Marathi News »
Latest News »
The Nylon Manza Slit The Nurse Throat Death Occurred Suddenly Nrat

नायलाॅन मांजामुळे परिचारिकेचा गळा चिरला; भररस्त्यात झाला मृत्यू

अमरावती जिल्ह्यात nylon मांजावर बंदी असतानाही सर्रासपणे या मांजाची विक्री सुरू आहे. शहरातील पुंडलीक बाबा नगरात (Pundalik Baba Nagar) राहणारी एक २३ वर्षीय परिचारीका तरुणी दुचाकीने कामासाठी निघाली असता रस्त्यात आडव्या आलेल्या नायलॉन मांजाने या तरुणीचा गळा चिरला.

By Navarashtra Staff

Updated On: Jun 23, 2021 | 10:03 PM

नायलाॅन मांजामुळे परिचारिकेचा गळा चिरला; भररस्त्यात झाला मृत्यू

अमरावती (Amravati). जिल्ह्यात nylon मांजावर बंदी असतानाही सर्रासपणे या मांजाची विक्री सुरू आहे. शहरातील पुंडलीक बाबा नगरात (Pundalik Baba Nagar) राहणारी एक २३ वर्षीय परिचारीका तरुणी दुचाकीने कामासाठी निघाली असता रस्त्यात आडव्या आलेल्या नायलॉन मांजाने या तरुणीचा गळा चिरला. वेळीच मदत न मिळाल्यामुळे तरुणीचा तडफडत मृत्यू झाल्याची सुन्न करणारी घटना सोमवारी २१ जूनला सायंकाळी घडली. या दुर्घटनेनंतर (the accident) पोलिसांनी शहरात विविध ठिकाणी छापे मारून नायलॉन मांजा जप्त केल्याची माहिती आहे.

[read_also content=”अमरावती/ विमानतळ उभारणी मिशन मोडवर सुरू; पालकमंत्री यशोमती ठाकुर यांनी केली पाहणी https://www.navarashtra.com/latest-news/airport-construction-in-amravati-begins-on-mission-mode-guardian-minister-yashomati-thakur-conducted-the-inspection-nrat-146481.html”]

दिव्या शंकर गवई (२३, रा. पुंडलीकबाबा नगर गल्ली क्रमांक ४ असे मृतक तरुणीचे नाव आहे. दिव्याने नर्सिंगचे शिक्षण घेतले असून काही महिन्यांपासून ती शहरातील एका खासगी रुग्णालयात परिचारीका म्हणून कार्यरत होती. सोमवारी सायंकाळी दिव्या रुग्णालयातून घरी परतली. मंगळवारी २२ जूनला एका जवळच्या नातेवाइकाकडे लग्न असल्यामुळे ती याच कामानिमित्त घरून दुचाकीने निघाली होती.

दरम्यान, घरापासून सुमारे पाचशे मीटरवर असलेल्या समर्पण कॉलनीजवळ पोहोचली असता रस्त्याच्या मधोमध लाल नायलॉन मांजाने दिव्याचा गळा सुरीने चिरल्यागत कापला गेला. गळा कापल्यामुळे दिव्या दुचाकीवरून रस्त्याच्या कडेला झाडाजवळ कोसळली. या वेळी दिव्याच्या गळ्यातून रक्ताच्या चिरकांड्या उडत होत्या. दिव्या कोसळल्याचे लक्षात येताच त्या परिसरात ईव्हीनिंग वॉकसाठी आलेले शिक्षण विभागाचे सेवानिवृत्त अधिकारी रमेश बिजवे व अन्य नागरिकांनी पंतग उडवणाऱ्यासह विक्रेत्यांचाही शोध घेतला.