शेवगाव वृक्षतोड प्रकरण तापले! वनाधिकाऱ्यांचे लाकूडमाफियांशी साटेलोटे? तृप्ती देसाई आक्रमक
वनविभागाचा देखावा आणि रात्रीच्या अंधारात लाकूड गायब- शेवगाव तालुक्यात मोठ्या प्रमाणावर सुरू असलेल्या वृक्षतोडीचा पर्दाफाश झाल्यानंतर प्रशासनावर दबाव वाढला होता. यानंतर वनविभागाने संबंधित ठिकाणी धाड टाकून कारवाई केल्याचा देखावा निर्माण केला. मात्र, ही कारवाई केवळ कागदोपत्रीच राहिल्याचे स्पष्ट झाले आहे. कारण, वनविभागाची पाठ फिरताच रात्रीच्या अंधारात वखार मालकांनी जप्त केलेला आणि तोडलेला सर्व लाकूडसाठा परस्पर गायब केला. वनविभागाच्या आशीर्वादाशिवाय इतक्या मोठ्या प्रमाणावर लाकूडसाठा गायब होणे अशक्य असल्याचा आरोप स्थानिक नागरिक आणि पर्यावरणप्रेमींकडून केला जात आहे.
Sambhajinagar Statue Work : महापुरुषांच्या पुतळ्यांच्या कामांना गती; महापौर अॅक्शन मोडवर
उपवनसंरक्षकांच्या हकालपट्टीची मागणी- या संपूर्ण प्रकरणात वनाधिकाऱ्यांचे थेट संगनमत असल्याचा गंभीर आरोप तृप्ती देसाई यांनी केला आहे. पर्यावरणाचा असा ऱ्हास करणाऱ्या आणि भ्रष्टाचाराला पाठीशी घालणाऱ्या अधिकाऱ्यांची गय केली जाणार नाही, असा पवित्रा त्यांनी घेतला आहे. या प्रकरणातील दोषींवर तात्काळ कठोर कारवाई करण्यात यावी, तसेच कर्तव्यात कसूर करणारे आणि संशयाच्या भोवऱ्यात असलेले उपवनसंरक्षक धर्मवीर साल विठ्ठल यांची तात्काळ हकालपट्टी करण्यात यावी, अशी थेट मागणी देसाई यांनी केली आहे.
प्रशासनाने या प्रकरणाची गंभीर दखल घेऊन दोषी वखार मालक आणि भ्रष्ट वनाधिकाऱ्यांवर गुन्हे दाखल केले नाहीत, तर हे प्रकरण शांत बसणार नाही, असा सज्जड इशारा तृप्ती देसाई यांनी दिला आहे. जर दोषी उपवनसंरक्षकांची तात्काळ हकालपट्टी झाली नाही आणि या भ्रष्टाचाराची सखोल चौकशी झाली नाही, तर आम्ही थेट राज्याचे वनमंत्री गणेश नाईक यांची भेट घेऊन या सर्व घोटाळ्याचा पाढा त्यांच्यासमोर वाचू, असे देसाई यांनी ठणकावून सांगितले आहे. या प्रकरणामुळे अहिल्यानगरच्या वनविभागात मोठी खळबळ उडाली असून, आता वनमंत्री या भ्रष्ट अधिकाऱ्यांवर काय कारवाई करतात, याकडे संपूर्ण जिल्ह्याचे लक्ष लागले आहे.
Ans: सामाजिक कार्यकर्त्या तृप्ती देसाई यांनी शेवगावमधील वृक्षतोड प्रकरणावरून आक्रमक भूमिका घेतली आहे.
Ans: वनविभागातील अधिकारी आणि लाकूडमाफियांमध्ये साटेलोटे असल्याचा गंभीर आरोप त्यांनी केला आहे.
Ans: संबंधित भ्रष्ट उपवनसंरक्षकांची पदावरून हकालपट्टी करून प्रकरणाची निष्पक्ष चौकशी करण्याची मागणी त्यांनी केली आहे.






