Recipe : सकाळच्या नाश्त्यासाठी परफेक्ट, घरी बनवा कुरकुरीत मार्केट स्टाईल ‘ब्रेड कटलेट’

Bread Cutlet Recipe : मसालेदार स्टफिंगने भरलेले कुरकुरीत ब्रेड कटलेट सकाळच्या किंवा संध्यकाळच्या नाश्त्यासाठी एक परफेक्ट ठरतात. तुम्ही सोप्या पद्धतीने घरीच मार्केट स्टाईल ब्रेड कटलेट तयार करू शकता.

• ब्रेड कटलेट हे एक लोकप्रिय स्ट्रीट फूड आहे.
• बाहेरून कुरकुरीत आणि आतून मसालेदार स्टफिंगने भरलेले हे कटलेट चवीला फार छान लागतात.
• तुम्ही घरीच मार्केट स्टाईल टेस्टी ब्रेड कटलेट तयार करू शकता.

पावसाळ्याची संध्याकाळ असो, मुलांच्या डब्यासाठी काहीतरी खास करायचं असो किंवा अचानक घरी पाहुणे आले असतील, तर पटकन तयार होणारा आणि सगळ्यांना आवडणारा पदार्थ म्हणजे ब्रेड कटलेट. घरात नेहमी उपलब्ध असणाऱ्या ब्रेड आणि उकडलेल्या बटाट्यापासून बनणारा हा पदार्थ चविष्ट, किफायतशीर आणि झटपट होणारा आहे.

Recipe : उपमा उरलाय तर फेकायचा कशाला? यापासून घरी बनवा कुरकुरीत ‘कटलेट’

ब्रेड कटलेटची खासियत म्हणजे त्यात आपण आपल्या आवडीप्रमाणे भाज्या, मसाले आणि हिरवी चटणी घालून वेगवेगळे फ्लेवर्स तयार करू शकतो. बाहेरून सोनेरी आणि कुरकुरीत तर आतून मऊसर असलेले हे कटलेट चहा किंवा कॉफीसोबत अप्रतिम लागतात. मुलांना भाज्या खायला आवडत नसतील तर त्या कटलेटमध्ये मिसळून दिल्यास तेही आनंदाने खातात. चला तर मग पाहूया सोप्या पद्धतीने ब्रेड कटलेट कसे बनवायचे याची रेसिपी जाणून घेऊया.

साहित्य

• 6 ब्रेडच्या स्लाईस
• 2 मध्यम उकडलेले बटाटे (कुस्करलेले)
• 1/4 कप बारीक चिरलेली गाजर
• 1/4 कप बारीिक चिरलेले मटार
• 1 लहान कांदा (बारीक चिरलेला)
• 1 हिरवी मिरची (बारीक चिरलेली)
• 1/2 टीस्पून आलं-लसूण पेस्ट
• 1/2 टीस्पून गरम मसाला
• 1/2 टीस्पून लाल तिखट
• 1/4 टीस्पून हळद
• मीठ चवीनुसार
• कोथिंबीर (बारीक चिरलेली)
• तळण्यासाठी तेल
• पाणी

मैदा साखरेचा वापर न करता २० मिनिटांमध्ये बनवा गव्हाच्या पिठाचा चविष्ट केक, डाएट करणाऱ्यांसाठी उत्तम पदार्थ

कृती

• सर्वप्रथम ब्रेडच्या कडा काढून टाका आणि ब्रेड थोड्या पाण्यात हलकासा भिजवून लगेच पिळून घ्या.
• एका मोठ्या भांड्यात उकडलेले बटाटे, गाजर, मटार, कांदा, हिरवी मिरची आणि कोथिंबीर घाला.
• त्यात आलं-लसूण पेस्ट, हळद, लाल तिखट, गरम मसाला आणि मीठ घालून सर्व मिश्रण चांगले मिक्स करा.
• आता पिळलेला ब्रेड या मिश्रणात घालून पुन्हा एकजीव करा.
• तयार मिश्रणाचे छोटे गोळे करून त्यांना कटलेटचा आकार द्या.
• कढईत तेल गरम करून मध्यम आचेवर हे कटलेट सोनेरी आणि कुरकुरीत होईपर्यंत तळून घ्या.
• गरमागरम ब्रेड कटलेट हिरवी चटणी किंवा टोमॅटो सॉसबरोबर सर्व्ह करा.
• कटलेट अधिक कुरकुरीत हवे असतील तर तळण्यापूर्वी रव्यामध्ये किंवा ब्रेडक्रम्ब्समध्ये घोळवून घ्या.
• हेल्दी पर्यायासाठी हे कटलेट शॅलो फ्राय किंवा एअर फ्रायरमध्येही बनवू शकता.
• चीज घालून बनवल्यास मुलांना आणखी आवडतील.
• चविष्ट आणि झटपट होणारी ही ब्रेड कटलेट रेसिपी नक्की करून पाहा!