सकाळचा नाश्त्यासाठी बनवा अमीर खानची फेव्हरेट डिश ‘Scarambled Egg’, अभिनेत्याने शेअर केलीये रेसिपी

Scarambled Egg Recipe : सकाळच्या नाश्त्यासाठी काही स्वादिष्ट, हलका आणि पौष्टिक नाश्ता शोधत असाल तर ही डिश तुमच्यासाठी परफेक्ट आहे. अभिनेता अमीर खानचा हा आवडता नाश्ता आहे.

• बॉलिवूडचा फेमस अभिनेता अमीर खानचा आवडता नाश्ता स्क्रॅम्बल्ड एग आहे
• अंड्यापासून तयार होणारी ही रेसिपी आरोग्यासाठी खूप फायदेशीर आहे
• स्वतः अभिनेत्याने याची रेसिपी शेअर केली आहे

बॉलीवूडचा “मिस्टर परफेक्शनिस्ट” म्हणून ओळखला जाणारा आमिर खान केवळ आपल्या अभिनयासाठीच नव्हे, तर आपल्या साध्या आणि हेल्दी लाइफस्टाइलसाठीही प्रसिद्ध आहे. शूटिंगच्या व्यस्त वेळापत्रकातही तो आपल्या आहाराकडे विशेष लक्ष देतो. फिटनेस आणि पौष्टिक आहार यांचा उत्तम समतोल राखणारा आमिर दिवसाची सुरुवात हलक्या पण प्रोटीनयुक्त न्याहारीने करतो. त्याच्या आवडत्या न्याहारींपैकी एक म्हणजे “स्क्रॅम्बल्ड एग” एक सोपी, स्वादिष्ट आणि आरोग्यदायी डिश.

Winter Recipe : उत्तर भारताची पारंपरिक डिश ‘मटार निमोना’; थंडीच्या दिवसांत नक्की घरी बनवा

आमिरच्या मते, दिवसाची सुरुवात जर पौष्टिक आणि हलक्या जेवणाने केली, तर पूर्ण दिवसात ऊर्जा टिकून राहते. त्यामुळे तो साध्या घटकांपासून बनवलेली पण चवदार स्क्रॅम्बल्ड एग रेसिपी आवडीने खातो. ही रेसिपी प्रोटीनने समृद्ध, पोटभरीची आणि त्वरीत बनणारी आहे. विशेष म्हणजे यात तेलाचा वापर कमी आणि चवीला खास मसाल्यांचा हलकासा स्पर्श आहे, ज्यामुळे ती डिश हेल्दी राहते पण चवदारही लागते. चला जाणून घेऊया यासाठी लागणारे साहित्य आणि कृती.

साहित्य:

• अंडी – ३
• बटर – १ छोटा चमचा
• दूध – २ मोठे चमचे
• बारीक चिरलेला कांदा – १ लहान
• बारीक चिरलेली हिरवी मिरची – १
• बारीक चिरलेली कोथिंबीर – थोडी
• मीठ – चवीनुसार
• काळी मिरी पूड – चिमूटभर

रात्रीच्या जेवणासाठी परफेक्ट पदार्थ! थंडगार वातावरणात झटपट बनवा आंबटगोड चिंचेचा भात, नोट करून घ्या रेसिपी

कृती:

• यासाठी सर्वप्रथम एका बाऊलमध्ये अंडी फोडून त्यात दूध, मीठ आणि काळी मिरी पूड घालून चांगले फेटून घ्या. दूधामुळे अंड्यांचा पोत मऊ आणि क्रीमी होतो.
• एका नॉन-स्टिक पॅनमध्ये बटर गरम करा. बटर थोडं वितळल्यावर त्यात कांदा आणि मिरची घालून हलका सोनेरी होईपर्यंत परता.
• आता त्यात फेटलेली अंडी ओता आणि मध्यम आचेवर हलक्या हाताने हलवत रहा. अंडं थोडं घट्ट होऊ लागल्यावर त्याला जास्त शिजू देऊ नका.
• अंडी अर्धवट शिजल्यावर गॅस बंद करा. उरलेली उष्णता अंडी पूर्णपणे शिजवते. त्यामुळे स्क्रॅम्बल्ड एग मऊ आणि क्रीमी राहतात.
• वरून कोथिंबीर घालून सर्व्ह करा.
• हवे असल्यास वरून थोडं बटर आणि काळी मिरी पूड घालून चव वाढवा.
• हे स्क्रॅम्बल्ड एग टोस्टेड ब्रेड, मल्टीग्रेन ब्रेड किंवा बेक्ड पराठ्यासोबत सर्व्ह केल्यास अगदी रेस्टॉरंटसारखा नाश्ता तयार होतो.

आमिर खान आपल्या डाएटमध्ये तळकट किंवा मसालेदार पदार्थ टाळतो. त्यामुळे त्याच्या या स्क्रॅम्बल्ड एग रेसिपीत साधेपणा असूनही चवीत एक खास आकर्षण आहे. प्रोटीनयुक्त, हलका आणि पटकन बनणारा हा नाश्ता प्रत्येकासाठी उत्तम पर्याय आहे.