प्रातिनिधिक छायाचित्र
नवी दिल्ली : जर तुम्ही नोकरीच्या शोधात (Job search)असाल आणि तुम्हाला ई-मेल (email) किंवा मेसेजद्वारे (message) जॉब ऑफर (job offer) येत असतील तर ही खुश होण्याइतकीच चिंतेही बाब आहे. कारण असे मेसेज मिळाल्यानंतर सावधपणे हाताळण्याची आवश्यकता आहे.
गृह मंत्रालयाने (Home Ministry alert)अशा फ्रॉड (Online fraud) किंवा सायबर क्राईम (Cyber crime) संदर्भात एक अलर्ट जाहीर केला आहे. सरकारने या मेसेजपासून सावध राहण्याचे आवाहन नागरिकांना केले आहे. मेसेज पाहून त्यावर देण्यात आलेल्या लिंकवर क्लिक करण्याआधी अनेक वेळा विचार करा. असे केल्याने तुमचे नुकसानदेखील होऊ शकते.
[read_also content=”सोशल मीडियाच्या आभासावर अंकुश; खरंच सत्यात उतरेल का? https://www.navarashtra.com/latest-news/curbing-the-illusion-of-social-media-will-it-really-come-true-nrvb-145132.html”]
सरकारच्या अलर्टनुसार काही फ्रॉड करणाऱ्या व्यक्ती ऑनलाईन नोकरीच्या (online jobs)संधीसंदर्भात सरकार किंवा कॉर्पोरेट संस्था, कंपन्या यांच्या नावाचा गैरवापर करत आहेत. तुमच्या ई-मेल किंवा मेसेंजिंग ॲपवर पाठवण्यात आलेल्या बनावट जॉब अपॉईंटमेंट लेटरपासून सावध राहा. नोकरीसाठी अर्ज करण्याआधी या वेबासाईटवर ऑथेंटिसिटी तपासून घ्या. गृह मंत्रालयाच्या सायबर सिक्युरिटी ट्विटर हॅंडल असलेल्या सायबर दोस्त (Cyber Dost)कडून यासंदर्भात एक अलर्ट जाहीर करण्यात आले आहे आणि सांगण्यात आले आहे की कशा प्रकारे फसवणूक टाळता येऊ शकते.
Beware of #fake #job offers: pic.twitter.com/SoyFmrfYRA — Cyber Dost (@Cyberdost) June 14, 2021
सायबर दोस्तच्या अधिकृत ट्विटर खात्यावर माहिती देण्यात आली आहे. यामध्ये सांगण्यात आले आहे की तुमच्या ईमेल किंवा मेसेजिंग ॲपवर पाठवण्यात आलेल्या बनावट जॉब अपॉईंटमेंट लेटरपासून सावध राहा. फसवणूक करणाऱ्या व्यक्ती रजिस्ट्रेशन किंवा मुलाखतीच्या शुल्काच्या नावाखाली तुम्हाला फसवू शकतात. काही फ्रॉड व्यक्ती ऑनलाईन नोकरीच्या संधी दाखवत सरकार आणि कॉर्पोरेट कंपन्या यांच्या नावाचादेखील गैरवापर करत आहेत. नोकऱ्यांसाठी अर्ज करण्याआधी वेबसाईटवर त्याची सत्यता तपासा.
[read_also content=”महिलाच असतात पुरूषांपेक्षा अधिक कार्यतत्पर; जाणून घ्या कसं ते https://www.navarashtra.com/latest-news/women-are-more-active-than-men-learn-how-nrvb-144146.html”]
जर तुम्हाला असे वाटते की तुमच्याबरोबर काही चुकीचे होते आहे की तुमची फसवणूक होते आहे तर तुम्ही याची तक्रार सायबर दोस्तची अधिकृत वेबसाईट www.cybercrime.gov.in वर जाऊन तक्रार करू शकता.
सायबर दोस्तने नागरिकांना युपीआय (UPI)संदर्भात करण्यात येणाऱ्या फ्रॉडबद्दलही नागरिकांना सावधगिरीचा इशारा दिला आहे. आपल्या युपीआय पिनची माहिती कोणालाही देऊ नका. युपीआय पिन गुप्त ठेवा. जिथे तुमच्या यूपीआय पिनची माहिती विचारली जाते अशा फ्रॉड आकर्षक जाहिराती किंवा ऑफरवर क्लिक करू नका. हा तुमच्या युपीआय खात्यातून पैसे गायब करण्याचा प्रयत्न असतो.
[read_also content=”महिलाच असतात पुरूषांपेक्षा अधिक कार्यतत्पर; जाणून घ्या कसं ते https://www.navarashtra.com/latest-news/women-are-more-active-than-men-learn-how-nrvb-144146.html”]
याशिवाय कोणत्याही अनोळखी व्यक्ती किंवा संस्थेकडून किंवा कंपनीकडून आलेला क्युआर कोड कधीही स्कॅन करू नका. यामुळे तुमच्या खात्यातून सर्व पैसे गायब होऊ शकतात. युपीआय तुमच्या खात्यात पैसे जमा करण्यासाठी पिनसंदर्भातील माहिती विचारत नाही.
दिवसेंदिवस सायबर क्राईम किंवा ऑनलाईन फ्रॉडचे प्रमाण वाढतेच आहे. त्यामुळेच नागरिकांनी यासंदर्भात सावध राहण्याची आवश्यकता आहे. कोणत्याही मोहाला किंवा गैरप्रकाराला नागरिकांनी बळी पडू नये यासाठी सरकार आणि बँकांकडून वेळोवेळी अलर्ट जाहीर करण्यात येतात.
home ministry by cyber crime alert regarding fraud email of messages for job offers
