JSW Motors New SUV India Launch (फोटो सौजन्य-AI एआय)
JSW Motors ने भारतीय ऑटो मार्केटमध्ये प्रवेश करण्याच्या तयारीला वेग दिला आहे. कंपनीने JSW Motors Registration Website सुरू केली असून, आता कस्टमर्सना आगामी वाहनांमध्ये स्वारस्य नोंदवता येणार आहे. कंपनीची पहिली JSW Combat SUV 4 डिसेंबर 2026 रोजी भारतीय मार्केटमध्ये सादर होणार आहे. ही नवीन Plug-in Hybrid SUV असून, तिच्या इलेक्ट्रिक रेंज आणि पॉवरट्रेनमुळे ऑटोविश्वात चर्चा सुरू झाली आहे.
JSW Motors Limited डिसेंबर 2026 मध्ये भारतीय पॅसेंजर व्हेईकल मार्केटमध्ये पदार्पण करणार आहे. त्याआधी कंपनीने www.jswmotors.com ही आपली ऑफीशियल वेबसाइट सुरू केली आहे. वाहनांमध्ये स्वारस्य असलेल्या कस्टमर्सना याच वेबसाइटच्या माध्यमातून नोंदणी करता येणार आहे. कंपनीने स्पष्ट केले आहे की, वाहनांसाठी नोंदणी करण्याची सुविधा केवळ याच वेबसाइटवर असेल.
भारतीय ऑटोमोबाईल क्षेत्रात जेएसडब्ल्यू ग्रुपची उपस्थिती वाढत आहे. याआधी ग्रुपने एमजी मोटर्ससोबत भागीदारी करून जेएसडब्ल्यू एमजी मोटर्सची स्थापना केली होती. त्यानंतर इलेक्ट्रिक कमर्शियल व्हेईकल क्षेत्रात अॅम्पस्टार हा ब्रँड सादर करण्यात आला. आता पॅसेंजर व्हेईकल सेगमेंटमध्ये स्वतंत्र ओळख निर्माण करण्यासाठी कंपनी सज्ज झाली आहे.
JSW Motors ने भारत, युरोप, जपान, चीन आणि दक्षिण कोरियातील 50 पेक्षा जास्त सप्लायर्स आणि टेक्नोलॉजी कंपन्यांसोबत भागीदारी केली आहे. कंपनीची पहिली SUV कॉम्बॅट नावाने सादर होणार असून, ती चीनमधील चेरी ऑटोमोबाईलच्या जेटूर T2 वर आधारित असेल. ही 5-सीटर SUV भारतीय रस्त्यांचा विचार करून स्थानिक सप्लायर्सच्या मदतीने विकसित केली जात आहे. तिचे प्रोडक्शन छत्रपती संभाजीनगर येथील जेएसडब्ल्यू प्लांटमध्ये होण्याची शक्यता आहे.
JSW Combat Powertrain आणि Range
JSW Combat मध्ये 1.5-लिटर डायरेक्ट इंजेक्शन टर्बो पेट्रोल इंजिनसोबत 18.4 kWh बॅटरी पॅक आणि 2 इलेक्ट्रिक मोटर्स मिळण्याची अपेक्षा आहे. या मोटर्स पुढच्या चाकांना पॉवर देतील. 3-स्पीड डेडिकेटेड हायब्रिड ट्रान्समिशनसह या SUV चे एकत्रित आउटपुट 355 bhp पॉवर आणि 610 Nm टॉर्क असू शकते.
रेंजच्या बाबतीत ही SUV इलेक्ट्रिक मोडमध्ये 90 km पर्यंत अंतर पार करू शकते. पेट्रोल आणि पूर्ण चार्ज बॅटरीच्या मदतीने एकूण ड्रायव्हिंग रेंज 1,100 km पर्यंत जाण्याचा दावा करण्यात आला आहे. त्यामुळे JSW Combat ची भारतातील एन्ट्री किती प्रभावी ठरते, याकडे ऑटोविश्वाचे लक्ष लागले आहे.
Ans: JSW Motors ची नवीन वेबसाइट www.jswmotors.com आहे. याच वेबसाइटवरून कंपनीच्या आगामी पॅसेंजर वाहनांसाठी स्वारस्य नोंदवता येणार आहे.
Ans: JSW Motors आपली पहिली SUV 4 डिसेंबर 2026 रोजी भारतीय मार्केटमध्ये सादर करण्याच्या तयारीत आहे.
Ans: दाव्यानुसार, या SUV ला इलेक्ट्रिक मोडमध्ये 90 km पर्यंत रेंज मिळू शकते. पेट्रोल आणि चार्ज केलेल्या बॅटरीसह एकूण रेंज 1,100 km पर्यंत असण्याची शक्यता आहे.






