१५ मिनिटांमध्ये गायब होईल चेहऱ्यावरील डेड स्किन! मसूर डाळीमध्ये मिक्स करा ‘हा’ पदार्थ, चेहऱ्यावर येईल पार्लरसारखा ग्लो

चेहऱ्यावर वाढलेले टॅनिंग कमी करण्यासाठी मसूर डाळीचा फेसपॅक लावावा. यामध्ये असलेल्या गुणधर्मांमुळे चेहऱ्यावरील डेड स्किन कमी होण्यासोबतच त्वचेवर चमकदार ग्लो येतो.

जेवणातील पदार्थ बनवताना मसूर डाळीचा वापर केला जातो. मसूर डाळीचे वरण चवीसोबत आरोग्यासाठी सुद्धा गुणकारी आहे. कारण मसूर डाळ सहज पचन होते. दैनंदिन आहारात सहज पचन होणाऱ्या आणि फायबर युक्त पदार्थांचे सेवन करावे. बऱ्याचदा कितीही उपाय किंवा झोप पूर्ण करून सुद्धा चेहऱ्यावर ग्लो येत नाही. त्वचा कायमच निस्तेज आणि टॅन झाल्यासारखी वाटते. धूळ, माती, प्रदूषण इत्यादी अनेक गोष्टींचा परिणाम चेहऱ्यावर दिसून आल्यानंतर पिंपल्स, मुरूम किंवा मोठे फोड येतात. चेहऱ्यावर आलेले मुरूम आणि पिंपल्स घालवण्यासाठी महिला बाजारात उपलब्ध असलेल्या वेगवेगळ्या ट्रीटमेंट करून घेतात. मात्र तरीसुद्धा त्वचा सुंदर दिसत नाही.(फोटो सौजन्य – istock)

तरुण वयात चेहऱ्यावर आलेल्या सुरकुत्या कमी करण्यासाठी ‘या’ फेसपॅकचा करा वापर, घरच्या घरी करा त्वचा बोटॉक्स

वारंवार उन्हात जाणे, तेलकट किंवा तिखट पदार्थांचे सेवन, झोपेची कमतरता, चुकीचे स्किन केअर प्रॉडक्ट इत्यादी अनेक गोष्टींचा परिणाम आरोग्यावर लगेच दिसून येतो. त्यामुळे त्वचेला वरून पोषण देण्यासोबतच आतून पोषण देणे सुद्धा तितकेच आवश्यक आहे. चेहऱ्यावर वाढलेले टॅनिंग आणि काळे डाग घालवण्यासाठी स्किन केअर क्रीम्स, सीरम्स आणि पॅक इत्यादी अनेक गोष्टी वापरल्या जातात. पण तरीसुद्धा कोणताच फरक दिसून येत नाही. म्हणूनच आज आम्ही तुम्हाला चेहऱ्यावर वाढलेले टॅनिंग घालवण्यासाठी मसूर डाळीमध्ये कोणते पदार्थ मिक्स करून लावावेत, याबद्दल सविस्तर माहिती सांगणार आहोत. मसूर डाळीचा फेसपॅक आठवडाभर नियमित चेहऱ्यावर लावल्यास त्वचा अधिक सुंदर आणि चमकदार दिसेल.

मसूर डाळीचा फेसपॅक बनवण्याची कृती:

फेसपॅक बनवण्यासाठी सर्वप्रथम मसूर डाळ मिक्सरच्या भांड्यात टाकून बारीक पावडर होईपर्यंत वाटून घ्या. तयार केलेली पावडर वाटीमध्ये घेऊन त्यात चमचाभर तांदळाचे पीठ, मध आणि हळद घालून मिक्स करा. त्यानंतर त्यात चमचाभर दही घालून पेस्ट बनवा. तयार केलेली पेस्ट संपूर्ण चेहऱ्यावर आणि मानेवर लावून काहीवेळ तसेच ठेवा. त्यानंतर हलक्या हाताने मसाज करा. यामुळे डेड स्किन कमी होण्यास मदत होईल. नियमित मसूर डाळीचा फेसपॅक चेहऱ्यावर लावल्यास आठवडाभरात चेहऱ्यावर ग्लो येऊन त्वचा स्वच्छ आणि डागविरहित दिसेल. फेसपॅक लावून झाल्यानंतर चेहऱ्यावर गुलाब पाणी लावावे. गुलाब पाण्यामुळे चेहऱ्यावरील कोरडेपणा कमी होतो आणि त्वचा हायड्रेट राहते.

चेहऱ्यावर वाढलेल्या टॅनिंगमुळे त्वचा खूप निस्तेज दिसते? चमचाभर हळदीचा ‘या’ पद्धतीने करा वापर, १५ मिनिटांमध्ये त्वचा दिसेल उजळदार

मसूर डाळ त्वचा आतून स्वच्छ करते. त्वचेच्या छिद्रांमध्ये साचून राहिलेली घाण स्वच्छ करण्यासाठी मसूर डाळीचा फेसपॅक लावावा. यामध्ये नैसर्गिक विटामिन सी असते. त्यामुळे आठवड्यातून कमीत कमी दोनदा किंवा तीनदा मसूर डाळीचा फेसपॅक लावावा. यामुळे चेहऱ्यावर जमा झालेल्या मृत पेशी कमी होतात आणि मुरूम किंवा पिंपल्स येत नाहीत. त्वचेमधील ओलावा कायम टिकवून ठेवण्यासाठी गुलाब पाणी आणि दह्याचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.