काहीतरी नवीन ट्राय करायचंय? मग घरी जरूर बनवून पहा Chicken One Pot Noodles; झटपट तयार होणारी स्वादिष्ट रेसिपी!

चिकन वन पॉट नूडल्स ही एक पोटभरणीची रेसिपी आहे जी झटपट तयार होते. यात एकाच पोटामध्ये चिकन, नूडल्स, भाज्या आणि मसाले शिजवले जातात, ज्यामुळे याची चव अप्रतिम लागते. ही रेसिपी सध्या फार ट्रेंडिंगमध्ये आहे.

वन पॉट नूडल्स हा पदार्थ सध्या फार ट्रेंड होत आहे. हा एक पाश्चात्य पदार्थ आहे जो व्हेज, नॉनव्हेज अशा दोन्ही प्रकार बनवता येतो. आज आम्ही तुम्हाला वन पॉट नूडल्स घरी कसं बनवायचं याची एक सोपी आणि झटपट अशी रेसिपी सांगणार आहोत. आजच्या धावपळीच्या जीवनशैलीसाठी परफेक्ट आहे. यामध्ये एकाच भांड्यात चिकन, नूडल्स, भाज्या आणि मसाले शिजवले जातात, ज्यामुळे वेळ आणि कष्ट दोन्ही वाचतात.

झणझणीत जेवणाचा बेत! पारंपरिक पद्धतीने घरी बनवा चमचमीत वांग्याचं भरीत; चव अशी की सर्वजण बोटंच चाटत राहतील

ही डिश मुलांपासून मोठ्यांपर्यंत सर्वांना आवडते. जेव्हा काही झटपट, पोटभर आणि हटके खायचं असतं, तेव्हा ही रेसिपी नक्कीच एक उत्तम पर्याय ठरतो. तुम्हाला जर तेच तेच पदार्थ खाऊन कंटाळा आला असेल आणि काहीतरी नवीन चविष्ट असे खायचे असेल ते ही रेसिपी तुमच्यासाठी परफेक्ट आहे. पावसाच्या या थंड वातावरणात गरमा गरम हा नूडल पॉट तुमच्या मनाला सुखावून जाईल. चला तर मग ही रेसिपी घरी कशी तयार करायची ते जाणून घेऊया.

साहित्य:

• बोनलेस चिकन – २०० ग्रॅम (स्मॉल स्ट्रिप्समध्ये कापलेले)
• हक्का नूडल्स – १५० ग्रॅम (साद्य किंवा अर्धवट शिजवलेले)
• कांदा – १ मध्यम (लांब चिरलेला)
• शिमला मिरची – ½ (स्लाइस केलेली)
• गाजर – ½ (पातळ स्ट्रिप्स)
• कोबी – ¼ कप (चिरलेली)
• आले-लसूण पेस्ट – १ टीस्पून
• सोया सॉस – १ टेबलस्पून
• रेड चिली सॉस – १ टीस्पून
• टोमॅटो सॉस – १ टेबलस्पून
• मीठ – चवीनुसार
• मिरे पावडर – ½ टीस्पून
• तेल – २ टेबलस्पून
• पाणी – गरजेनुसार
• हिरवी कोथिंबीर किंवा हिरव्या कांद्याची पात – सजावटीसाठी

चॉकलेट लव्हर्स… कधी Earthquake Cake खाल्ला आहे का? चवीने भरपूर घरीच करा तयार

कृती

• चिकन वन पॉट नूडल्स बनवण्यासाठी सर्वप्रथम एका खोल भांड्यात किंवा मोठ्या कढईत तेल गरम करून
• त्यात आले-लसूण पेस्ट घाला आणि हलकं परता.
• त्यात चिकनचे तुकडे घालून ४-५ मिनिटं परतून घ्या, जोपर्यंत ते थोडं पांढरट होईल.
• आता कांदा, गाजर, कोबी, आणि शिमला मिरची घालून २-३ मिनिटं परता.
• त्यात सोया सॉस, रेड चिली सॉस, आणि टोमॅटो सॉस घालून नीट मिक्स करा.
• आता अर्धवट शिजवलेले नूडल्स आणि थोडं पाणी (जवळपास १ कप) घालून नीट मिक्स करा. झाकण ठेवून मध्यम आचेवर ५-७ मिनिटं शिजवा.
• मीठ आणि मिरे पावडर घालून चव पाहून हवे असल्यास अजून थोडं सॉस किंवा मसाला घालू शकता.
• वरून चिरलेली कोथिंबीर किंवा हिरव्या कांद्याची पात टाका.
• तुम्ही हवे असल्यास चिकन ऐवजी अंडी किंवा पनीर वापरू शकता.
• हे नूडल्स ग्रेव्हीमध्ये तयार केले जातात ज्यामुळे यात थोडं जास्त पाणी राहुद्यात.
• गरम गरम चिकन वन पॉट नूडल्स तयार
• हा तुमच्या लंच किंवा डिनरसाठी किंवा वीकेंडला झटपट पार्टी डिश म्हणून एक उत्तम पर्याय ठरू शकतो.