मुलांना घडवणे सर्वात आव्हानात्मक काम ; सरपंच सुर्यकांत सवाणे यांचे मत

भिगवण : मुलांना घडवणे हे काम सर्वात आव्हानात्मक काम असून पूर्वी हे काम फक्त आईचे होते.  परंतु,  आता वडीलही तितकेच जबाबदार असल्याचे मत डिकसळचे (Diksal Village)सरपंच सुर्यकांत सवाणे यांनी  व्यक्त केले.डिकसळ येथील सारंग सुहास गायकवाड याला नाशिक येथे झालेल्या राज्यस्तरीय कराटे स्पर्धेत गोल्ड मेडल मिळाल्याने तसेच त्याची राष्ट्रीय खेळाडू स्पर्धेसाठी निवड झाल्याने सरपंच सवाणे यांच्या हस्ते त्याचा  सत्कार करण्यात आला. त्यावेळी ते बोलत होते. या कार्यक्रमास पुणे जिल्हा मध्यवर्ती सहकारी बँकेचे सेवानिवृत्त शाखाधिकारी रमेश माळी, कृषी अधिकारी गणेश सुर्यवंशी, भारतीय जनता पार्टीचे   तालुका उपाध्यक्ष सुनील काळे, योगेश्वरी सोसायटीचे संचालक सतीश काळे, सामाजिक कार्यकर्ते विनायक काळे, योगेश्वरी सोसायटीचे माजी व्हाइस चेअरमन सोमनाथ भादेकर, जाणता राजा ग्रुपचे अध्यक्ष राजेंद्र झाकणे, युवा नेत्रुत्व पै. योगेश पवार, संतोष पवार, विहान अमोल भोंग आदी  उपस्थित होते. सारंग गायकवाड हा बिल्ट कंपनी शाखेतील विद्या प्रतिष्ठान या विद्यालयातील  सहावीचा विद्यार्थी आहे. राज्यस्तरीय कराटे स्पर्धेसाठी बारामती विभागातून ४५ व महाराष्ट्रातून हजारो विद्यार्थ्यांनी भाग घेतला होता. या विद्यार्थ्यांना साहेबराव ओव्हाळ यांचे मार्गदर्शन लाभले.

Web Title: Raising children is the most challenging task opinion of sarpanch suryakant sawane nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com