स्वराज्याच्या राजधानीत सापडला ऐतिहासिक ठेवा, किल्ले राजगडावर शिवकालीन वस्तू सापडल्याचा पुरातत्व विभागाचा दावा

राजगड म्हणजे छत्रपती शिवरायांची(Chatrpati Shivaji Maharaj) पहिली राजधानी. २५ वर्षांपेक्षा अधिक काळ याच राजगडावरून राज्यकारभार चालविला जायचा आणि आज त्याच राजगडावर साडे तीनशे वर्षांनंतरही इतिहासाला साक्ष देणाऱ्या शिवकालीन ऐतिहासिक वस्तू अनेक वर्षांपासून सापडत आहेत.

Follow Us:

Follow Us:

पुणे : स्वराज्याची पहिली राजधानी किल्ले राजगडावर(Fort Rajgad) अनेक शिवकालीन ऐतिहासिक वस्तू (Historical Things)सापडल्याचा दावा पुरातत्व विभागाचे सहाय्यक संचालक विलास वाहणे यांनी दिली. राजगड म्हणजे छत्रपती शिवरायांची पहिली राजधानी. २५ वर्षांपेक्षा अधिक काळ याच राजगडावरून राज्यकारभार चालविला जायचा आणि आज त्याच राजगडावर साडे तीनशे वर्षांनंतरही इतिहासाला साक्ष देणाऱ्या शिवकालीन ऐतिहासिक वस्तू अनेक वर्षांपासून सापडत आहेत.

[read_also content=”लग्नाच्या पहिल्या वाढदिवशी बायको ब्यूटी पार्लरच्या बहाण्याने गेली पळून, नंतर काय झालं ते तुम्हीच बघा https://www.navarashtra.com/latest-news/woman-ran-away-on-first-marriage-anniversary-nrsr-133369.html”]

दुर्गप्रेमी सह्याद्री प्रतिष्ठानच्या ग्रुपला पुरातत्व विभागाच्या परवानगीनंतर किल्ले राजगडावर स्वच्छ्ता करण्यास परवानगी देण्यात आली, त्यानुसार काही दिवसांपूर्वी किल्ल्यावरती पाण्याच्या टाक्या, संजीवनी माचीवरील मातीने अर्धवट गाडलेले दरवाज्याजवळील माती काढताना अनेक शिवकालीन वस्तु सापडल्या आहेत. यामध्ये दोन तोफगोळे, एक जाते, तुटलेली तलवार, जुनी आठ ब्रिटिशकालीन नाणी, दगडी अवशेष, लाकडी फळ्या तर अलीकडच्या काळातील देवीचा टाक अशा वस्तू सापडल्या आहेत.

या सर्व वस्तू पुरातत्व विभागाकडे सुपूर्त केल्या असल्याची माहिती सह्याद्री प्रतिष्ठानचे राज्य सचिव गणेश खुटवड यांनी दिली. किल्ल्यावर कोणत्याही प्रकारचे उत्खनन करण्याची परवानगी दिली नसून फक्त स्वच्छ्ता मोहिमेसाठी परवानगी दिली आहे असे सहाय्यक संचालक पुरातत्व विभाग विलास वाहणे म्हणाले.

Web Title: Historical things found on rajgad fort nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com