Ramiz Raja on Babar Azam
Ramiz Raja on Babar Azam : सध्या पाकिस्तान क्रिकेट अत्यंत वाईट अवस्थेतून जात आहे. सध्या पाकिस्तान विरुद्ध इंग्लंड यांच्यात तीन सामन्यांची कसोटी मालिका खेळली जात आहे. मालिकेतील दुसरा सामना मंगळवार, १५ ऑक्टोबरपासून मुल्तानमध्ये सुरू झाला आहे. या कसोटीमध्ये बाबर आझमसह अनेक दिग्गज पाकिस्तानच्या टीमचा भाग नाही. याशिवाय बाबर तिसऱ्या कसोटीतही पाकिस्तानचा भाग असणार नाही. असे असताना पाकिस्तानचा माजी कर्णधार बाबर आझमवरून अनेक दिग्गजांनी टीकास्त्र सोडले आहे. तसेच, सोशल मीडियावर सुद्धा जोरदार चर्चा आहे. बाबर हा पाकिस्तान क्रिकेटचा स्टार आहे, त्याला असे बाहेर ठेवणे पूर्णपणे अयोग्य, असे मत रमीझ राजा यांनी व्यक्त करीत पीसीबीवर जोरदार टीकास्त्र सोडले आहे.
त्याला बाहेर ठेवणे हा चुकीचा निर्णय
पाकिस्तान-इंग्लंडचा दुसरा कसोटी सामना सुरू होण्यापूर्वी पाकिस्तानचा माजी फलंदाज रमीझ राजा आणि इंग्लंडचा माजी कर्णधार नासेर हुसेन स्काय स्पोर्ट्स क्रिकेटवर बोलताना दिसले. संभाषणात, प्रस्तुतकर्त्याने रमीझ राजाला विचारले की निवडकर्त्यांना बाबरशी काय करावे लागेल? बाबरचे पुनरागमन काही काळासाठी मध्यम स्वरूपाचे होते. उत्तर देताना रमीझ राजा म्हणाला, बाबरला प्लेइंग इलेव्हनमधून बाहेर राहायचे आहे की नाही हा निर्णय घ्यावा. मला वाटते की हा विचार न करता निवडकर्त्यांनी घेतलेला निर्णय आहे. नवीन निवडकर्ते आले, सर्वसामान्यांचे मत असे होते की त्याने त्याला विश्रांतीची गरज आहे आणि त्याला संघातून पूर्णपणे वगळण्यात आले आहे. हे अगदी चुकीचे आहे.
पाकिस्तानचा स्टार खेळाडूला असे बाहेर ठेवणे अयोग्य, तो पाकिस्तानसाठी क्रिकेट विकतो
रमीझ राजा पुढे म्हणाले, आपल्याला हे समजून घेणे आवश्यक आहे की तो पाकिस्तानसाठी क्रिकेट विकतो म्हणजेच पाकिस्तानमध्ये क्रिकेटचा आयकाॅन आहे, असे असताना त्याला बाहेर ठेवणे योग्य नाही. पाकिस्तानमध्ये सध्या चर्चा सुरू आहे की हे बाबर आझमचे आणखी एक अपयश असेल की तो पुनरागमन करेल आणि यामुळे परिस्थिती बदलेल. हे मनोरंजक आहे. या क्षणी मला या पाकिस्तान संघात काहीही विकले जाणारे दिसत नाही, कारण प्रायोजक देखील थोडे शांत आहेत कारण पाकिस्तानचा पराभव झाला आहे आणि या कसोटीत कोणताही खरा सुपरस्टार खेळत नाही.”
.png "Videos"){kind=small}
