Diwali 2025 : दिवाळीत चर्चा होईल फक्त तुमच्या फराळाची, जाणून घ्या भरपूर लेयर्सने भरलेली खुसखुशीत करंजी कशी तयार करायची

Layer Karanji Recipe : ही भरपूर लेअरवाली करंजी दिवाळीला बनवून पाहिली तर घरभर सुगंध दरवळेल आणि पाहुण्यांकडून नक्कीच कौतुक मिळेल. करंजीचा प्रत्येक थर तुमच्या मेहनतीचं गोड बक्षीस देईल!

“दिवाळी म्हटली की आपल्या डोळ्यांसमोर लगेच गोडधोड पदार्थांची रेलचेल उभी राहते. लाडू, चिवडा, चकली, शंकरपाळी आणि करंजी या सगळ्या पदार्थांशिवाय दिवाळी अपुरीच वाटते. त्यातही करंजी म्हणजे दिवाळीचा आत्मा! बाहेरून कुरकुरीत आणि आतून नरम, गोड सारणाने भरलेली ही करंजी प्रत्येकाच्या आवडीचा पदार्थ आहे.

दिवाळी होईल आणखीनच स्पेशल! सोप्या पद्धतीमध्ये घरी बनवा टेस्टी केशर बासुंदी, लहान मुलांसह मोठ्यांनाही आवडेल

आपण करंजी तर प्रत्येक दिवाळीत खातो पण तुम्ही कधी लेयर्सने भारलेली करंजी खाल्ली आहे का? ही करंजी खायला खुसखुशीत, सुंदर दिसणारी आणि अगदी बाजारातील करंजीसारखी होईल. या खास रेसिपीत आपण थर तयार करण्याची खास पद्धत पाहणार आहोत, ज्यामुळे प्रत्येक करंजीत सुंदर लेअर्स दिसतील आणि ती कुरकुरीत बनेल. चला तर मग जाणून घेऊया यासाठी लागणारे साहित्य आणि कृती.

साहित्य

पीठासाठी:

• मैदा – 2 कप
• रवा – 2 टेबलस्पून
• मीठ – चिमूटभर
• गरम तेल – 3 टेबलस्पून (मोहनासाठी)
• पाणी – आवश्यकतेनुसार

सारणासाठी:

• किसलेला नारळ (सुका किंवा ओला) – 1 कप
• साखर – ¾ कप
• खसखस – 2 टेबलस्पून
• सुके मेवे (काजू, बदाम, मनुका) – 2 टेबलस्पून
• वेलदोडा पूड – ½ टीस्पून
• तूप – 1 टेबलस्पून

थरासाठी मिश्रण:

• तूप – 2 टेबलस्पून
• मैदा – 2 टेबलस्पून

तळण्यासाठी:

• तेल किंवा तूप – आवश्यकतेनुसार

चहाची मजा होईल द्विगुणित, घरी बनवा कुरकुरीत आणि झटपट तयार होणारी ‘मसाला पापडी’

कृती

• सर्वप्रथम मैदा, रवा, मीठ आणि मोहनासाठी गरम तेल एकत्र करून चांगले मिसळा. मग थोडेथोडे पाणी घालून
• मऊ पण घट्ट असे पीठ मळून घ्या. ते ओलसर कपड्याने झाकून ३० मिनिटे बाजूला ठेवा.
• कढईत तूप गरम करून त्यात खसखस किंचित भाजा. त्यानंतर किसलेला नारळ, साखर, सुके मेवे आणि
• वेलदोडा पूड घालून चांगले परतून घ्या. मिश्रण थोडे थंड झाल्यावर बाजूला ठेवा.
• एका बाऊलमध्ये तूप आणि मैदा मिसळून एक गुळगुळीत पेस्ट तयार करा. हेच थर लावण्यासाठी वापरले जाईल.
• पीठाचे समान गोळे करा. तीन गोळ्यांची पोळी लाटून पहिल्या पोळीवर थराचे मिश्रण लावा. दुसरी पोळी ठेवून
• पुन्हा थर लावा. तिसरी पोळी ठेवून घट्ट रोल करा आणि सिलिंडरप्रमाणे गुंडाळा. हा रोल १५ मिनिटे फ्रिजमध्ये ठेवा.
• रोलचे छोटे तुकडे करून प्रत्येकाचा थोडासा लाटून वर्तुळ तयार करा. त्यात सारण भरा आणि अर्धचंद्र आकारात दुमडा. किनार दाबून बंद करा आणि कातरने किंवा करंजी साच्याने डिझाइन करा.
  कढईत तेल मध्यम आचेवर गरम करा. करंज्या मंद आचेवर तळा, जेणेकरून त्या समानपणे तळल्या जातील आणि सुंदर लेअर्स दिसतील.
• तळलेल्या करंज्या थंड झाल्यावर हवाबंद डब्यात साठवा. त्या १५ दिवस सहज टिकतात आणि खुसखुशीत राहतात.
• मोहन जास्त घातल्यास करंजी अधिक कुरकुरीत होते.
• तेल फार गरम ठेवू नका, नाहीतर लेअर्स नीट तयार होत नाहीत.
• हवे असल्यास साखरेऐवजी बुरादा गूळही वापरू शकता.