महिलांमध्ये वाढतोय ब्रेस्ट कॅन्सरचा धोका? रोजच्या या हेल्दी सवयी ठरू शकतात संरक्षण कवच

ब्रेस्ट कॅन्सरचा धोका पूर्णपणे टाळता येत नसला तरी योग्य जीवनशैली आणि काही आरोग्यदायी सवयी अंगीकारल्यास त्याचा धोका कमी करण्यास मदत होऊ शकते. तसेच सुरुवातीची लक्षणे वेळेत ओळखून डॉक्टरांचा सल्ला घेणेही तितकेच महत्त्वाचे आहे.

• वजन नियंत्रणात ठेवा, नियमित व्यायाम करा आणि मद्यपान टाळा किंवा मर्यादित ठेवा.
• संतुलित आहार घ्या; हिरव्या भाज्या, डाळी यांचा समावेश वाढवा आणि पॅकेज्ड किंवा तळलेले पदार्थ कमी खा.
• स्तनात गाठ, आकारात बदल किंवा रक्तस्त्राव यांसारखी लक्षणे दिसल्यास त्वरित डॉक्टरांचा सल्ला घ्या.

ब्रेस्ट कॅन्सर हा महिलांमध्ये आढळून येणाऱ्या आजारांपैकी एक सामान्य रोग आहे. हे आजार तेव्हा होतो जेव्हा स्तनातील काही सेल्स असामान्यरित्या वाढू लागतात आणि हळूहळू गाठ किंवा ट्यूमरची समस्या तयार करतात. या आजाराचा धोका इतर देशांप्रमाणेच भारतातही झपाट्याने वाढू लागला आहे. वय, लठ्ठपणा, स्तनाच्या कर्करोगाचा कौटुंबिक इतिहास, BRCA1 किंवा BRCA2 यांमुळे बेस्ट कॅन्सरचा धोका वाढतो. याशिवाय मद्यपान, शारीरिक हालचालींचा अभाव, बाळाला जन्म न देणे किंवा उशिरा गर्भधारणा होणे आणि मेनापाॅजनंतर हार्मोन थेरपी घेणे या कारणांमुळेही ब्रेस्ट कॅन्सर होण्याची शक्यचा असते. महिलांमध्ये या आजाराचा धोका जाणवतो ज्यामुळे याविषयी सविस्तर जाणून घेणे आणि स्वत:ला यापासून सुरक्षित ठेवणे अधिक महत्त्वाचे ठरते.

वडिलांची परी आणि आईचा लाडका… मुलगी वडिलांच्या आणि मुलगा आईच्या अधिक जवळ का असतो? यामगची कारणे जाणून घ्या

ब्रेस्ट कॅन्सरला प्रत्येक प्रकरणात थांबवले तर जाऊ शकत नाही परंतु रोजच्या जीवनात काही हेल्दी सवयींचा अवलंब करुन याचा वाढता धोका कमी केला जाऊ शकतो. वेळीच लक्षणे ओळखून घेतल्यास आजारापासून आपला जीव बचावला जाऊ शकतो. चला ब्रेस्ट कॅन्सरचा धोका कमी करण्यासाठी रोजच्या जीवनात कोणत्या हेल्दी हॅबिट्सचा अवलंब करायला हवा ते जाणून घेऊया.

ब्रेस्ट कॅन्सरचा धोका टाळण्यासाठी या हेल्दी हॅबिट्स अवलंबा

अमेरिकेची आरोग्य संस्था, सेंटर्स फॉर डिसीज कंट्रोल अँड प्रिव्हेंशन (CDC) नुसार, ब्रेस्ट कॅन्सरचा धोका कमी करण्यासाठी आपल्या वजनावर लक्ष क्रेंद्रित करा. वाढते वजन अनेक आजारांना जन्म देत असते ज्यामुळे वजन हे नेहमी मर्यादेत ठेवावे. यासाठी रोजच्या जीवनात थोडा व्यायाम करुन तुम्ही शारीरिकदृष्या स्वत:ला सदृढ बनवू शकता. तुम्हाला जर मद्यपानाची सवय असेल तर कमी प्रमाणात याचे सेवन करा. मद्यपान ब्रेस्ट कॅन्सरचा धोका वाढवण्याचे काम करत असते.

अनेकदा मुलाला ब्रेस्ट फिडिंग केल्यामुळेही महिलांना ब्रेस्ट कॅन्सरचा धोका जाणवत असतो. जर हार्मोन रिप्लेसमेंट थेरपी आवश्यक असेल, तर त्याचे फायदे आणि धोके यांविषयी डाॅक्टरांसोबत चर्चा करा. संतुलित आहार, तळलेले अन्न कमी खाणे, पॅकेज्ड फूडचे कमी सेवन करणे तुमच्यासाठी फायद्याचे ठरु शकते. याउलट आपल्या आहारात डाळी, हिरव्या भाज्या यांचा जास्तीत जास्त समावेश करा.

IRCTC घेऊन आला जपान टूर पॅकेज, टोक्योपासून हिरोशिमपर्यंतची मजेदार सफर… जाणून घ्या संपूर्ण डिटेल्स

ब्रेस्ट कॅन्सरची लक्षणे कोणती?

• स्तनात किंवा काखेत गाठ असल्याचे जाणवणे.
• स्तनाच्या आकारात अचानक वाढ होणे.
• त्वचेवर खड्ड्यांसारखे डाग दिसू लागणे.
• स्तनाग्र आत वळणे.
• स्तनातून रक्तस्त्राव होऊ लागणे.
• स्तानाची त्वचा लाल होणे किंवा त्याजागी वेदना होणे.

तुम्हाला जर ही लक्षणे तुमच्या शरीरात जाणवत असतील तर वेळ वाया घालवू नका आणि लगेच यावर डाॅक्टरांचा सल्ला घ्या. आजाराचे लवकर निदान त्यापासून आपला जीव वाचवण्यासाठी महत्त्वाची भूमिका बजावते.