लग्नात केस सुंदर दिसण्यासाठी दीपिका पदुकोणने वापरला होता ‘हा’ घरगुती पदार्थांपासून बनवलेला स्प्रे, केसांना मिळेल भरपूर पोषण

लग्न ठरल्यानंतर मुली सुंदर दिसण्यासाठी हायड्रा फेशिअल, केमिकल पिल्स इत्यादी अनेक महागड्या ट्रीटमेंट करतात. ज्यामुळे त्वचेवर सुंदर ग्लो येतो.याशिवाय केसांची काळजी घेण्यासाठी वेगवेगळ्या हेअर ट्रीटमेंट करून घेतल्या जातात. मात्र याचा परिणाम केसांवर दिसून येत नाही. काहीकाळ केस अतिशय सुंदर आणि चमकदार दिसू लागतात. मात्र कालांतराने पुन्हा एकदा केसांची गुणवत्ता खराब होऊन जाते. म्हणूनच आज आम्ही तुम्हाला केसांची काळजी घेण्यासाठी दीपिका पादुकोणने कोणत्या हेअर स्प्रेचा वापर केला, याबद्दल सविस्तर माहिती सांगणार आहोत. या हेअर स्प्रेच्या वापरामुळे लग्नात तिचे केस अतिशय सुंदर आणि चमकदार दिसत होते.

दीपिकाने लग्नात केस सुंदर दिसण्यासाठी सेलिब्रिटी न्यूट्रिशनिस्ट श्वेता शहा यांच्याकडून घरगुती पदार्थांचा वापर करून बनवलेला हेअर स्प्रे तयार करून घेतला होता. या स्प्रेच्या नियमित वापरामुळे केस अतिशय सुंदर आणि चमकदार दिसतात. केसांना नैसर्गिक चमक, मजबूतपणा, आणि पोषण मिळते. त्यामुळे तुम्ही घरच्या घरी हेअर स्प्रे तयार करू शकता. केसांची गुणवत्ता टिकवून ठेवण्यासाठी हेअर स्प्रेचा वापर करावा. चला तर जाणून घेऊया हेअर स्प्रे तयार करण्याची सोपी कृती.

साहित्य:

• रोझमेरी
• मेथी दाणे
• काळीमिरी दाणे
• पाणी

कृती:

• हेअर स्प्रे तयार करण्यासाठी सर्वप्रथम, पॅन गरम करून त्यात रोझमेरी, मेथी दाणे, काळीमिरी घेऊन एकत्र भाजून घ्या. मंद आचेवर हे पदार्थ भाजावे.
• त्यानंतर ३०० मिली पाण्यात भाजून घेतलेले पदार्थ घालून हलकेसे उकळवून घ्या. उकळवून घेतलेले पाणी रात्रभर तसेच ठेवा.
  तयार केलेले पाणी गाळून स्प्रे बॉटलमध्ये भरून ठेवा. तयार केलेले पाणी केसांच्या वाढीसाठी अतिशय प्रभावी ठरेल.

हेअर स्प्रे वापरण्याचे फायदे:

रोझमेरीमुळे केस गळणे थांबते. केसांच्या वाढीस चालना देण्यासाठी आणि घनदाट केसांसाठी रोझमेरीचा वापर करावा. मेथीचे दाणे केसांना पोषण देतात. स्काल्पचे ब्लड सर्क्युलेशन सुधारण्यासाठी रोझमेरीचा वापर करावा. मेथीचे दाणे केसांसाठी नैसर्गिक कंडिश्नरप्रमाणे काम करतात. काळीमीरीचे दाणे केसांसाठी अतिशय फायदेशीर आहेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या