी विधिमंडळ पक्षाची बंगळुरूमध्ये बैठक सुरू झाली आहे. काँग्रेसने पाठवलेले निरीक्षक, महाराष्ट्राचे माजी मुख्यमंत्री सुशील कुमार शिंदे आणि जितेंद्र सिंह आणि दीपक बाबरिया बैठकीला उपस्थित आहेत.

बेंगळुरू: कर्नाटकचा पुढचा मुख्यमंत्री कोण असेल यावर निर्णय घेण्यासाठी विधिमंडळ पक्षाची बंगळुरूमध्ये बैठक सुरू झाली आहे. काँग्रेसने पाठवलेले निरीक्षक, महाराष्ट्राचे माजी मुख्यमंत्री सुशील कुमार शिंदे आणि जितेंद्र सिंह आणि दीपक बाबरिया बैठकीला उपस्थित आहेत. याशिवाय कर्नाटक काँग्रेसचे प्रमुख डीके शिवकुमार आणि सिद्धरामय्याही या बैठकीला उपस्थित आहेत. हे दोघेही मुख्यमंत्रीपदासाठी प्रबळ दावेदार आहेत. कर्नाटकात काँग्रेसने 135 जागा जिंकून प्रचंड बहुमत मिळवले आहे.याच बैठकीतून एक मोठी अपडेट समोर येत आहे. कर्नाटकच्या नव्या मुख्यमंत्र्यांची घोषणा मंगळवारी होऊ शकते, तर गुरुवारी शपथविधी
होणार असल्याचे समोर आले आहे.

डीके शिवकुमार आणि सिद्धरामय्या हे दोघेही कर्नाटकात मुख्यमंत्रीपदाचे प्रबळ दावेदार आहेत. या बैठकीला बंगळुरूमधील हॉटेल शांग्री-ला येथे काँग्रेस विधिमंडळ पक्षाची बैठक बोलावण्यात आली आहे. काँग्रेसचे राष्ट्रीय अध्यक्ष मल्लिकार्जुन खरगे म्हणाले, ‘आज सीएलपीची बैठक होणार असून, हा अहवाल हायकमांडला सादर केला जाईल. त्यानंतर मुख्यमंत्र्यांच्या नावाची घोषणा करण्यास हायकमांडला वेळ लागणार आहे.