भारतातील ते एक मंदिर जिथे रात्रीच्या वेळी अचानक गायब होते कालीमातेची मूर्ती, कोणीही जाणू शकलं नाही याच रहस्य

पश्चिम बंगालमधील काशीपूर येथील कालीमातेचे मंदिर रहस्यमय मानले जाते. मान्यतेनुसार रात्री देवीची मूर्ती अदृश्य होते आणि माता भक्तांचे दुःख दूर करण्यासाठी स्वतः बाहेर जाते.

• भारतातील पश्चिम बंगाल राज्यात कालीमातेचे अनोखे मंदिर आहे
• मान्यतेनुसार इथे रात्री कालीमातेचे मूर्ती गायब होते
• यामागचे कारण नक्की काय ते जाणून घ्या

भारताला मंदिरांचा देश म्हटले जाते. इथे असंख्य प्राचीन आणि रहस्यमय मंदिरे आहेत, ज्यांच्याशी जोडलेल्या अनेक कथा आजही लोकांच्या श्रद्धेचा भाग आहेत. अशाच एका अद्भुत मंदिराची चर्चा पश्चिम बंगालमध्ये होते. हे मंदिर देवी कालीला समर्पित असून, येथे देवी स्वतः भक्तांच्या मदतीसाठी मंदिराबाहेर जातात, अशी लोकांची दृढ श्रद्धा आहे. त्यामुळे हे मंदिर केवळ पूजेचेच नव्हे, तर विश्वास आणि चमत्कारांचे प्रतीक मानले जाते.

नवीन वर्षी 7000 रुपयांत बाली तर फक्त 8000 रुपयांत फिरा बँकॉक; प्रवासाचा सर्वात स्वस्त मार्ग काय आहे ते जाणून घ्या

पश्चिम बंगालमधील नाओगांवजवळ काशीपूर या गावात हे कालीमातेचे मंदिर वसलेले आहे. या मंदिराला विजयाचे प्रतीक मानले जाते. येथे देवीला प्रसन्न करण्यासाठी एक अनोखी परंपरा पाळली जाते. भक्त देवीची प्रतिमा डोक्यावर ठेवून चालतात आणि मनोभावे पूजा करतात. ही परंपरा अनेक शतकांपासून अखंडपणे सुरू असून, दरवर्षी मोठ्या श्रद्धेने पाळली जाते.

या मंदिराशी संबंधित एक अत्यंत गूढ मान्यता प्रसिद्ध आहे. असे सांगितले जाते की रात्रीच्या वेळी मंदिरातून कालीमातेची मूर्ती अदृश्य होते. लोकांचा विश्वास आहे की माता स्वतः भक्तांचे दुःख दूर करण्यासाठी आपले स्थान सोडून त्यांच्या मदतीला जातात. या मंदिरात देवीची पूजा ‘भवतारिणी’ या रूपात केली जाते. संकटात सापडलेल्या भक्तांना तारण्यासाठी देवीने हे रूप धारण केल्याचे मानले जाते. हे मंदिर आपल्या चमत्कारिक कथांसाठी विशेष ओळखले जाते. येथे असलेल्या मूर्तीत देवी काली भगवान शंकरांच्या अंगावर पाय ठेवून उभी असल्याचे दर्शन घडते. त्यांच्या एका हातात खड्ग असून दुसऱ्या हातात कमळाचे फूल आहे. अशी मान्यता आहे की या मंदिरामुळेच पश्चिम बंगालचे भाग्य बदलले.

टोकियोतील भन्नाट कॅफे, इथे एलियन करतात कॉफी सर्व्ह; घंटी वाजवा आणि ऑर्डर घ्या

पौराणिक कथेनुसार, जेव्हा इंग्रजांनी बंगालवर आक्रमण केले होते, तेव्हा राजा कृष्णचंद्र यांनी त्यांच्याशी सामना केला. या युद्धात बंगालमधील अनेक गावे जळून खाक झाली आणि राजा पराभवाच्या उंबरठ्यावर पोहोचले. त्या कठीण प्रसंगी त्यांनी आई कालीची मनोभावे तपस्या केली. देवी प्रसन्न होऊन त्यांनी राजाला दर्शन दिले आणि एक शक्तिशाली तलवार प्रदान केली. त्या तलवारीच्या बळावर राजा कृष्णचंद्र यांनी इंग्रजांच्या सैन्याला पराभूत केले, अशी कथा सांगितली जाते. बंगालचे रक्षण झाल्यानंतर राजा कृष्णचंद्र हे ‘कृष्ण-काली भक्त’ म्हणून ओळखले जाऊ लागले. आजही हे मंदिर भक्तांच्या श्रद्धेचे केंद्र मानले जाते आणि आई कालीच्या कृपेवर असलेला विश्वास इथे येणाऱ्या प्रत्येक भक्ताच्या मनात दृढपणे दिसून येतो.