संध्याकाळच्या स्नॅक्ससाठी परफेक्ट! १५ मिनिटांत घरच्या घरी बनवा Corn Chilli Cheese Toast; रेसिपी एकदा वाचाच

Corn Chilli Cheese Toast Recipe: तुम्हालाही संध्याकाळच्या नाश्त्यासाठी काहीतरी झटपट आणि टेस्टी स्नॅक्स बनवायचे असले तर ही कॉर्न चीली चीज टेस्ट रेसिपी नक्की ट्राय करा.

• चहासोबत काहीतरी चटपटीत हवंय?
• झटपट बनवा कॉर्न चिली चीज टोस्ट
• १५ मिनिटांत झटपट तयार होईल

संध्याकाळची भूक लागली की चहा किंवा कॉफीसोबत काहीतरी चटपटीत आणि स्वादिष्ट खावेसे वाटते. रोज बिस्किटे, चिप्स किंवा बाहेरचे फास्ट फूड खाण्याऐवजी तुम्ही घरच्या घरी काहीतरी झटपट आणि चविष्ट स्नॅक कॉर्न चिली चीज टोस्ट तयार करु शकता. ब्रेड, स्वीट कॉर्न, तिखट हिरवी मिरची आणि भरपूर चीजचे मिश्रणाने तयाह होणारा हा टोस्ट काही मिनिटांत तयार करता येतो. कॉर्नचा हलका गोडवा, मिरचीची झणझणीत चव आणि वितळलेल्या चीजचा स्वाद यामुळे हा टोस्ट लहानांपासून मोठ्यांपर्यंत सर्वांनाच आवडू शकतो. विशेष म्हणजे, यासाठी लागणारे साहित्य सहज घरात उपलब्ध असते आणि जास्त वेळही लागणार नाही. चला तर मग जाणून घेऊयात, कॉर्न चीली चीज टोस्टची सोपी रेसिपी.

Hair Care: केसांना मिळेल पोषण अन् चमकही! अंड्यात ‘या’ गोष्टी मिसळून बनवा हेअर मास्क; जाणून घ्या पद्धत

कॉर्न चिली चीज टोस्टसाठी साहित्य

• ४ ब्रेड स्लाइस
• १ कप उकडलेले स्वीट कॉर्न
• १ कप किसलेले चीज
• १ ते २ हिरव्या मिरच्या
• १ छोटा कांदा
• अर्धा चमचा चिली फ्लेक्स
• अर्धा चमचा काळी मिरी पावडर
• चवीनुसार मीठ
• आवश्यकतेनुसार बटर किंवा तेल

कॉर्न चीज टोस्ट बनवण्याची कृती:

सर्वप्रथम एका भांड्यात उकडलेले स्वीट कॉर्न घ्या. त्यात बारीक चिरलेला कांदा, हिरवी मिरची, किसलेले चीज, चिली फ्लेक्स, काळी मिरी पावडर आणि मीठ घाला. सर्व साहित्य चमच्याने व्यवस्थित मिसळून घ्या. चीज आणि कॉर्न सर्व मिश्रणात नीट मिक्स करा.आता ब्रेडचे स्लाइस घ्या. प्रत्येक स्लाइसवर तयार केलेले कॉर्न-चीजचे मिश्रण समान प्रमाणात पसरवा. मिश्रण ब्रेडच्या कडांपर्यंत हलक्या हाताने पसरवल्यास प्रत्येक घासात कॉर्न आणि चीजची चव मिळते.यानंतर, तवा गरम करून त्यावर थोडे बटर लावा. त्यानंतर मिश्रण लावलेली बाजू वर ठेवून ब्रेड तव्यावर ठेवा आणि मंद आचेवर भाजा. ब्रेडचा खालचा भाग सोनेरी आणि कुरकुरीत झाल्यानंतर टोस्ट उलटा. चीज वितळेपर्यंत आणि ब्रेड दोन्ही बाजूंनी कुरकुरीत होईपर्यंत भाजून घ्या. तयार टोस्ट गरमागरम सर्व्ह करा.कॉर्न चिली चीज टोस्ट टोमॅटो सॉस, हिरवी चटणी किंवा तुमच्या आवडीच्या डिपसोबत सर्व्ह करा. मुलांच्या टिफिनसाठी किंवा अचानक आलेल्या पाहुण्यांसाठीही हा पदार्थ झटपट तयार करता येतो.

टीप: चीजमध्ये मीठ असल्यामुळे मिश्रणात मीठ घालताना प्रमाणाची काळजी घ्या.

Kabab: चटपटीत, कुरकुरीत अन् स्वादिष्ट! संध्याकाळच्या स्नॅक्ससाठी परफेक्ट हरा-भरा कबाब; रेसिपी नोट करा