पार्लरमध्ये जाऊन त्वचेवर ट्रीटमेंट करण्याऐवजी ‘या’ पद्धतीने करा तांदळाच्या जेलचा वापर, त्वचा होईल तुकतुकीत

काहीवेळा सुंदर दिसण्याच्या नांदत महिला त्वचेवर अनेक वेगवेगळे उपाय करतात. पण केमिकल आणि घरगुती उपाय सतत केल्यामुळे त्वचेची गुणवत्ता खराब होऊन जाते. खराब झालेली त्वचेची गुणवत्ता सुधारण्यासाठी पुन्हा एकदा नवीन स्किन केअर फॉलो करावे लागते. त्यामुळे आज आम्ही तुम्हाला त्वचेची गुणवत्ता सुधारण्यासाठी आणि तुकतुकीत त्वचेसाठी तांदळाच्या जेलचा वापर कसा करावा, याबद्दल सविस्तर माहिती सांगणार आहोत. चला तर जाणून घेऊया.

सर्वच महिला सुंदर आणि चमकदार त्वचा मिळवण्यासाठी सतत काहींना काही उपाय करत असतात. काही महिला सतत पार्लरमध्ये जाऊन फेशिअल करणे, क्लीनअप करणे इत्यादी अनेक गोष्टी केल्या जातात. पण सतत या गोष्टी केल्यामुळे कालांतराने त्वचा खराब होऊन जाते. त्वचेवर कमी वयात सुरकुत्या आणि बारीक रेषा दिसू लागतात. त्यामुळे कोणतेही उपाय करताना त्वचेला सूट होतील की नाही याचा विचार करूनच मग करावे. हल्ली सोशल मीडियावर कोरियन स्किन केअर मोठ्या प्रमाणावर व्हायरल होत आहे. कोरियन प्रॉडक्टमध्ये तांदळाच्या पाण्याच्या वापर केला जातो. यामुळे त्वचा उजळदार आणि मऊ होण्यास मदत होते. त्वचेचे आरोग्य निरोगी ठेवण्यासाठी स्किन केअर करण्याऐवजी शरीराला आतून पोषण देणे फार गरजेचे आहे.

पूर्वी अनेक महिला केसांच्या वाढीसाठी आणि केस सिल्की ठेवण्यासाठी केसांना तांदळाचे पाणी लावत होत्या. मात्र हल्ली महिला तांदळाचे पाणी त्वचेला सुद्धा लावत आहेत. तांदळाच्या पाण्याचा वापर त्वचेवर केल्यास काळा पडलेला चेहरा उजळण्यास मदत होते. तसेच चेहऱ्यावर आलेले पिंपल्स आणि मुरुमांचे डाग निघून जाण्यास मदत होते. त्यामुळे आज आम्ही तुम्हाला घरच्या घरी तांदळाचे जेल कसे बनवायचे, याची सोपी कृती सांगणार आहोत. या घरगुती उपाय नियमित केल्यास त्वचा मऊ आणि तुकतुकीत होण्यास मदत होईल.

हे देखील वाचा: सुंदर दिसण्यासाठी केसांना रंग करताय! मग जाणून घ्या केसांवर होणारे दुष्परिणाम

तांदळाचे जेल बनवण्यासाठी लागणारे साहित्य:

• तांदूळ
• पाणी
• कोरफड जेल
• ग्लिसरीन
• मध
• विटामिन ई तेल
• गुलाब पाणी
• तेल

हे देखील वाचा: एका रात्रीत चेहऱ्यावरील सुरकुत्या होतील नाहीशा, हा घरगुती पदार्थ करेल तुमची मदत

कृती:

• तांदळाचे जेल बनवण्यासाठी सर्वप्रथम 2 चमचे तांदूळ पाण्यात काही वेळ भिजत ठेवा. पाण्यात भिजल्यानंतर तांदूळ मऊ होण्यास मदत होईल.
• तांदूळ भिजल्यानंतर त्यातील पाणी काढून पुन्हा एकदा पाणी टाकून 10 मिनिटं भात शिजण्यासाठी ठेवा. भात शिजवून थंड करून घ्या.
• कॉटनच्या कपड्यात थंड करून घेतलेला भात गाळून घ्या. यामुळे मऊ टेक्सर्चर तयार होईल.
• भाताच्या मिश्रणामध्ये कोरफड जेल आणि ग्लिसरीन टाकून मिक्स करा.
• नंतर त्यात एक चमचा मध, व्हिटॅमिन ई कॅप्सूल आणि थोडस तेल टाकून मिक्स करून घ्या.
• तयार केलेले मिश्रण त्वचेला लावून 15 ते 20 मिनिटं ठेवून नंतर पाण्याने स्वच्छ धुवा.
• हा उपाय नियमित केल्यास त्वचा मऊ होण्यास मदत होते. हे जेल रात्री झोपण्यापूर्वी लावावे.