भटक्या कुत्र्याच्या ओरखड्यामुळे ९ वर्षीय मुलीचा मृत्यू! रेबीजसारख्या गंभीर आजाराची लागण झाल्यानंतर दिसून येतात ‘ही’ लक्षणे

कुत्रा चावल्यानंतर वेळीच लक्ष न दिल्यास रेबीज होण्याची शक्यता असते. त्यामुळे तातडीने डॉक्टरांच्या सल्ल्याने योग्य ते उपचार करावेत. चला तर जाणून घेऊया रेबीज झाल्यानंतर दिसून येणारी लक्षणे.

कुत्रा चावल्यानंतर तातडीने काय करावे?
रेबीज कशामुळे होतो?
रेबीज झाल्यानंतर दिसून येणारी लक्षणे?

मुंबईसह देशभरात सगळीकडे भटक्या कुत्र्यांच्या संख्येत झपाट्याने वाढ होताना दिसत आहे. अनेकांना घरात सुद्धा प्राणी पाळायला खूप जास्त आवडतात. घरात एकतरी मांजर असावी किंवा कुत्रा असावा प्रत्येकाला कायमच वाटत असते. पण हेच प्राणी आरोग्यासाठी गंभीर धोका निर्माण करतात. अशीच एक घटक नालासोपाऱ्यात घडली आहे. भटक्या कुत्र्याच्या ओरखड्यामुळे ९ वर्षीय चिमुकलीला आपला जीव गमवावा लागला आहे. काही दिवसांमध्ये ९ वर्षीय मुलीला कुत्र्याने नख मारली होती. त्यानंतर काही दिवसांमध्येच तिला रेबीज सारख्या गंभीर आजाराची लागण झाली. मात्र उपचारा दरम्यान तिचा मृत्यू झाला. भटक्या कुत्र्याने मारलेल्या नखांमुळे ९ वर्षीय मुलीला आपला जीव गमवावा लागला.(फोटो सौजन्य – istock)

स्मार्ट स्किनकेअर रुटीन फॉलो करून चेहऱ्यावर आणा चमकदार ग्लो, त्वचा राहील कायमच फ्रेश आणि हायड्रेट

नालासोपारा पश्चिम येथे राहणाऱ्या ९ वर्षीय मुलीला काही दिवसांआधी कुत्र्याने नखांनी ओरखडले होते. पण छोटी जखम झाल्यामुळे जास्त लक्ष दिले गेले नाही. पण कालांतराने मुलीची प्रकृती बिघडली. तिने जेवण बंद केले, पाणी पिणे बंद केल्यानंतर तिची प्रकृती फारच चिंताजनक झाल्यामुळे तिला तातडीने जवळच्या रुग्णालयात उपचारासाठी दाखल करण्यात आले. त्यानंतर तिला पुढील उपचारांसाठी कस्तुरबा रुग्णालयात दाखल करण्यात आले. पण उपचारादरम्यान मुलीचा मृत्यू झाला. कुत्रा चावल्यानंतर किंवा कुत्र्याची नखे लागल्यानंतर वेळीच उपचार न केल्यास रेबीजसारख्या गंभीर आजाराची लागण होते. चला तर जाणून घेऊया रेबीज झाल्यानंतर दिसून येणारी लक्षणे आणि रेबीज होऊ नये म्हणून कोणती काळजी घ्यावी.

रेबीज झाल्यानंतर दिसून येणारी गंभीर लक्षणे:

• ताप येऊन अशक्तपणा वाढणे
• सतत चिडचिड अस्वस्थता
• पाणी पाहिल्यानंतर भीती वाटणे
• जखमेच्या जागी खाज, जळजळ
• अन्न पाण्याचे सेवन न करणे
• झटके येणे किंवा वर्तनात बदल

Health Care Tips: शरीरात वात वाढल्यानंतर दिसून येतात ‘ही’ गंभीर लक्षणे, दुर्लक्ष करणे आरोग्यासाठी ठरेल धोक्याचे

कुत्रा चावल्यानंतर सगळ्यात आधी काय करावे?

कुत्रा चावल्यानंतर किंवा कुत्र्याची नखे लागल्यानंतर जखम 15 मिनिटांच्या आत साबणाने आणि पाण्याने स्वच्छ धुवून घ्यावी. त्यानंतर जखम झालेल्या ठिकाणी अँटिसेप्टिक लावावे. तुम्हाला उपचार करणे जमत नसल्यास तातडीने जवळच्या रुग्णालयात जाऊन डॉक्टरांचा सल्ला घ्यावा. कुत्रा चावल्यानंतर वेळीच उपचार न केल्यास शारीरिक आरोग्य बिघडण्याची शक्यता असते. तसेच सरकारी रुग्णालयात जाऊन Anti-rabies vaccine आणि Immunoglobulin हे दोन इंजेक्शन आवश्यक द्यावे. इंजेक्शनचा एक डोस चुकवू नये. अन्यथा कुत्र्याच्या दातांमधील विष शरीरात पसरून रेबीजची लागण होऊ शकते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.