केवळ 15 दिवसात कोलेस्ट्रॉलचा उडेल फज्जा, रोज सकाळी उपाशीपोटी खाल ‘हा’ मसाला; होईल कमाल

दालचिनी हा औषधी गुणधर्मांनी समृद्ध असलेला मसाला आहे. याचे सेवन केल्याने शरीरात जमा होणारे वाईट कोलेस्ट्रॉल नियंत्रित करता येते आणि मधुमेहापासून आराम मिळतो. दालचिनीचे फायदे अगणित आहेत.

शतकानुशतके अन्नात अनेक मसाले वापरले जात आहेत. काही मसाल्यांमध्ये औषधी गुणधर्म असल्याचे मानले जाते आणि ते आयुर्वेदिक औषधांमध्ये उपचारांसाठी वापरले जातात. दालचिनी हा एक लोकप्रिय मसाला आहे जो प्राचीन काळापासून आयुर्वेद आणि पारंपारिक औषधांमध्ये वापरला जात आहे. 

हा मसाला केवळ अन्नाची चव वाढवत नाही तर त्यात असलेले औषधी गुणधर्म असंख्य आरोग्य फायदे देतात. गेल्या काही वर्षांत दालचिनी खाण्याचा ट्रेंड झपाट्याने वाढला आहे. आरोग्य तज्ज्ञ कोलेस्टेरॉल नियंत्रित करण्यासाठी दालचिनी प्रभावी मानतात. हा कोणता मसाला आहे आणि त्याचा कशा पद्धतीने उपयोग करून घ्यावा याबाबत अधिक माहिती या लेखातून घेऊया (फोटो सौजन्य – iStock) 

कोलेस्ट्रॉलसाठी दालचिनी

मेडिकल न्यूज टुडेच्या एका अहवालानुसार, कोलेस्टेरॉल हा आपल्या रक्तात आढळणारा मेणासारखा पदार्थ आहे. आपल्या शरीराच्या पेशींसाठी ते आवश्यक आहे, परंतु जेव्हा ते सामान्यपेक्षा जास्त वाढते तेव्हा ते रक्तवाहिन्यांमध्ये जमा होऊ लागते. त्यामुळे हृदय आणि मेंदूला रक्तपुरवठा होण्यास अडथळा येतो. जेव्हा कोलेस्टेरॉल मर्यादेपेक्षा जास्त वाढते तेव्हा हृदयविकाराचा झटका आणि स्ट्रोक सारख्या समस्या उद्भवू शकतात. 

कोलेस्टेरॉलला सायलेंट किलर मानले जाते, कारण ते हळूहळू हृदयासाठी समस्या बनू शकते. अशा परिस्थितीत त्यावर नियंत्रण ठेवणे खूप महत्वाचे आहे. कोलेस्टेरॉल कमी करण्यासाठी दालचिनीचा मसाला खूप प्रभावी मानला जातो. संशोधनातून असे दिसून आले आहे की दालचिनीचे सेवन केल्याने वाईट कोलेस्ट्रॉल कमी होते आणि चांगले कोलेस्ट्रॉल वाढते.

रोज सकाळी औषध गिळण्यापेक्षा 7 सोप्या उपायांनी करा घाणेरडे कोलेस्ट्रॉल कमी, Heart Attack चा धोकाही टळेल

दालचिनीचे नियमित सेवन 

अनेक संशोधनातून असे दिसून आले आहे की दालचिनीचे नियमित सेवन केल्याने शरीरातील खराब कोलेस्ट्रॉल (LDL) आणि ट्रायग्लिसराइड्स कमी होऊ शकतात. हा मसाला चांगले कोलेस्ट्रॉल (HDL) राखण्यास देखील मदत करतो.

दालचिनीच्या मसाल्यामध्ये असलेले सिनामाल्डिहाइड आणि इतर अँटीऑक्सिडंट्स शरीरातील रक्त प्रवाह सुधारतात आणि धमन्यांमध्ये चरबी जमा होण्याची प्रक्रिया मंदावतात. जर दररोज १ ते ६ ग्रॅम दालचिनी नियमितपणे घेतली तर ती कोलेस्टेरॉल वेगाने कमी करू शकते. संशोधनातून असे दिसून आले आहे की दालचिनीचा मसाला केवळ कोलेस्ट्रॉल नियंत्रित करत नाही तर टाइप २ मधुमेह नियंत्रित करण्यासदेखील मदत करतो.

कसे करावे सेवन

दालचिनीचे सेवन कसे करावे असा प्रश्न अनेकदा लोकांच्या मनात येतो. आरोग्य तज्ञांच्या मते, दररोज सकाळी रिकाम्या पोटी कोमट पाण्यासोबत १ चिमूटभर दालचिनी पावडर घेतल्याने कोलेस्टेरॉलची पातळी झपाट्याने कमी होते. जर हे शक्य नसेल तर चहामध्ये दालचिनी मिसळा आणि त्याचे सेवन करा. 

याशिवाय, तुम्ही दालचिनी दलिया, स्मूदी किंवा दह्यावर शिंपडूनदेखील खाऊ शकता. लक्षात ठेवा की फक्त एक चिमूटभर दालचिनी खा. जास्त प्रमाणात सेवन करणे हानिकारक ठरू शकते. जर तुम्हाला कोणताही गंभीर आजार असेल तर दालचिनी खाण्यापूर्वी डॉक्टरांचा सल्ला घ्या.

वितळू लागेल नसांमध्ये साचलेले घाणेरडे कोलेस्ट्रॉल, रोज सकाळी उठताच पाण्यात मिसळून प्या 3 मसाले

दालचिनीचे फायदे

कोलेस्टेरॉल कमी करण्याव्यतिरिक्त, दालचिनीचे इतरही अनेक फायदे आहेत. हा मसाला रक्तातील साखर नियंत्रित करतो आणि शरीरातील जळजळ दूर करतो. दालचिनी चयापचय सुधारण्यासाठी देखील प्रभावी मानली जाते. हे शरीरात अँटीऑक्सिडंट्सचे प्रमाण वाढवून रोगप्रतिकारक शक्ती मजबूत करते आणि पचन सुधारते. 

काही अभ्यासातून असे दिसून आले आहे की दालचिनीचे सेवन केल्याने लठ्ठपणापासून देखील आराम मिळू शकतो. तथापि, जर तुम्ही आधीच कोणतेही औषध घेत असाल, तर तुमच्या डॉक्टरांचा सल्ला घेतल्याशिवाय नियमितपणे दालचिनीचे सेवन करू नका. गर्भवती महिलांनीही ते खाण्यापूर्वी तज्ज्ञांचा सल्ला घ्यावा.