चॉकलेट लव्हर्स… कधी Earthquake Cake खाल्ला आहे का? चवीने भरपूर घरीच करा तयार

केक कुणाला खायला आवडत नाही? गोड आणि मऊ चवीचा हा पदार्थ खास प्रसंगी आवर्जून घरी बनवला किंवा बाहेरून खरेदी केला जातो. केकचे अनेक प्रकार बाजारात आहेत मात्र तुम्ही कधी अर्थक्वेक केक खाल्ला आहे का? नोट करूया रेसिपी!

अर्थक्वेक केक नाव ऐकताच तुम्ही कोड्यात पडला असाल तर चिंता करू नका… ऐकायला विचित्र असला तरी या केकची चव इतर केकहुन फार छान लागते. चवदार, मलईदार आणि थरथराट करणारा एक अनोखा केक! या केकमध्ये चॉकलेट, नारळ, पेकान किंवा अक्रोड आणि क्रीम चीजचा अनोखा संगम असतो. “अर्थक्वेक” म्हणजे भूकंप, या केकला हे नाव यासाठी दिलं जातं कारण बेक करताना त्यातले घटक थर थर करून हालचाल करतात आणि वरून फाटलेले, खवलेले रूप येते, जे पाहून जणू जमिनीला तडा गेला आहे असे वाटू लागते.

साध्या भाजीला द्या शाही ट्विस्ट! घरी बनवा रिच आणि स्वादिष्ट Egg Nawabi; लज्जतदार चवीने सर्वच होतील खुश

हा केक जितका दिसायला वेगळा आहे, तितकाच चवीलाही भन्नाट असतो. बर्थडेसाठी किंवा कोणत्या खास प्रसंगी गोड सर्व्ह करायचे असल्यास तुम्ही अनोख्या केकची ही रेसिपी फॉलो करू शकता. केकचा हा हटके प्रकार नक्कीच तुम्हाला खूप आवडेल. विशेषतः चॉकलेट लव्हर्सना तर हा केक आणखीनच आवडेल. चला जाणून घेऊया यासाठी लागणारे साहित्य आणि कृती.

साहित्य:

• डार्क चॉकलेट केक मिक्स – १ पाकीट (Ready-made, बाजारात सहज मिळतो)
• नारळ किस (सुका किंवा ओलसर) – ½ कप
• अक्रोड / पेकान नट्स (चिरलेले) – ½ कप
• क्रीम चीज – १ कप (सॉफ्ट केलेले)
• लोणी (Butter) – ½ कप (विघळवलेले)
• पिठीसाखर – २ कप
• दूध – केक मिक्ससाठी आवश्यकतेनुसार (मिश्रणावर लिहिल्याप्रमाणे)
• अंडी – ३ (केक मिक्ससाठी आवश्यकतेनुसार)

तुम्ही कधी Paneer Shawarma खाल्ला आहे का? मऊ ब्रेडमध्ये रोल केलेले स्मोकी आणि झणझणीत पनीर खाल तर फॅन व्हाल

कृती:

• अर्थक्वेक केक तयार करण्यासाठी सर्वप्रथम ओव्हन १७५°C (३५०°F) वर प्रीहीट करा.
• केक ट्रे ग्रीस करून त्यात सर्वप्रथम नारळ किस आणि त्यावर अक्रोड पसरवा.
• केक मिक्स, दूध, अंडी एकत्र करून एकसंध मिश्रण तयार करा.
• एका बाउलमध्ये क्रीम चीज, वितळलेले लोणी आणि पिठीसाखर एकत्र करून फेटून घ्या.
• नारळ-अक्रोड थरावर आधी चॉकलेट केक मिक्स पसरवा. त्यावर चमच्याने क्रीम चीजचं मिश्रण ओता.
  ४५-५० मिनिटे केक चांगला बेक करा
• केक बेक झाला की नाही ते तपासण्यासाठी केकच्या मधोमध सुरी घाला, सूरी कोरडी बाहेर आली तर समजून जा तुमचा केक चांगला बेक झाला आहे.
• पूर्णपणे थंड झाल्यावर केकचे तुकडे करून खाण्यासाठी सर्व्ह करा.
• क्रीम चीजचा थर वर वर दिसेलच असं नाही, पण चवमध्ये तो भारी जाणवतो.
• तुम्हाला हवं असल्यास तुम्ही यावर थोडासा चॉकलेट सिरप किंवा पावडर साखर शिंपडू शकता.