Winter Recipe : उत्तर भारताची पारंपरिक डिश ‘मटार निमोना’; थंडीच्या दिवसांत नक्की घरी बनवा

Matar Nimona Recipe : थंडीत मटारच्या किमती फार कमी होतात. ऐरवी महागड्या किमतीत मिळणारे हे मटार हिवाळ्यात स्वस्त दरात बाजारात उपलब्ध होतात अशात यापासून तुम्ही चविष्ट अशी मटार निमोनाची रेसिपी ट्राय करू शकता.

(फोटो सौजन्य: Pinterest)

Follow Us:

Follow Us:

• मटार निमोना ही उत्तर भारतातील पारंपरिक आणि स्वादिष्ट अशी डिश आहे
• थंडीत मटार फार स्वस्त दारात बाजारात उपलब्ध होतात
• मटारची भाजी खायला आवडत नसल्यास ही रेसिपी एकदा नक्की ट्राय करायला हवी

Winter Recipe : थंडीच्या दिवसांत घरी बनवायला विसरू नका ‘पाया सूप’, अभिनेत्री करीना कपूरची फेव्हरेट डिश

मटार निमोना हा फक्त एक भाजी नसून एक उबदार, घरगुती आणि पारंपरिक अनुभव आहे. मटारमध्ये प्रोटीन, फायबर आणि अँटिऑक्सिडंट्स मुबलक प्रमाणात असतात. त्यामुळे हा पदार्थ शरीराला ऊर्जा देतो आणि पचनक्रियेसाठीही फायदेशीर असतो. हिवाळ्यात हा पदार्थ शरीराला उष्णता देऊन ताजेतवाने ठेवतो. यात मटार, आलं-लसूण, कांदा, मसाले आणि थोडंसं बटाटं वापरून बनवलेली ही भाजी चपाती, पराठा किंवा गरम गरम भातासोबत खाल्ली की जेवण अधिक स्वादिष्ट वाटते. मटार निमोना हे शरीराला प्रोटीन, फायबर आणि उष्णता देणारं एक परिपूर्ण जेवण आहे. चला तर मग जाणून घेऊया ही उत्तरेतील प्रसिद्ध रेसिपी आपल्या मराठी स्वयंपाकघरात कशी बनवायची.

साहित्य :

• ताजे हिरवे मटार – १ कप (कुस्करून घेतलेले किंवा थोडेसे वाटून घेतलेले)
• बटाटे – १ मोठा (चौरस तुकडे केलेले)
• कांदा – २ मध्यम आकाराचे (बारीक चिरलेले)
• टोमॅटो – २ (बारीक चिरलेले)
• आलं-लसूण पेस्ट – २ चमचे
• हळद – १/२ चमचा
• लाल तिखट – १ चमचा
• धने-जिरे पावडर – १ चमचा
• गरम मसाला – १/२ चमचा
• तेल – ३ चमचे
• मीठ – चवीनुसार
• पाणी – आवश्यकतेनुसार
• कोथिंबीर – सजावटीसाठी

कृती :

• यासाठी सर्वात आधी ताजे मटार थोडं वाटून घ्यावं. मटार पूर्ण पेस्टसारखे न वाटता थोडे दाणेदार राहू द्यावेत, त्यामुळे भाजीला खास टेक्स्चर येतो.
• कढईत तेल गरम करून त्यात बटाट्याचे तुकडे घालावेत आणि ते सोनेरी रंगावर होईपर्यंत तळावेत. नंतर ते बाहेर काढून ठेवावेत.
• त्याच तेलात कांदा परतावा. कांदा हलका तपकिरी झाला की त्यात आलं-लसूण पेस्ट घालून वास येईपर्यंत परतावे.
• आता त्यात टोमॅटो घालून शिजवावे. टोमॅटो मऊ झाले की त्यात हळद, तिखट, धने-जिरे पावडर आणि मीठ घालून मसाला छान परतावा.
• आता त्यात वाटलेले मटार घालावेत. मंद आचेवर ५-७ मिनिटे परतून घ्या. मटार थोडेसे तेल सोडायला लागले की
• त्याचा रंग बदलतो आणि सुगंध येतो.
• आता त्यात परतलेले बटाटे आणि १ कप गरम पाणी घालावे. झाकण ठेवून मध्यम आचेवर भाजी १०-१२ मिनिटे शिजवावी.
• भाजी शिजल्यावर गरम मसाला घालावा आणि शेवटी कोथिंबीर टाकून गॅस बंद करावा.
• ही भाजी गरमागरम भात, फुलका, पराठा किंवा पुरीसोबत खायला अप्रतिम लागते. त्यावर थोडं तूप टाकलं की चव आणखी खुलते.

Web Title: Winter recipe make uttar pradesh authentic and tasty matar nimona recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com