सूर्यकुमार यादवमुळे भंगले हार्दिकचे स्वप्न; जाणून घ्या कर्णधारपदापासून दूर होण्याची ही 4 कारणे

विश्वचॅम्पियन बनलेल्या भारतीय संघाचा प्रमुख अष्टपैलू खेळाडू असलेल्या हार्दिक पांड्याला, श्रीलंका दौऱ्यात टी-20 कर्णधारपदापासून दूर जावे लागले आहे. त्याची अनेक कारणे आहेत. तसेच, टी-20 चा कर्णधारसुद्धा घोषित करण्यात आला आहे. यामध्ये श्रीलंका दौऱ्यासाठी सूर्याने बाजी मारली आहे. आपण जाणून घेणार आहोत हार्दिक कोणत्या कारणाने मागे पडला.

Hardik Pandya and Suryakumar Yadav : श्रीलंकेविरुद्धच्या तीन एकदिवसीय आणि तितक्याच टी-20 सामन्यांच्या मालिकेसाठी भारतीय क्रिकेट संघाची घोषणा करण्यात आली आहे. सूर्यकुमार यादवला T20 संघाचा नवा कर्णधार बनवण्यात आले आहे. रोहित शर्मा वन-डेत भारतीय संघाचे नेतृत्व करणार आहे. अशा परिस्थितीत हार्दिक पांड्याला T20 मध्ये कर्णधार का करण्यात आले नाही हे जाणून घेऊया.

हार्दिकचे स्वप्न भंगले

गेल्या महिन्यात जेव्हा रोहित शर्माने टीम इंडियाला टी-२० विश्वचषकात चॅम्पियन बनवल्यानंतर या फॉरमॅटमधून निवृत्तीची घोषणा करण्यात आली आहे. तेव्हा त्याचा उत्तराधिकारी कोण असेल यावर बरीच चर्चा रंगली होती. हार्दिक पांड्या या स्पर्धेत उपकर्णधार होता. अशा परिस्थितीत, टी-20 फॉरमॅटमध्ये तो टीम इंडियाचा पुढचा कर्णधार असणार आहे, आता हे जवळपास स्पष्ट झाले होते, परंतु गौतम गंभीरच्या मुख्य प्रशिक्षकपदी नियुक्तीमुळे सर्वकाही बदलले. विशेषत: हार्दिक पांड्याचे स्वप्न भंगले. हार्दिक पंड्याच्या जागी सूर्यकुमार यादव या फॉरमॅटमध्ये टीम इंडियाचा नवा कर्णधार बनला आहे. अशा परिस्थितीत हार्दिककडे टीम इंडियाची कमान न सोपवण्याची कोणती कारणे होती ते जाणून घेऊया.

हार्दिकचा फिटनेस

वर्षभरापूर्वीपर्यंत हार्दिक पांड्याला मर्यादित षटकांमध्ये टीम इंडियाचा भावी कर्णधार मानले जात होते. हार्दिकला अनेक मोठ्या मालिकांमध्ये संघाचे नेतृत्व करण्याची संधीही मिळाली, मात्र आता त्याची अवस्था अशी झाली आहे की त्याला संघात स्थान मिळणे कठीण झाले आहे. मात्र, टी-२० विश्वचषकानंतर श्रीलंका दौऱ्यात त्याला संघात स्थान निश्चितच मिळाले, पण केवळ एक खेळाडू म्हणून. संघाची कमान सूर्यकुमार यादव यांच्याकडे सोपवण्यात आली आहे. याचे एक मोठे कारण म्हणजे हार्दिक पांड्याचा फिटनेस. हार्दिक सतत अनफिट आहे. अशा परिस्थितीत संघ व्यवस्थापन आता एका कर्णधाराच्या शोधात आहे जो दीर्घकाळ नेतृत्व करू शकेल. यामुळेच हार्दिकला कर्णधारपदाच्या शर्यतीतून वगळण्यात आले.

हार्दिकची बाजू सरस

हार्दिक पांड्याला T20 मध्ये कर्णधारपद न देण्यामागचे एक मोठे कारण म्हणजे तो त्याच्या वचनबद्धतेची पूर्तता करू शकत नाही. हार्दिक संघात अष्टपैलू खेळाडू म्हणून खेळतो. अशा परिस्थितीत त्याला फलंदाजीबरोबरच चार षटकेही टाकावी लागणार आहेत. त्याची फिटनेसची समस्या अजूनही कायम आहे. अशा स्थितीत त्याला दोन्ही गोष्टी सतत करता येत नाहीत. दुसरीकडे, सूर्यकुमार यादव निःसंशयपणे फलंदाज म्हणून खेळतो, परंतु तो सातत्यपूर्ण आहे आणि मजबूत क्षेत्ररक्षणही करतो. यामुळेच कर्णधारपदाच्या शर्यतीत सूर्या हार्दिकच्या पुढे गेला आहे.

भारताला पुढील भविष्यासाठी नवीन चेहऱ्याचा शोध

हार्दिक पांड्याने यापूर्वीही टीम इंडियाचे नेतृत्व केले आहे. अशा स्थितीत भारतीय संघ भविष्याकडे पाहताना नव्या दृष्टीनं पुढे जाण्याचा प्रयत्न करत आहे. सपोर्ट स्टाफ बदलला आहे. नवीन प्रशिक्षक गौतम गंभीरची टीम इंडियात एन्ट्री झाली आहे. अशा परिस्थितीत त्यांच्या मार्गदर्शनाखाली संघ नवी सुरुवात करण्याचा प्रयत्न करेल. त्यामुळेच हार्दिकच्या जागी सूर्यकुमार यादवला नवा कर्णधार बनवण्यात आले आहे.