वयाच्या चाळीशीमध्ये चेहऱ्यावर सुरकुत्या दिसतायत? मग करा ‘या’ लाल तेलाचा वापर, त्वचा दिसेल तरुण

बदलत्या जीवनशैलीमुळे वयाच्या तिशीमध्येच महिलांच्या चेहऱ्यावर सुरकुत्या, बारीक रेषा, पिगमेंटशेंन इत्यादी अनेक गोष्टी दिसून येतात. त्यामुळे योग्य ती जीवनशैली जगून आरोग्याची काळजी घेणे आवश्यक आहे. महिलांच्या शरीरात सातत्याने हार्मोनल असंतुलन होत असते, त्याचा सार्वधिक परिणाम महिलांच्या चेहऱ्यावर दिसून येतो. अनेक महिला सुंदर आणि चमकदार त्वचा मिळवण्यासाठी काहींना काही उपाय करत असतात.

वाढत्या वयासोबतच महिलांच्या शरीरात अनेक बदल दिसून येतात. बदलत्या जीवनशैलीमुळे वयाच्या तिशीमध्येच महिलांच्या चेहऱ्यावर सुरकुत्या, बारीक रेषा, पिगमेंटशेंन इत्यादी अनेक गोष्टी दिसून येतात. त्यामुळे योग्य ती जीवनशैली जगून आरोग्याची काळजी घेणे आवश्यक आहे. महिलांच्या शरीरात सातत्याने हार्मोनल असंतुलन होत असते, त्याचा सार्वधिक परिणाम महिलांच्या चेहऱ्यावर दिसून येतो. अनेक महिला सुंदर आणि चमकदार त्वचा मिळवण्यासाठी काहींना काही उपाय करत असतात. पण यामुळे अनेकदा त्वचा खराब होण्याची शक्यता असते. त्वचेला कोणतेही प्रॉडक्ट लावण्याआधी ते तुमच्या त्वचेला सूट होईल की नाही, प्रॉडक्ट बनवण्यासाठी कोणते घटक वापरले आहेत, हे सुद्धा व्यवस्थित तपासून पहावे.(फोटो सौजन्य-istock)

सुंदर चमकदार त्वचा मिळवण्यासाठी बाजारात मिळणारे महागडे आणि केमिकल युक्त प्रॉडक्ट वापरण्यापेक्षा घरगुरी पदार्थांचा वापर करावा. नैसर्गिक गोष्टी त्वचेवरील चमक कायम टिकवून ठेवतात. त्यामुळे तुम्ही तुमच्या स्किन केअर रुटीनमध्ये केशर तेलाचा वापर करू शकता. केशराचे तेल त्वचा आणि केसांना लावल्यामुळे अनेक गुणकारी फायदे होतात. हे आयुर्वेदिक तेल असून मागील अनेक वर्षांपासून या तेलाचा वापर केला जात आहे. कुंकुमादी या शब्दाचा अर्थ “केशर तेल’ असा होत असल्यामुळे अनेक लोक हे तेल वापरतात. केशरपासून टोनर, तेल, हेअर सिरम इत्यादी अनेक गोष्टी बनवल्या जातात. त्यामुळे आज आम्ही तुम्हाला चेहऱ्यावरील सुरकुत्या घालवण्यासाठी केशर तेलाचा वापर कसा करावा, याबद्दल सांगणार आहोत. चला तर जाणून घेऊया.

हे देखील वाचा: डोळ्यांखाली खोबरेल तेल लावण्याचे आहेत ‘हे’ 5 फायदे, आजच जाणून घ्या

केशर तेल घरी बनवण्याची सोपी पद्धत:

साहित्य:

• केशर
• दूध
• चंदन पावडर
• मंजिष्ठ पावडर
• खस पावडर
• बदाम तेल
• तिळाचे तेल

कृती:

• केशर तेल बनवण्यासाठी सर्वप्रथम केशरच्या काड्या काहीवेळ दुधात भिजवून ठेवा. केशर दुधामध्ये अर्धा तास तरी भिजने आवश्यक आहे.
• त्यानंतर एका वाटीमध्ये चंदन, मंजिष्ठ, हळद आणि खस पावडर एकत्र मिक्स करून घ्या.
• मिक्स करून घेतलेल्या साहित्यामध्ये कोमट गरम केलेले तिळाचे तेल आणि बदामाचे तेल टाकून पुन्हा एकदा व्यवस्थित मिक्स करा.
• नंतर त्यात केशरचे दूध टाकून कढईमध्ये तयार केलेले सर्व मिश्रण टाकून काहीवेळ शिजवून घ्या.
• तेल व्यवस्थित शिजल्यानंतर गॅस बंद करून तेल थंड करा. तयार आहे केशरचे तेल.
• हे तेल नियमित त्वचा आणि केसांना लावल्यास अनेक फायदे होतील.

हे देखील वाचा: रक्तदाब प्रभावीपणे व्यवस्थापित करणार ‘रेनल डिनरव्हेशन’ उपचार पद्धती

केशरच्या तेलाचे फायदे:

• त्वचेवर आलेल्या सुरकुत्या, पिंपल्स आणि मुरुमांचे डाग घालवण्यासाठी केशर तेलाचा वापर करा. त्वचेसाठी हे तेल अतिशय प्रभावी आहे.
• केशर तेल लावल्यामुळे प्रामुख्याने हायपरपिग्मेंटेशन, डाग, मुरुम, मुरुम आणि वृद्धत्वाची चिन्हे कमी होण्यास मदत होईल.
• तसेच उन्हामुळे टॅन झालेला त्वचेचा रंग सुधारण्यासाठी केशर तेल नियमित वापरावे.
• त्वचेसोबतच केसांच्या वाढीसाठी सुद्धा तुम्ही केशर तेल वापरू शकता. तेल लावून हलक्या हाताने केसांना मालिश करा.