महिनाभर दैनंदिन रुटीनमध्ये नियमित करा ‘ही’ योगासने, आरोग्य राहील तंदुरुस्त

दैनंदिन जीवनात निरोगी जीवनशैली जगण्यासाठी अनेक लोक तासनतास जीममध्ये जाऊन घाम गाळतात. आहार तज्ज्ञांकडून वेगवेगळे डाईट घेतले जातात. पण याचा फारसा परिणाम आरोग्यावर दिसून येत नाही. त्यामुळे निरोगी जीवनशैली जगण्यासाठी नियमित योगासने केली पाहिजे. महिनाभर नियमित योगासने केल्यास आरोग्यावर त्याचे सकारात्मक परिणाम दिसून येतील.

निरोगी जीवनशैली जगण्यासाठी आपण अनेक उपाय करतो. सकाळी उठून नियमित व्यायाम करणे, योगासने करणे, आरोग्याला फायदेशीर असलेल्या पदार्थांचे सेवन करणे इत्यादी अनेक गोष्टी केल्या जातात. पण अनेकदा कामाच्या धावपळीमध्ये व्यायाम करण्यास वेळ मिळत नाही. यामुळे जीवनशैलीत बदल झाल्यानंतर आरोग्यसंबंधित समस्या उद्भवू लागतात. त्यामुळे घावपळीच्या जीवनातून वेळ काढत व्यायाम, योगासने केली पाहिजेत. नियमित योगासने व्यायाम केल्याने मानसिक आणि शारीरिक आरोग्य चांगले राहते. अशांत मनाला शांती मिळते.

तणावपूर्ण जीवनशैली जगत असताना शारीरिक आणि मानसिक आरोग्य बिघडते. मानसिक आरोग्य बिघडल्यानंतर त्याचा परिणाम शारीरिक आरोग्यावर सुद्धा दिसून येतो. झोप न येणे, अपचन, सतत थकवा येणे, अशक्तपणा येणे इत्यादी समस्या उद्भवतात. त्यामुळे काम करत आरोग्याकडे लक्ष देणे सुद्धा तितकेच गरजेचे आहे. त्यामुळे तुम्ही तुमच्या दैनंदिन जीवनात व्यायाम करून आरोग्य आरोग्य सुधारू शकता. महिनाभर योगासने केल्यास त्याचे आरोग्यावर सकारात्मक परिणाम दिसून येते. कोणतीही गोष्टी २१ दिवस केल्यानंतर तिची आपल्या आरोग्याला सवय होऊन जाते. आज आम्ही तुम्हाला निरोगी जीवनशैली जगण्यासाठी कोणती योगासने केली पाहिजेत, याबद्दल सांगणार आहोत. ही योगासने नक्की करून पहा.(फोटो सौजन्य-istock)

हे देखील वाचा: मधुमेहावर नियंत्रण मिळवण्यासाठी घरच्या घरी करा ‘हे’ व्यायाम प्रकार, रक्तातील साखर राहील नियंत्रणात

नौकासन:

• नौकासन करताना सगळ्यात आधी योग मॅटवर झोपा. त्यानंतर तुमचे दोन्ही पाय एकत्र करा.
• पाय जवळ केल्याने शरीराजवळ ठेवून दीर्घश्वास घ्या.
• त्यानंतर श्वास सोडून छाती आणि तुमचे दोन्ही पाय जमिनीपासूनवर उचला.
• त्यानंतर तुमचे दोन्ही हात पायांच्या दिशेने खाली खेचा.
• हे योगासन करताना हातांची आणि पायांची बोटे आणि तुमचे डोळे सरळ असायला हवेत.
• यामुळे तुमच्या शरीराचा संपूर्ण मानसिक ताणतणाव कमी होण्यास मदत होईल.
• काही वेळ नौकासनात राहिल्यानंतर पुन्हा एकदा सामान्य स्थितीमध्ये या.
• हे योगासने पहिल्यांदा करताना तज्ज्ञांचा सल्ला घ्या.

हे देखील वाचा: ही 8 फळे रात्री खाऊ नका, झोप आणि पचन बिघडेल.

धनुरासन:

• धनुरासन केल्याने शारीरिक आणि मानसिक आरोग्य दोन्ही सुद्धा चांगले राहते.
• धनुरासन करताना सगळ्यात आधी योग मॅटवर झोपा. त्यानंतर दोन्ही हात पायांच्या जवळ ठेवा.
• नंतर दोन्ही गुडघे वाकवून ते धरण्याचा प्रयत्न करा.
• गुडघे धरून दीर्घ श्वास घेताना तुमची छाती वरच्या दिशेने उचला आणि हातानी पाय ओढा.
• त्यानंतर श्वासाच्या हालचालींवर लक्ष केंद्रित करण्याचा प्रयत्न करा. 20 ते 25 सेकंड या स्थितीमध्ये रहा.
• धनुरासन केल्याने शरीराचा मानसिक तणाव निघून जाण्यास मदत होईल.